სასამართლოს შეცდომა: რა ღირს სიცოცხლის 11 წელი?!
მოსამართლისა და პროკურატურის შეცდომის გამო, ამერიკელმა ხუან რივერამ ციხეში 20 წელი გაატარა და 2015 წელს, კომპენსაციის სახით 20 მილიონი დოლარი მიიღო. რა ღირს საქართველოს სახელმწიფოსთვის გია გვიჩიანისა და ნიკა ჩემიას ცხოვრების 11 წელი, ჯერჯერობით უცნობია.
დაპატიმრების დროს, გვიჩიანი 35 წლის იყო, ხოლო ჩემია - 32-ის. მათ 2006 წლის აგვისტოში AES თელასის ფინანსური მენეჯერის, ნიკა ლომინაძის მკვლელობის გამო უვადო პატიმრობა მიუსაჯეს. ეს გახმაურებული დანაშაული თბილისში, 2002 წლის 13 აგვისტოს მოხდა. ლომინაძის გვამი ბახტრიონზე, საკუთარ ბინაში ხელებშეკრული და ერთი ტყვიით მოკლული ნახეს.
შსს-ს სპეციალურმა ოპერატიულმა დეპარტამენტმა (სოდ), რომელსაც მაშინ ერეკლე კოდუა ხელმძღვანელობდა, ნიკა ჩემია და მისი ორი მეგობარი: გიორგი პაპაჩაშვილი და ავთანდილ ხელკელაძე 2005 წლის დეკემბერში დააკავა, ხოლო გია გვიჩიანი - 2006 წლის 7 მარტს.
ამ ადამიანების წინააღმდეგ ჩვენება კრიმინალურმა ავტორიტეტმა, ნოდარ გვიჩიანმა მისცა, რომელიც სოდ-მა 2005 წლის 10 ნოემბერს, ნარკოვაჭრობის ფაქტზე აიყვანა და მას უვადო პატიმრობა ელოდა.
ნოდარ გვიჩიანის ჩვენების მიხედვით, „გია გვიჩიანმა, რომელიც 2002 წელს, ნიკა ლომინაძის მოადგილედ მუშაობდა, AES თელასში ფინანსური მაქინაციების დაფარვის გამო, მას ლომინაძის მკვლელობა 20 ათასს დოლარად დაუკვეთა, მკვლელობა კი ჩემიამ, ხელკელაძემ და პაპაჩაშვილმა აღასრულეს“. ასეთი იყო ბრალდების მაშინდელი ვერსია.
პაპაჩაშვილი პროკურატურას მაშინვე გაურიგდა და „დანაშაულის აღიარების“ სანაცვლოდ, საპროცესო შეთანხმებით გათავისუფლდა; ხერკელაძემ 8 წელი მიიღო და ციხეში გარდაიცვალა, ხოლო გვიჩიანსა და ჩემიას დანაშაული არ უღიარებიათ. მათ უვადო პატიმრობა შეეფარდათ, რომელიც 2014 წელს 15-წლიანი სასჯელით შეუცვალეს.
2017 წლის 20 თებერვალს კი თბილისის სააპელაციო სასამართლოს კოლეგიამ უპრეცედენტო გადაწყვეტილება გამოიტანა, პროკურატურის ახალი მტკიცებულებების საფუძველზე, 46 წლის გვიჩიანი და 43 წლის ჩემია უდანაშაულოდ ცნო და სასამართლოს დარბაზშივე გაათავისუფლა.
სასამართლომაც და პროკურატურამაც აღიარეს, რომ სისხლის სამართლის საქმე თავიდან ბოლომდე გაყალბებული იყო. საქმის პროკურორი გვანცა გვიმრაძე, რომელიც ლომინაძის მკვლელობის დროს 12 წლის იყო, ამბობს:
„ახალი გამოძიების ფარგლებში რა მტკიცებულებებიც იქნა მოპოვებული, პირდაპირ უთითებს მსჯავრდადებულ პირთა უდანაშაულობის ფაქტს, ამჟამად, რამდენიმე მიმართულებით მიმდინარეობს გამოძიება: ერთია -ნიკა ლომინაძის რეალური მკვლელის დადგენის მიზნით და მეორე - სამოხელეო დანაშაულის მიმართულებით.“
ჯერჯერობით უცნობია, როგორი იქნება პროკურატურის ახალი საგამოძიებო სტრატეგია. ბრალი მხოლოდ მაშინდელ მაღალი თანამდებობის პირებს: პრეზიდენტ სააკაშვილს, შსს მინისტრ მერაბიშვილს, გენპროკურორ ადეიშვილს და სოდ-ის უფროსს კოდუას დაუმძიმდებათ, თუ აქცენტი საქმის პროკურორებზე, მოსამართლეებსა და ცრუ მოწმეებზეც გაკეთდება?
