5 ახალი წიგნი გამომცემლობა "ინტელექტისგან", რომელიც წიგნის დღეებზე უნდა შეიძინოთ
9-დან 12 ნოემბრის ჩათვლით, ექსპოჯორჯიაში თბილისის წიგნის დღეები გაიმართება, სადაც სხვადასხვა გამომცემლობები თავის გამოცემულ წიგნებს განსაკუთრებულ ფასებში წარადგენენ. წიგნის დღეებისთვის განსაკუთრებით ემზადება გამომცემლობა ინტელექტი, რომელმაც სპეციალურად ფესტივალისთვის ძალიან გრძელი წიგნების კატალოგი მოამზადა.
ჩვენ წარმოგიდგენთ ინტელექტის მიერ გამოცემულ ხუთ წიგნს, რომელიც წიგნის დღეებზე აუცილებლად უნდა შეიძინოთ.
„მეზობლად“ - ქეთევან მეფარიძე
„მეზობლად“ დებიუტანტი ავტორის ექსტრავაგანტურ მოთხრობებს აერთიანებს.
გამოგონილ ქალაქებსა თუ კუნძულებზე ცხადსა და სიზმარს შორის ზღვარი წაშლილია, ვნებისაღმძვრელ პასაჟებს მჟავე ფორთოხლის სურნელი ანეიტრალებს, სევდიან ქალთევზებს რთული ხასიათის ბებიები ენაცვლებიან, სკივრში ჩაკეტილი, სიცოცხლეწართმეული გოგონების ისტორიებისა თუ ჩახლართული მეზობლური ურთიერთობების კვანძი ორიგინალურად იხსნება.
წიგნში ტაფად ქცეულ თუ სიკვდილთან მოსაუბრე ქალებსაც აღმოაჩენთ და ყოველდღიურობის რუტინული უდარდელობის დაკარგვის სიმპტომებშიც საფუძვლიანად გაერკვევით. მოსაუბრე ნივთები კი მოვლენებსა და პერსონაჟებს სრულიად მოულოდნელ რაკურსებში წარმოაჩენენ.
ქეთევან მეფარიძემ სადებიუტო მოთხრობა 2007 წელს, ლიტერატურულ კონკურს „ალუბლობისთვის“ დაწერა და „რიტმული პროზის“ ნომინაციში გაიმარჯვა.
2014 წელს სტუდენტურ-ლიტერატურულ კონკურსზე „შემოდგომის ლეგენდა“ პირველი ადგილი დაიმსახურა.
2015 წელს კი ბათუმში გამართული ლიტერატურული ფესტივალის – „ინსომნიას“ ფინალისტი გახდა.
სწორედ ამ კონკურსებისთვის შექმნილ მოთხრობებს აერთიანებს მისი სადებიუტო წიგნი.
„ხუთი კუთხე“ - მარიო ვარგას ლიოსა
„ხუთი კუთხე“ მარიო ვარგას ლიოსას ბოლო, გახმაურებული რომანია. წიგნი პერუს ცხოვრების იმ პერიოდს აღწერს, როცა ქვეყანას დიქტატორი ფუხიმორი მართავდა და ტერორიზმი, მკვლელობები, ადამიანთა გატაცება და სხვა დანაშაულებები პერუელების ყოველდღიურობად იყო ქცეული.
რომანის გმირები ჩაბნელებულ ქვეყანაში, კომენდანტის საათისა და მთავრობის შანტაჟის პირობებში, მუდმივი შიშით ცხოვრობენ. ქვეყნის მდგომარეობის ფონზე ლიოსა პერუელი მილიონერების უზრუნველ ცხოვრებასა და ვნებებს ნატურალისტურად აღწერს.
„ხუთი კუთხე“ ლიოსას აზრით, პერუს ისტორიის ერთგვარ სიმბოლოდ იქცა.
