კანის კინოფესტივალი: სადილი ჟურნალისტებისთვის და ბოლო საკონკურსო დღე
გუშინდელი დღე კანში სიზმარს ჰგავდა. აბა წარმოიდგინეთ, როგორი ამბავია, როცა შენ, პედრო ალმოდოვარი, ჯესიკა ჩესტეინი, უილ სმიტი, პაოლო სორენტინო და ჟიურის სხვა წევრები ერთმანეთის გვერდით სხედხართ და სადილობთ?!
კანში, ფესტივალების სასახლიდან რამდენიმე კილომეტრის მოშორებით ძველი ქალაქის ტერიტორიაა, მისი შემჩნევა აქ ჩამოსულს ნამდვილად არ გაგიჭირდებათ, გორაკზე წამოჭიმული ძველი კოშკი და წარწერა - CANNES ერთ-ერთი პირველია, რასაც ქალაქში შემოსვლის დროს ხედავთ.
ყოველ წელს ქალაქის მერი დეივიდ ლინსარდი, ფესტივალის ორგანიზატორებთან და ჟიურის წევრებთან ერთად, აკრედიტირებული ჟურნალისტებისთვის საპატიო სადილს მართავს, რომელზე დასასწრები მოსაწვევებიც შეზღუდული რაოდენობით რიგდება, თუმცა საბედნიეროდ გამიმართლა და მოვახერხე ჯესიკა ჩესტეინთან და პედრო ალმოდოვართან ერთად ერთ სივრცეში აღმოვჩენილიყავი.
აქ ჩამოსული ჟურნალისტები, რომლებიც უკვე წლებია ფესტივალს ესწრებიან, ამბობენ, რომ მენიუ, რომელსაც ქალაქის მერია სტუმრებს ახვედრებს, არასდროს იცვლება.
მოხარშული თევზი და კარტოფილი, გარნირად კი ორთქლზე მომზადებული ბოსტნეული - ეს ივენთის მთავარი კერძია, მანამდე კი სტუმრებს უგემრიელესი ფრანგული პურით, შავი ღვინითა და ბრუსკეტებით უმასპინძლდებიან.
რა თქმა უნდა, ბოლოს არც უსაჩუქროდ გტოვებენ. ქალაქის მერი სტუმრებს ადგილობრივი ზეთისხილის პლანტაციებში მოყვანილი ზეითუნის ზეთით ხელდამშვენებულს უშვებს.
წვეულება კულმინაციას მაშინ აღწევს, როდესაც ტერიტორიაზე ჟიურის წევრები ჩნდებიან, მათთან გამოსალაპარაკებლად და ფოტოს გადასაღებად მხოლოდ რამდენიმე წუთი გაქვს, როგორც კი მაგიდას შემოუსხდებიან ტერიტორიაზე ფოტოს გადაღება მკაცრად იკრძალება.
კიდევ უფრო მნიშვნელოვანი მომენტი კი, როგორც აღმოვაჩინე, დესერტის გამოტანის პერიოდია და არც მიკვირს. რომელი ერთი ვთქვა?! გარგარის, ფისტაშკებისა თუ ჟოლოს ნამცხვარი? თუმცა არა, არც ერთია იმაზე გემრიელი, ვიდრე ლიმონის ნამცხვარი და როგორც გავარკვიე, ეს მხოლოდ ჩემი აზრი არ ყოფილა, ბევრმა აღნიშნა, რომ ამ სადილზე წამოსვლის ერთ-ერთი მთავარი მიზეზი სწორედ ეს უკანასკნელია.
სადილი დიდხანს არ გრძელდება, არც ჟიურის წევრებს სცალიათ საამისოდ და მით უმეტეს არც ჟურნალისტებს, რომლებსაც აქ ყოფნით ცოტა ხნით მაინც ავიწყდებათ ის, რომ დებიუსისა და ლუმიერების კინოთეატრთან ახალი რიგი ელოდებათ.
სიზმრიდან რეალობაში დაბრუნებულმა ლინ რემსის საკონკურსო ფილმი ვნახე, რომლის სათაურიც შენ არასდროს ხარ რეალურად აქ ნამდვილად შეესაბამებოდა ჩემს იმჟამინდელ განწყობას, თუმცა საბედნიეროდ მხოლოდ სახელი და მეტი არაფერი.
ლინი, რომელმაც მაყურებელს დროა კევინის შესახებ ვისაუბროთ აჩუქა, რთული დასაჯერებელია, რომ ხოაკინ ფენიქსის მონაწილეობით იღებს, ფილმს, რომელმაც რამდენიმე წუთით გამოძინების საშუალება მომცა.
