ქართველების მიერ შექმნილი ტყავის ჩანთების ბრენდი, რომელიც შვიდ ქვეყანაში იყიდება
თუ ჩანთების დიდი მოყვარული ხართ და კოლექციის განახლებაზე ფიქრობთ, მაშინ აუცილებლად უნდა დაინტერესდეთ გეფერინის პროდუქციით. ქართველი მწარმოებლების მიერ შექმნილი ბრენდი ტყავის ჩანთებსა და აქსესუარებს აწარმოებს, რომლებიც არამხოლოდ საქართველოში, არამედ ამერიკაში, საფრანგეთში, შვედეთში და სხვა ქვეყნებში დიდი პოპულარობით სარგებლობს. გეფერინი სამი წელია გამოჩნდა და დღეს უკვე ბაზრის მსხვილი მოთამაშეა.
კომპანიის საქმიანობის შესახებ სასაუბროდ გეფერინის ერთ-ერთ დამფუძნებელს, ილია გეფერიძეს დავუკავშირდით.
როდის გადაწყვიტეთ კომპანიის დაარსება და ამ სფეროში მოღვაწეობა?
მე და ჩემს მეუღლეს სოფიო ხოსიტაშვილს სხვადასხვა სფეროში მუშაობის საკმაოდ დიდი გამოცდილება გვქონდა. ამიტომ მივიღეთ გადაწყვეტილება, რომ თავი საკუთრ ბიზნესშიც გვეცადა. დიდ ხანს ვფიქრობდით, რა უნდა გაგვეკეთებინა. ორივე შევჯერდით იმ ფაქტზე, რომ ეს საქმე აუცილებლად წარმოება უნდა ყოფილიყო. თუმცა არ გვინდოდა, დაგვეწყო ისეთი წარმოება, რომლის ანალოგიურიც უკვე არსებობდა საქართველოში. ბაზრის მოკვლევის შემდეგ გავარკვიეთ, რომ ნიშა, რომელსაც ჩვენ ვეძებდით, ქალის ჩანთები იყო. 2014 წლის აგვისტოში დავაფუძნეთ კომპანია, რომლის სახელიც "გეფერინი" ოჯახის გვარიდან გამომდინარე შევარჩიეთ და წარმოებაც დავიწყეთ.
რა გახდა ინსპირაციის წყარო?
ინსპირაცია იყო სხვადასხვა ცნობილი წარმატებული ბრენდები, რომლებმაც ნულიდან დაიწყეს ყველაფერი.
მოგვიყევით თქვენი გუნდის შესახებ - მათ შორის, დამფუძნებლებსა და თანამშრომლებზე, რომლებმაც შექმენით წარმატებული ბრენდი.
როდესაც წარმოება დავიწყეთ 6 თანამშრომელი გვყავდა, დღეს უკვე 42 ადამიანი გვყავს დასაქმებული. გეფერინის გუნდი ყოველდღიურად ცდილობს დაიხვეწოს და გაიზარდოს. ჩვენი ახალი პროდუქტი ყოველთვის უკეთესია ძველზე, რაც იმას ნიშნავს, რომ სამუშაო გუნდი იზრდება და იხვეწება. დღეს გეფერინი ქმნის ისეთ პროდუქციას, რომლის დაკოპირება არ არის ადვილი.
გთხოვთ, გვესაუბრეთ თქვენი პროდუქტის შესახებ. ჩათვალეთ, რომ ვართ კლიენტები, რომლებიც დაგიკავშირდნენ და აინტერესებთ თქვენი პროდუქტის შესახებ ყველაფერი.
ჩვენი პროდუქცია მზადდება მაღალი ხარისხის ნატურალური ტყავისგან და ეკო ტყავისგან. ეკო ტყავი არის ნატურალური ტყავის ხელოვნური ანალოგი, რომელიც არის ძალიან მაღალი ხარისხის. ეკო ტყავი შეიქმნა იმ მომხმარებლებისთვის, რომლებიც არ ყიდულობენ ცხოველური წარმოშობის პროდუქციას. ეკო ტყავი არა ნაკლებ გამძლეა ვიდრე ნატურალური ტყავი. სწორედ მაღალი ხარისხის ნედლეულის გამოყენების გამო დავაწესეთ ჩვენს პროდუქციაზე ხარისხის გარანტია. ნატურალურ ტყავზე 12-თვიანი, ხოლო ეკო ტყავზე 6-თვიანი. თითოეული დამზადებული მოდელი არის უნიკალური და ის არ არის რომელიმე ცნობილი ბრენდის კოპირება. ყველა მოდელი გამოშვებულია ლიმიტირებული, რაც ჩვენს მომხმარებლებს განსაკუთრებულს ხდის.