ლომინაძის მკვლელობის საქმეს თავიდანვე პროკურორი ანზორ ხვადაგიანი წარმართავდა, რომელიც ახლა პენსიაზეა. გარდაცვლილნი არიან სოდ-ის საგამოძიებო სამსახურის უფროსი პაატა კუპრაშვილი და შსს-ს გენერალური ინსპექციის უფროსის მოადგილე, გენერალ მაიორი დავით კეკუა.
კეკუა ამ საქმეზე მტკიცებულების გაყალბების გამო (მკვლელობის ადგილზე ნაპოვნი ტყვიის გულა გამოცვალა ზ.წ) 2007 წლის მაისში დააკავეს, ხუთ თვეში მან ოფიციალური ვერსიით, საკანში თავი მოიკლა. ცრუ მოწმე ნოდარ გვიჩიანი ამჟამად სასჯელს უკრაინის ტერიტორიაზე იხდის.
პირველი განაჩენი - უვადო პატიმრობა 2006 წლის აგვისტოში, ლომინაძის მკვლელობის საქმეზე, თბილისის საქალაქო სასამართლოს მოსამართლე ნინო სანდოძემ გამოიტანა. იგი დღემდე მოსამართლეა ისევე, როგორც ნაირა გიგიტაშვილი, რომელმაც ეს საქმე სააპელაციო სასამართლოში განიხილა.
2014 წელს, ამ საქმეზე, მტკიცებულებების გაყალბება (მათ შორის, FBI-ის გამოკვლეული დნმ-ის ანალიზი) ასევე „ვერ შეამჩნიეს“ სააპელაციო სასამართლოს მოსამართლე ლევან თევზაძემ, რომელმაც უვადო პატიმრობა 15-წლიანი სასჯელით შეცვალა და უზენაესი სასამართლოს კოლეგიამ: გიორგი შავლიაშვილის, მაია ოშხარელისა და პაატა სილაგაძის შემადგენლობით. მათ ახალი სასჯელი ძალაში, ხოლო გვიჩიანი და ჩემია ციხეში დატოვეს. უცნობია, დაიწყება თუ არა ამ მოსამართლეების წინააღმდეგ დისციპლინარული დევნა?
გია გვიჩიანის დაცვის მხარის ინფორმაციით, 2006 წელს, ამ საქმეზე, პროკურორ ანზორ ხვადაგიანის თანაშემწე, ამჟამინდელი მთავარი პროკურორი, 23 წლის ირაკლი შოთაძე იყო. გვიჩიანი 2013-16 წლებში, სწორედ შოთაძეს ადანაშაულებდა საქმის ხელახალი გამოძიების გაჭიანურებაში, თუმცა განთავისუფლების შემდეგ, ამ თემაზე აღარ საუბრობს.
გია გვიჩიანი ამბობს, რომ 2006 წლის მარტში, მაშინდელმა ხელისუფლებამ არარსებული ბრალდება, 2006 წლის 28 იანვარს მომხდარი სანდრო გირგვლიანის გახმაურებული მკვლელობის გადასაფარად და შსს მინისტრ მერაბიშვილის გადასარჩენად „შეკერა“:
„მაშინდელი სახელისუფლებო დაჯგუფება: მიხეილ სააკაშვილი, ივანე მერაბიშვილი, ზურაბ ადეიშვილი იყვნენ პირადად დაინტერესებულნი. იმიტომ რომ ვანო მერაბიშვილი არ გადამდგარიყო თანამდებობიდან, მათ გადაწყვიტეს ჩემი დაპატიმრება. ლომინაძის საქმის ფალსიფიკაციით და სწრაფი გახსნით შეეცადნენ გირგვლიანის მკვლელობის საქმის გადაფარვას“
ეს უკვე მეორე შემთხვევაა, როცა ნიკა ლომინაძის მკვლელობის საქმეზე დაკავებულ პირებს ათავისუფლებენ. 2006 წლის სექტემბრის ბოლოს, ამ საქმეზე შსს-ს დაცვის პოლიციის დეპარტამენტის დიდუბე-ჩუღურეთის რაიონის სამსახურის თანამშრომელი, დავით მჭედლიძე აიყვანეს, თუმცა იგი ნახევარი წლის მერე სახლში გაუშვეს.