კოლონიზაციის პერიოდში ეს უბანი ბოჰემური თავშეყრის ადგილი იყო, სადაც მუდამ მუსიკა ისმოდა და ცხოვრება ჩქეფდა, მაგრამ დროთა განმავლობაში ის ქალაქის ერთ-ერთ ყველაზე საშიშ ადგილად, ბოროტმოქმედების, მეძავებისა და ნარკოდილერების ბუდედ იქცა.
ესპანურიდან თარგმნა მაკა გოგოლაშვილმა.
„პოეზიის დიქტატურა“ - ზურაბ რთველიაშვილი
მისთვის ცხოვრება ყველაზე პოეტური გამოწვევაა, მეომრის პოზა კი – ყველაზე ბუნებრივი მდგომარეობა. ასეთია არტისტი და პერფორმერი, პოეტი ზურაბ რთველიაშვილი.
ის 21-ე საუკუნის პოეტია – და ამაში მხოლოდ „თანამედროვეობა“ კი არ იგულისხმება, არამედ ყველა იმ აქცენტის, ნიუანსის, ტენდენციის ერთგულება, რაც ჩვენს საუკუნეს და მასში მყოფ/მებრძოლ ადამიანს ახასიათებს. ის სამოქალაქო პოეტია, ხიბლავს ბარიკადები და თავის ლექსებს მეგაფონით უკითხავს მსხვერპლსაც და ჯალათსაც – მათ, ვინც თანაბრად დააზარალა სისტემამ.
ეს წიგნი ზურაბ რთველიაშვილის შემოქმედების სხვადასხვა ჟანრს აერთიანებს – პოემიდან პოეტურ სცენარამდე. ავტორისთვის უცხო არაა ლირიკა და ესთეტიკური ტკბობა, ოღონდ ამ ყველაფერზე აზრი უნდა მბრძანებლობდეს. აზრი კი დაახლოებით ასე ისმის: სიტყვა ყველაფერია და ის ხორცშესხმული იარაღია, მთავარია კაცობრიობამ მშვიდობა აირჩიოს!
„პეპიტა ხიმენესი" - ხუან ვალერა
ხუან ვალერას (1824-1905) ფსიქოლოგიური რომანი „პეპიტა ხიმენესი" ესპანური რეალისტური პროზის ერთ-ერთ საუკეთესო ნიმუშია. რომანში მოთხრობილია ახალგაზრდა სემინარისტის სიყვარულის ამბავი ლამაზი ყმაწვილი ქვრივი ქალისადმი. ამ თითქოსდა უბრალო ამბის მიღმა ყურადღებას იპყრობს საოცარი სიღრმისეული ოსტატობით გადმოცემული ადამიანური განცდები, მათი ზუსტი ანალიზი, ადამიანის სულის სიფაქიზე.
ახალგაზრდა კაცი, რომელიც ღვთის მსახურებაზე, მღვდლობაზე ოცნებობდა, მოულოდნელად აღმოჩნდა დილემის წინაშე...
წიგნი ესპანურიდან ელზა ახვლედიანმა თარგმნა.
„თქმული და უთქმელი ისტორიები: გერმანელები საქართველოში“ - თამთა მელაშვილი
„თქმული და უთქმელი ისტორიები: გერმანელები საქართველოში“ წიგნია წარსულის მეხსიერების შესახებ, რომელიც ქართულ-გერმანული ურთიერთობის
200-წლიან საიუბილეო თარიღთან დაკავშირებით გამოიცა.
აქ რეალური ადამიანების მოყოლილი ამბებია თავმოყრილი, რომელიც გერმანელი კოლონისტების და, იმავდროულად, საქართველოს უახლოესი წარსულის შესახებ მოგვითხრობენ.
თამთა მელაშვილი არის რომანების – „გათვლა“ (2010), „აღმოსავლეთით“ (2015) და მოთხრობების კრებულის „მარინეს ანგელოზები“ (2017) ავტორი.