თემა აქაც თითქმის ანალოგიურია - ბავშვობის ტრამვები, ურთიერთობა დედა-შვილს შორის, ძალადობა და რეალობისგან გაქცევის სურვილი.
რემსის ფილმი კანის საკონკურსო პროგრამის ბოლო ფილმი იყო, ამიტომ დროა შევაჯამოთ ის ცხრამეტი ფილმი, რომელთაგანაც ერთ-ერთი საიუბილეო, კანის სამოცდამეათე კინოფესტივალზე ოქროს პალმის რტოს მფლობელი გახდება.
ფილმები, ისევე როგორც ჟიურის წევრები ერთმანეთისგან რადიკალურად განსხვავდებიან ერთმანეთისგან, თუმცა კინოსურათებს ერთი საერთო მაინც აქვთ - პროტესტი.
თითოეულ ფილმში რეჟისორები განსხვავებული ხედვითა და თემატიკით გვიჩვენებენ პრობლემებს, რომლებიც ჩვენი რეალობის ავთენტურია, თუმცა ხშირად მათ მიერ არჩეული გზა, წარუმატებელი რჩება და ფილმს აქაური აუდიტორია არ იღებს, მაგრამ რას გადაწყვეტს ჟიური ეს უკვე სხვა საკითხია.
ბევრჯერ აღვნიშნე და ახლაც იმავეს ვიტყვი, კანი ყველაზე არაპროგნოზირებადი კონკურსია, შესაბამისად, დარწმუნებით ვერასდროს იტყვი, თუ ვინ აღმოჩნდება გამარჯვებულთა შორის.
მაგალითად, შარშანდელ ფესტივალზე, როდესაც ერთმანეთის მიყოლებით საკონკურსო პროგრამაში კენ ლოუჩის მე დანიელ ბლეიკი, პედრო ალმოდოვარის ხულიეტა, კლებერ მენდოკა ფილიუს აკვარიუსი და ჯიმ ჯარმუშის პეტერსონი მონაწილეობდნენ, უცხოური პრესა გამარჯვებას პეტერსონს უწინასწარმეტყველებდა, მაგრამ ჟიურიმ პალმა კენ ლოუჩის ფილმს გადასცა.
თუმცა მაშინ სულ სხვა ამბავი იყო, შარშან თითქმის ყველა ფილმი ერთმანეთზე უკეთესი იყო და ვერ იტყოდი, რომელი უფრო იმსახურებდა გამარჯვებას, აი წელს კი ცხრამეტი ფილმიდან განსაკუთრებულად მხოლოდ დამამახსოვრდა - ანდრეი ზვიაგინცევის უსიყვარულო და სოფია კოპოლას The Beguiled, დანარჩენების მიმართ კი პრეტენზია გაცილებით მეტია.
გამარჯვების ერთ-ერთ კანდიდატად რობინ კამპილოს ფილმი 120 დარტყმა წუთში სახელდება, რადგან ფილმი თავისი თემატიკითა და სტილით ზუსტად ის არის, რაც კანში უყვართ.
დადებითი რეცენზიები დაიწერა ფილმზე ოკჯა, თუმცა საბოლოოდ ფილმი დიდი სკანდალის მიზეზიც გახდა, როგორც ამბობენ ნეტფლიქსმა უარი თქვა კანის საკონკურსო პროგრამის ეს ფილმი კინოთეატრებში გაუშვას, რაც ფესტივალის ერთ-ერთი ყველაზე მნიშვნელოვანი წესის დარღვევაა, სწორედ ამიტომ არსებობს საფუძვლიანი ეჭვი, რომ კანში ოკჯას არ შემიჩნევენ.
რაც შეეხება მსახიობ ქალებს, ამ შემთხვევაში უპირობო ლიდერად ნიკოლ კიდმანს ვასახელებ, რომელიც უკვე შერაცხეს წლევანდელი ფესტივალის არაოფიციალურ დედოფლად. არანაკლებ გამიხარდება თუ პრიზს ზვიაგინცევის ფილმის მთავარი როლის შემსრულებელ მარიანა სპივაკს მისცემენ.
იგივე ვარაუდები არსებობს კამპილოს ფილმის მთავარი როლის შემსრულებელზეც.
ჩემდა სამწუხაროდ უნდა ითქვას, რომ იზაბელ იუპერმა ვერ მოახერხა ახალი და განსხვავებული პერსონაჟის შექმნა, ზუსტად ისე, როგორც მიჰაელ ჰანეკემ ვერ გადაიღო კარგი ფილმი. იუპერი ბედნიერ დასასრულში ტრადიციულად კარგ პერფორმანსს გვთავაზობს, ისეთს როგორც უკვე დიდი ხანია შევეჩვიეთ მისგან და მიუხედავად იმისა, რომ წელს ქალ მსახიობებში კონკურენცია არც ისე დიდია, მაინც საეჭვოა, რომ იზაბელი კიდევ ერთხელ გახდეს კანის ფესტივალის გამარჯვებული.