AES თელასის ფინანსური მენეჯერის, ნიკა ლომინაძის მკვლელი და მკვლელობის შემკვეთები 14 წლის შემდეგაც დაუსჯელნი არიან. ამ რეზონანსული მკვლელობიდან 10 თვის შემდეგ, 2003 წლის ზაფხულში, ამერიკულმა ენერგეტიკულმა გიგანტმა, AES Corporation-მა, თელასის აქციათა 75 პროცენტი და ყველა სხვა ქართული აქტივი, რუსულ ინტერ რაოს მიჰყიდა და ხუთწლიანი რთული მუშაობის შემდეგ, ქართული ენერგეტიკული ბაზარი სამუდამოდ დატოვა.
-
გადახედვაო'ბრაიენი: თუ საქართველოს ხელისუფლება ე.წ. რუსულ კანონს მიიღებს, ვითარება ჩვენთვის ნათელი გახდება [ინტერვიუ] ო'ბრაიენი: თუ საქართველოს ხელისუფლება ე.წ. რუსულ კანონს მიიღებს, ვითარება ჩვენთვის ნათელი გახდება [ინტერვიუ]
-
გადახედვამიუხედავად დაპირისპირებისა და რთული ვითარებისა, უნდა გვაერთიანებდეს სამშობლოს სიყვარული და შეგვეძლოს მშვიდობიანი თანაცხოვრება — ეპისტოლედან მიუხედავად დაპირისპირებისა და რთული ვითარებისა, უნდა გვაერთიანებდეს სამშობლოს სიყვარული და შეგვეძლოს მშვიდობიანი თანაცხოვრება — ეპისტოლედან
-
გადახედვარუსეთმა ვოლოდიმირ ზელენსკი ძებნილად გამოაცხადა რუსეთმა ვოლოდიმირ ზელენსკი ძებნილად გამოაცხადა
-
გადახედვასალომე ზურაბიშვილი ელჩებს: დაძაბულ ვითარებაში ვართ... ჩემი თხოვნაა, განხორციელდეს მაღალი დონის ვიზიტები მაისის ბოლომდე სალომე ზურაბიშვილი ელჩებს: დაძაბულ ვითარებაში ვართ... ჩემი თხოვნაა, განხორციელდეს მაღალი დონის ვიზიტები მაისის ბოლომდე
-
გადახედვადერეკ შოლე: მრავალწლიანი პარტნიორობის შემდეგ, ვწუხვართ, რომ საქართველოს ევროატლანტიკური მისწრაფებები სასწორზე დევს დერეკ შოლე: მრავალწლიანი პარტნიორობის შემდეგ, ვწუხვართ, რომ საქართველოს ევროატლანტიკური მისწრაფებები სასწორზე დევს
-
გადახედვააქცია ქართული ოცნების ოფისთან — სანაპირო გადაკეტილია აქცია ქართული ოცნების ოფისთან — სანაპირო გადაკეტილია
-
გადახედვაქართველი სტარტაპერები რუსული კანონის წინააღმდეგ ერთობლივ განცხადებას ავრცელებენ ქართველი სტარტაპერები რუსული კანონის წინააღმდეგ ერთობლივ განცხადებას ავრცელებენ
-
გადახედვასასტუმრო პარაგრაფთან აქციის მონაწილე დააკავეს სასტუმრო პარაგრაფთან აქციის მონაწილე დააკავეს
-
გადახედვასაქართველოს რეიტინგი, პრესის თავისუფლების მსოფლიო ინდექსში, 26 ადგილით დაეცა საქართველოს რეიტინგი, პრესის თავისუფლების მსოფლიო ინდექსში, 26 ადგილით დაეცა
-
გადახედვაჟურნალისტური ეთიკის ქარტიის განცხადება კახა კალაძის მიერ, ჟურნალისტის შეურაცხყოფის ფაქტზე ჟურნალისტური ეთიკის ქარტიის განცხადება კახა კალაძის მიერ, ჟურნალისტის შეურაცხყოფის ფაქტზე