რითი გამოირჩევა თქვენი კომპანია სხვებისგან?
გეფერინმა წარმოების დაწყებისთანავე ჩამოაყალიბა თავისი მიმართულება და სტრატეგია. ჩვენი მიზანი იყო, მომხმარებელს ხელმისაწვდომ ფასად მიეღო მაღალი ხარისხისა და განსხვავებული დიზაინის პროდუქცია.
რამდენიმე მიზეზია, რატომაც მომხმარებელმა არჩევანი გეფერინის ჩანთებზე უნდა შეაჩეროს: გეფერინის ჩანთები განსხვავებული დიზაინისაა და ის არ არის რომელიმე ცნობილი ბრენდის კოპირება, გამოშვებული ჩანთები არის ლიმიტირებული, ფასი არის ხელმისაწვდომი და რაც მთავარია, გარანტია ხარისხზე - პირველად საქართველოში გეფერინმა დააწესა პროდუქციაზე ხარისხის გარანტია. მომხმარებლის ბრალეულობაც რომ იყოს, კომპანია ცდილობს, დაეხმაროს მას და შეუკვეთოს ჩანთა.
რამდენად დიდია ქართველი მომხმარებლების დაინტერესება თქვენი პროდუქტის მიმართ?
ქართველი მომხმარებლის ინტერესი თავიდანვე დიდი იყო. ჩვენ გვყავს მუდმივი მომხმარებლები, რომლებსაც 10 გეფერინის ჩანთაც კი აქვთ. როდესაც მომხმარებელი ისევ გიბრუნდება ეს ძალიან კარგის ნიშანია.
ძირითადად რომელ პროდუქტზეა მოთხოვნა?
ყველა ჩვენი პროდუქტი გაყიდვადია. ჩვენი გამოშვებული პროდუქციის ბრუნვა არის მაქსიმუმ 14 დღე, რაც იმას ნიშნავს, რომ გამოშვებიდან მაქსიმუმ 14 დღეში ნებისმიერი პროდუქცია იყიდება.
საქართველოს გარდა, სხვა რომელიმე ქვეყანაში თუ გადის ექსპორტზე თქვენი პროდუქტი?
გეფერინი 7 ქვეყანაში გადის ექსპორტზე. ესენია: აშშ, საფრანგეთი, შვედეთი, რუსეთი, ყაზახეთი, უკრაინა და აზერბაიჯანი. აღნიშნულ ქვეყნებში გასვლა დაინტერესების შესაბამისად მოხდა. ასევე, ჩვენი პროდუქცია იყიდება amazon-ზე.
რამდენად დიდია მოთხოვნა თქვენს პროდუქტზე უცხოურ ბაზარზე?
ჩვენი უცხოელი მომხმარებლები დანახვისთანავე აღნიშნავენ გეფერინის განსხვავებულ დიზაინსა და მაღალ ხარისხს. რამოდენიმე ქვეყანაში გეფერინმა კარგად მოიკიდა ფეხი და მოთხოვნა მაღალია, მაგრამ არის ქვეყნები სადაც დრო სჭირდება მოთხოვნის შექმნას.
სამომავლოდ როგორი გეგმები გაქვთ?
სამომავლოდ, ჩვენს გეგმებში შედის ტანსაცმლისა და ფეხსაცმელების წარმოების დაწყება, რომელსაც 2018 წელში დავიწყებთ.
რას ურჩევდით დამწყებ ბიზნესმენებს?
ჩვენ ადამიანები ვისწრაფვით წარმატებისკენ, მაგრამ არ ვფლობთ მისი მიღწევის ტექნოლოგიებს. უნდა ჩამოვაყალიბოთ ჩვენი მიზნები, ნათლად განვსაზღვროთ რა გვსურს და რა გვაკლია იმისათვის, რომ ის მივიღოთ. მონდომება და მიზანდასახულობა არის ძალიან მნიშვნელოვანი ყველა ბიზნესმენისთვის, თუ ადამიანს არ აქვს მიზანი და ვერ ხედავს სად მიდის შესაბამისად ის იქ მისვლასაც ვერ შეძლებს.
ფაქტია, რომ წარმატებულებს ბევრად უფრო მეტი მარცხი აქვთ განცდილი, ვიდრე წარუმატებელ ადამიანებს. წარუმატებლები მხოლოდ შეფასებით შემოიფარგლებიან. წარმატებული ადამიანი ძალიან ბევრს ცდილობს, ძირსაც ბევრჯერ ეცემა, თუმცა მაინც ფეხზე წამოდგება და მანამ ცდის სანამ მიზანს არ მიაღწევს. ამიტომ, დავისახოთ მიზანი და მის მისაღწევად ყველაფერი გავაკეთოთ!