კიდევ უფრო პატარა კონკურენციაა კაც მსახიობებს შორის, ყველაზე დასამახსოვრებელი წელს აქაც რობინ კამპილოს ფილმის 120 დარტყმა წუთში მთავარი როლის შემსრულებლები არიან, რომლებსაც თითქმის დარწმუნებული ვარ, რომ პრიზს აუცილებლად გადასცემენ. არსებობს იმის ალბათობაც, რომ ამ კატეგორიაში ჯილდო ლუი გარელს გადასცენ მიშელ ჰაზანავიჩუსის ფილმში შესრულებული ჟალ-ლუკ გოდარის როლის გამო.
საინტერესოა რას გადაწყვეტს ჟიური, რომელსაც ესპანელი რეჟისორი პედრო ალმოდოვარი ხელმძღვანელობს.
დღეს დილით ლუმიერების დარბაზში ფესტივალის ბოლო ფილმს - დაფუძნებულია რეალურ ამბავზე გაუშვებეს, თუმცა რომან პოლანსკის ეს ფილმი საკონკურსო პროგრამაში მონაწილეობას არ იღებს.
საღამოს 19:15 საათზე კი კანის კიდევ ერთი კონკურსის "განსხვავებული ხედვის" გამარჯვებულს გამოავლენენ, ჟიურის აქ მსახიობი უმა თურმანი ხელმძღვანელობს, გამარჯვებულის გამოვლენის შემდეგ კი ფილმის ჩვენებაც გაიმართება.
რაც შეეხება მთავარ საკონკურსო პროგრამას, 28 მაისის საღამოს უკვე გვეცოდინება რა ვერდიქტი გამოიტანეს ჟიურის წევრებმა.
-
გადახედვაო'ბრაიენი: თუ საქართველოს ხელისუფლება ე.წ. რუსულ კანონს მიიღებს, ვითარება ჩვენთვის ნათელი გახდება [ინტერვიუ] ო'ბრაიენი: თუ საქართველოს ხელისუფლება ე.წ. რუსულ კანონს მიიღებს, ვითარება ჩვენთვის ნათელი გახდება [ინტერვიუ]
-
გადახედვამიუხედავად დაპირისპირებისა და რთული ვითარებისა, უნდა გვაერთიანებდეს სამშობლოს სიყვარული და შეგვეძლოს მშვიდობიანი თანაცხოვრება — ეპისტოლედან მიუხედავად დაპირისპირებისა და რთული ვითარებისა, უნდა გვაერთიანებდეს სამშობლოს სიყვარული და შეგვეძლოს მშვიდობიანი თანაცხოვრება — ეპისტოლედან
-
გადახედვარუსეთმა ვოლოდიმირ ზელენსკი ძებნილად გამოაცხადა რუსეთმა ვოლოდიმირ ზელენსკი ძებნილად გამოაცხადა
-
გადახედვააზერბაიჯანში დაკავებულ მედია ადვოკატს და ტელეკომპანიის დამფუძნებელს, არ აძლევენ საშუალებას, სასწრაფო ბიოფსია ჩაიტაროს აზერბაიჯანში დაკავებულ მედია ადვოკატს და ტელეკომპანიის დამფუძნებელს, არ აძლევენ საშუალებას, სასწრაფო ბიოფსია ჩაიტაროს
-
გადახედვადერეკ შოლე: მრავალწლიანი პარტნიორობის შემდეგ, ვწუხვართ, რომ საქართველოს ევროატლანტიკური მისწრაფებები სასწორზე დევს დერეკ შოლე: მრავალწლიანი პარტნიორობის შემდეგ, ვწუხვართ, რომ საქართველოს ევროატლანტიკური მისწრაფებები სასწორზე დევს
-
გადახედვააქცია ქართული ოცნების ოფისთან — სანაპირო გადაკეტილია აქცია ქართული ოცნების ოფისთან — სანაპირო გადაკეტილია
-
გადახედვაქართველი სტარტაპერები რუსული კანონის წინააღმდეგ ერთობლივ განცხადებას ავრცელებენ ქართველი სტარტაპერები რუსული კანონის წინააღმდეგ ერთობლივ განცხადებას ავრცელებენ
-
გადახედვასასტუმრო პარაგრაფთან აქციის მონაწილე დააკავეს სასტუმრო პარაგრაფთან აქციის მონაწილე დააკავეს
-
გადახედვაპრეზიდენტმა ე.წ ოფშორების კანონს ვეტო დაადო პრეზიდენტმა ე.წ ოფშორების კანონს ვეტო დაადო
-
გადახედვაკლუბი KHIDI: ვაუქმებთ 3 და 4 მაისის ივენთებს. არა რუსულ კანონს! შევხვდებით რუსთაველზე! კლუბი KHIDI: ვაუქმებთ 3 და 4 მაისის ივენთებს. არა რუსულ კანონს! შევხვდებით რუსთაველზე!