-
გადახედვადღეს, კობახიძემ, ამ ქვეყნის ისტორიაში უპრეცედენტო და უდიდესი თავდასხმა განახორციელა აშშ-ზე — გრიგოლ გეგელია დღეს, კობახიძემ, ამ ქვეყნის ისტორიაში უპრეცედენტო და უდიდესი თავდასხმა განახორციელა აშშ-ზე — გრიგოლ გეგელია
-
გადახედვარა უნდა ვიცოდეთ დღევანდელ პროტესტზე, რომელიც 18:30-ზე დაიწყება სასტუმრო პარაგრაფთან, თავისუფლების მოედანზე რა უნდა ვიცოდეთ დღევანდელ პროტესტზე, რომელიც 18:30-ზე დაიწყება სასტუმრო პარაგრაფთან, თავისუფლების მოედანზე
-
გადახედვაკობახიძე აშშ-ს "ორ რევოლუციურ მცდელობაში" ადანაშაულებს — რა გავიგეთ მისი და აშშ-ის სახელმწიფო მდივნის მრჩევლის პოსტებიდან X-ზე კობახიძე აშშ-ს "ორ რევოლუციურ მცდელობაში" ადანაშაულებს — რა გავიგეთ მისი და აშშ-ის სახელმწიფო მდივნის მრჩევლის პოსტებიდან X-ზე
-
გადახედვაკალაძე სპორტსმენებზე, რომელმაც ხელისუფლების ძალადობა დაგმეს: "მეც ვუერთდები "არა რუსულ კანონს", ამ სუფთა ქართულ კანონს კი აუცილებლად მივიღებთ" კალაძე სპორტსმენებზე, რომელმაც ხელისუფლების ძალადობა დაგმეს: "მეც ვუერთდები "არა რუსულ კანონს", ამ სუფთა ქართულ კანონს კი აუცილებლად მივიღებთ"
-
გადახედვამინდა, მივმართო ჩვენი ქვეყნის აკრედიტებულ ელჩებს მეგობარ ქვეყნებში... საკითხი ეხება ჩვენი ქვეყნის მომავალს! — მამუკა ხაზარაძე მინდა, მივმართო ჩვენი ქვეყნის აკრედიტებულ ელჩებს მეგობარ ქვეყნებში... საკითხი ეხება ჩვენი ქვეყნის მომავალს! — მამუკა ხაზარაძე
-
გადახედვა11 მაისს, ევროპის დღეს, რუსული კანონის საწინააღმდეგო მანიფესტაცია დაანონსდა 11 მაისს, ევროპის დღეს, რუსული კანონის საწინააღმდეგო მანიფესტაცია დაანონსდა
-
გადახედვაცირკთან აქციის მონაწილეებს, უცნობი პირები, ფიზიკურად გაუსწორდნენ ცირკთან აქციის მონაწილეებს, უცნობი პირები, ფიზიკურად გაუსწორდნენ
-
გადახედვასაფრანგეთში მცხოვრები ქართველი სტუდენტები რუსული კანონის გაწვევას მოითხოვენ და აქციის მონაწილეებზე ძალადობას გმობენ საფრანგეთში მცხოვრები ქართველი სტუდენტები რუსული კანონის გაწვევას მოითხოვენ და აქციის მონაწილეებზე ძალადობას გმობენ
-
გადახედვაგზის გადაკეტვა შეკრების თავისუფლების ფორმაა — საია გზის გადაკეტვა შეკრების თავისუფლების ფორმაა — საია
-
გადახედვაკობახიძე აშშ-ში მიიწვიეს დათქმით, რომ ვიზიტამდე უნდა შეჩერებულიყო კანონპროექტის განხილვა — საგარეო აშშ-ის ელჩის განცხადებაზე კობახიძე აშშ-ში მიიწვიეს დათქმით, რომ ვიზიტამდე უნდა შეჩერებულიყო კანონპროექტის განხილვა — საგარეო აშშ-ის ელჩის განცხადებაზე
-
კომენტარები