გეფერინის პროდუქციის დათვალიერება მათ ოფიციალურ საიტზე შეგიძლიათ. კომპანია აქტიურად იყენებს Facebook-სა და Instagram-ს, სადაც თავიანთი პროდუქცია აქვთ განთავსებული. შეძენის სურვილის შემთხვევაში, ამავე არხებზე შეგიძლიათ ეკონტაქტოთ მათ.
გეფერინისთვის მიმდინარე წელი ძალიან მნიშვნელოვანია, რადგან ისინი 2017 წლის ბიზნეს დაჯილდოებაში იღებენ მონაწილეობას. წარმატებული კომპანიის შემქმნელები იმ ადამიანებს შორის არიან, რომლებიც #გააზიარეწარმატების ფარგლებში დამწყებ სტარტაპერებს მოტივაციას აძლევენ და ამის პარალელურად, დაჯილდოებაში მნიშვნელოვანი პრიზის მოპოვებისთვის იბრძოლებენ.
შეგახსენებთ, რომ #გააზიარეწარმატება - ამ სლოგანით საქართველოს ისტორიაში ყველაზე მასშტაბური ბიზნესდაჯილდოება, თიბისი ბანკისა და ჯეოსელის ორგანიზებით, წელს მეორედ გაიმართება. შვიდ ნომინაციაში კონკურსანტების რეგისტრაცია უკვე დასრულებულია და ის ვებგვერდზე businessaward.ge-ზე მიმდინარეობდა.
-
გადახედვაო'ბრაიენი: თუ საქართველოს ხელისუფლება ე.წ. რუსულ კანონს მიიღებს, ვითარება ჩვენთვის ნათელი გახდება [ინტერვიუ] ო'ბრაიენი: თუ საქართველოს ხელისუფლება ე.წ. რუსულ კანონს მიიღებს, ვითარება ჩვენთვის ნათელი გახდება [ინტერვიუ]
-
გადახედვამიუხედავად დაპირისპირებისა და რთული ვითარებისა, უნდა გვაერთიანებდეს სამშობლოს სიყვარული და შეგვეძლოს მშვიდობიანი თანაცხოვრება — ეპისტოლედან მიუხედავად დაპირისპირებისა და რთული ვითარებისა, უნდა გვაერთიანებდეს სამშობლოს სიყვარული და შეგვეძლოს მშვიდობიანი თანაცხოვრება — ეპისტოლედან
-
გადახედვარუსეთმა ვოლოდიმირ ზელენსკი ძებნილად გამოაცხადა რუსეთმა ვოლოდიმირ ზელენსკი ძებნილად გამოაცხადა
-
გადახედვასალომე ზურაბიშვილი ელჩებს: დაძაბულ ვითარებაში ვართ... ჩემი თხოვნაა, განხორციელდეს მაღალი დონის ვიზიტები მაისის ბოლომდე სალომე ზურაბიშვილი ელჩებს: დაძაბულ ვითარებაში ვართ... ჩემი თხოვნაა, განხორციელდეს მაღალი დონის ვიზიტები მაისის ბოლომდე
-
გადახედვააზერბაიჯანში დაკავებულ მედია ადვოკატს და ტელეკომპანიის დამფუძნებელს, არ აძლევენ საშუალებას, სასწრაფო ბიოფსია ჩაიტაროს აზერბაიჯანში დაკავებულ მედია ადვოკატს და ტელეკომპანიის დამფუძნებელს, არ აძლევენ საშუალებას, სასწრაფო ბიოფსია ჩაიტაროს
-
გადახედვადერეკ შოლე: მრავალწლიანი პარტნიორობის შემდეგ, ვწუხვართ, რომ საქართველოს ევროატლანტიკური მისწრაფებები სასწორზე დევს დერეკ შოლე: მრავალწლიანი პარტნიორობის შემდეგ, ვწუხვართ, რომ საქართველოს ევროატლანტიკური მისწრაფებები სასწორზე დევს
-
გადახედვააქცია ქართული ოცნების ოფისთან — სანაპირო გადაკეტილია აქცია ქართული ოცნების ოფისთან — სანაპირო გადაკეტილია
-
გადახედვაქართველი სტარტაპერები რუსული კანონის წინააღმდეგ ერთობლივ განცხადებას ავრცელებენ ქართველი სტარტაპერები რუსული კანონის წინააღმდეგ ერთობლივ განცხადებას ავრცელებენ
-
გადახედვასასტუმრო პარაგრაფთან აქციის მონაწილე დააკავეს სასტუმრო პარაგრაფთან აქციის მონაწილე დააკავეს
-
გადახედვაკლუბი KHIDI: ვაუქმებთ 3 და 4 მაისის ივენთებს. არა რუსულ კანონს! შევხვდებით რუსთაველზე! კლუბი KHIDI: ვაუქმებთ 3 და 4 მაისის ივენთებს. არა რუსულ კანონს! შევხვდებით რუსთაველზე!