-
გადახედვასაქართველოს რეიტინგი, პრესის თავისუფლების მსოფლიო ინდექსში, 26 ადგილით დაეცა საქართველოს რეიტინგი, პრესის თავისუფლების მსოფლიო ინდექსში, 26 ადგილით დაეცა
-
გადახედვაჟურნალისტური ეთიკის ქარტიის განცხადება კახა კალაძის მიერ, ჟურნალისტის შეურაცხყოფის ფაქტზე ჟურნალისტური ეთიკის ქარტიის განცხადება კახა კალაძის მიერ, ჟურნალისტის შეურაცხყოფის ფაქტზე
-
გადახედვადღეს, კობახიძემ, ამ ქვეყნის ისტორიაში უპრეცედენტო და უდიდესი თავდასხმა განახორციელა აშშ-ზე — გრიგოლ გეგელია დღეს, კობახიძემ, ამ ქვეყნის ისტორიაში უპრეცედენტო და უდიდესი თავდასხმა განახორციელა აშშ-ზე — გრიგოლ გეგელია
-
გადახედვარა უნდა ვიცოდეთ დღევანდელ პროტესტზე, რომელიც 18:30-ზე დაიწყება სასტუმრო პარაგრაფთან, თავისუფლების მოედანზე რა უნდა ვიცოდეთ დღევანდელ პროტესტზე, რომელიც 18:30-ზე დაიწყება სასტუმრო პარაგრაფთან, თავისუფლების მოედანზე
-
გადახედვაკალაძე სპორტსმენებზე, რომელმაც ხელისუფლების ძალადობა დაგმეს: "მეც ვუერთდები "არა რუსულ კანონს", ამ სუფთა ქართულ კანონს კი აუცილებლად მივიღებთ" კალაძე სპორტსმენებზე, რომელმაც ხელისუფლების ძალადობა დაგმეს: "მეც ვუერთდები "არა რუსულ კანონს", ამ სუფთა ქართულ კანონს კი აუცილებლად მივიღებთ"
-
გადახედვამინდა, მივმართო ჩვენი ქვეყნის აკრედიტებულ ელჩებს მეგობარ ქვეყნებში... საკითხი ეხება ჩვენი ქვეყნის მომავალს! — მამუკა ხაზარაძე მინდა, მივმართო ჩვენი ქვეყნის აკრედიტებულ ელჩებს მეგობარ ქვეყნებში... საკითხი ეხება ჩვენი ქვეყნის მომავალს! — მამუკა ხაზარაძე
-
გადახედვაპოლიციის უმოქმედობა აქციის მონაწილეებზე ძალადობას ახალისებს — DRI პოლიციის უმოქმედობა აქციის მონაწილეებზე ძალადობას ახალისებს — DRI
-
გადახედვაპარლამენტში 3 და 4 მაისს უსაფრთხოების ყვითელი დონე იმოქმედებს — ვიზიტორებს ეზღუდებათ პარლამენტის სასახლეში შესვლა პარლამენტში 3 და 4 მაისს უსაფრთხოების ყვითელი დონე იმოქმედებს — ვიზიტორებს ეზღუდებათ პარლამენტის სასახლეში შესვლა
-
გადახედვა11 მაისს, ევროპის დღეს, რუსული კანონის საწინააღმდეგო მანიფესტაცია დაანონსდა 11 მაისს, ევროპის დღეს, რუსული კანონის საწინააღმდეგო მანიფესტაცია დაანონსდა
-
გადახედვაცირკთან აქციის მონაწილეებს, უცნობი პირები, ფიზიკურად გაუსწორდნენ ცირკთან აქციის მონაწილეებს, უცნობი პირები, ფიზიკურად გაუსწორდნენ
-
გადახედვასაფრანგეთში მცხოვრები ქართველი სტუდენტები რუსული კანონის გაწვევას მოითხოვენ და აქციის მონაწილეებზე ძალადობას გმობენ საფრანგეთში მცხოვრები ქართველი სტუდენტები რუსული კანონის გაწვევას მოითხოვენ და აქციის მონაწილეებზე ძალადობას გმობენ
კომენტარები