-
გადახედვასაქართველოს რეიტინგი, პრესის თავისუფლების მსოფლიო ინდექსში, 26 ადგილით დაეცა საქართველოს რეიტინგი, პრესის თავისუფლების მსოფლიო ინდექსში, 26 ადგილით დაეცა
-
გადახედვაჟურნალისტური ეთიკის ქარტიის განცხადება კახა კალაძის მიერ, ჟურნალისტის შეურაცხყოფის ფაქტზე ჟურნალისტური ეთიკის ქარტიის განცხადება კახა კალაძის მიერ, ჟურნალისტის შეურაცხყოფის ფაქტზე
-
გადახედვადღეს, კობახიძემ, ამ ქვეყნის ისტორიაში უპრეცედენტო და უდიდესი თავდასხმა განახორციელა აშშ-ზე — გრიგოლ გეგელია დღეს, კობახიძემ, ამ ქვეყნის ისტორიაში უპრეცედენტო და უდიდესი თავდასხმა განახორციელა აშშ-ზე — გრიგოლ გეგელია
-
გადახედვაკობახიძე აშშ-ს "ორ რევოლუციურ მცდელობაში" ადანაშაულებს — რა გავიგეთ მისი და აშშ-ის სახელმწიფო მდივნის მრჩევლის პოსტებიდან X-ზე კობახიძე აშშ-ს "ორ რევოლუციურ მცდელობაში" ადანაშაულებს — რა გავიგეთ მისი და აშშ-ის სახელმწიფო მდივნის მრჩევლის პოსტებიდან X-ზე
-
გადახედვაკალაძე სპორტსმენებზე, რომელმაც ხელისუფლების ძალადობა დაგმეს: "მეც ვუერთდები "არა რუსულ კანონს", ამ სუფთა ქართულ კანონს კი აუცილებლად მივიღებთ" კალაძე სპორტსმენებზე, რომელმაც ხელისუფლების ძალადობა დაგმეს: "მეც ვუერთდები "არა რუსულ კანონს", ამ სუფთა ქართულ კანონს კი აუცილებლად მივიღებთ"
-
გადახედვამინდა, მივმართო ჩვენი ქვეყნის აკრედიტებულ ელჩებს მეგობარ ქვეყნებში... საკითხი ეხება ჩვენი ქვეყნის მომავალს! — მამუკა ხაზარაძე მინდა, მივმართო ჩვენი ქვეყნის აკრედიტებულ ელჩებს მეგობარ ქვეყნებში... საკითხი ეხება ჩვენი ქვეყნის მომავალს! — მამუკა ხაზარაძე
-
გადახედვაპოლიციის უმოქმედობა აქციის მონაწილეებზე ძალადობას ახალისებს — DRI პოლიციის უმოქმედობა აქციის მონაწილეებზე ძალადობას ახალისებს — DRI
-
გადახედვაპარლამენტში 3 და 4 მაისს უსაფრთხოების ყვითელი დონე იმოქმედებს — ვიზიტორებს ეზღუდებათ პარლამენტის სასახლეში შესვლა პარლამენტში 3 და 4 მაისს უსაფრთხოების ყვითელი დონე იმოქმედებს — ვიზიტორებს ეზღუდებათ პარლამენტის სასახლეში შესვლა
-
გადახედვა11 მაისს, ევროპის დღეს, რუსული კანონის საწინააღმდეგო მანიფესტაცია დაანონსდა 11 მაისს, ევროპის დღეს, რუსული კანონის საწინააღმდეგო მანიფესტაცია დაანონსდა
-
გადახედვაცირკთან აქციის მონაწილეებს, უცნობი პირები, ფიზიკურად გაუსწორდნენ ცირკთან აქციის მონაწილეებს, უცნობი პირები, ფიზიკურად გაუსწორდნენ
-
გადახედვასაფრანგეთში მცხოვრები ქართველი სტუდენტები რუსული კანონის გაწვევას მოითხოვენ და აქციის მონაწილეებზე ძალადობას გმობენ საფრანგეთში მცხოვრები ქართველი სტუდენტები რუსული კანონის გაწვევას მოითხოვენ და აქციის მონაწილეებზე ძალადობას გმობენ
კომენტარები