„თქმული და უთქმელი ისტორიები: გერმანელები საქართველოში“ კი, ზეპირი ისტორიებით შედგენილი მისი პირველი წიგნია.
შეგახსენებთ, რომ თბილისის წიგნის დღეები ოთხი დღის განმავლობაში, 9-დან 12 ნოემბრის ჩათვლით, ექსპო ჯორჯიაში ჩატარდება. წიგნის დღეების ფარგლებში სხვადასხვა გამომცემლობები თავიანთ წიგნებს წარმოადგენენ, რომლებზეც უპრეცედენტო ფასდაკლდება იმოქმედებს.
მსგავსი სტატიები:
-
გადახედვარა ვიცით თვალის არეში დაჭრილი ახალგაზრდა კაცის მდგომარეობაზე რა ვიცით თვალის არეში დაჭრილი ახალგაზრდა კაცის მდგომარეობაზე
-
გადახედვააქციაზე დაშავებული 8 ადამიანის ჰოსპიტალიზაცია გახდა საჭირო — ჯანდაცვის სამინისტრო აქციაზე დაშავებული 8 ადამიანის ჰოსპიტალიზაცია გახდა საჭირო — ჯანდაცვის სამინისტრო
-
გადახედვაახალგაზრდა კაცი თვალის არეშია დაჭრილი სავარაუდოდ, რეზინის ტყვიით ახალგაზრდა კაცი თვალის არეშია დაჭრილი სავარაუდოდ, რეზინის ტყვიით
-
გადახედვამოვუწოდებთ შსს-ს, უარი თქვას კანონსაწინააღმდეგო, ღირსების შემლახავ ძალადობრივ პრაქტიკაზე — საია მოვუწოდებთ შსს-ს, უარი თქვას კანონსაწინააღმდეგო, ღირსების შემლახავ ძალადობრივ პრაქტიკაზე — საია
-
გადახედვამოვუწოდებთ, შეწყვიტონ ძალადობა, წინააღმდეგ შემთხვევაში სპეციალური საშუალებებით შევწყვეტთ აქციას — შს მინისტრის მოადგილე მოვუწოდებთ, შეწყვიტონ ძალადობა, წინააღმდეგ შემთხვევაში სპეციალური საშუალებებით შევწყვეტთ აქციას — შს მინისტრის მოადგილე
-
გადახედვაპარლამენტში უსაფრთხოების წითელი დონე ამოქმედდა პარლამენტში უსაფრთხოების წითელი დონე ამოქმედდა
-
გადახედვამამუკა მდინარაძე: აღმოჩნდა, რომ 12-მილიმეტრიანი თიაქრით დავდიოდი, ამიტომ ვერ ვიყავი დღეს, ჩათვალეთ, 84-ე ხმა ჩემია მამუკა მდინარაძე: აღმოჩნდა, რომ 12-მილიმეტრიანი თიაქრით დავდიოდი, ამიტომ ვერ ვიყავი დღეს, ჩათვალეთ, 84-ე ხმა ჩემია
-
გადახედვაფოტოებში: აქციაზე დაშავებული მშვიდობიანი დემონსტრანტები ფოტოებში: აქციაზე დაშავებული მშვიდობიანი დემონსტრანტები
-
გადახედვავითარება რუსთაველზე — ვრცელდება ინფორმაცია რეზინის ტყვიების გამოყენების შესახებ ვითარება რუსთაველზე — ვრცელდება ინფორმაცია რეზინის ტყვიების გამოყენების შესახებ
-
გადახედვამაკა ჩიკვილაძე მთავრობას: ჩვენ, ომში დაღუპული ჯარისკაცების ოჯახის წევრები, გთხოვთ, ნუ აღმართავთ ხელს ახალგაზრდა თაობაზე მაკა ჩიკვილაძე მთავრობას: ჩვენ, ომში დაღუპული ჯარისკაცების ოჯახის წევრები, გთხოვთ, ნუ აღმართავთ ხელს ახალგაზრდა თაობაზე
-
გადახედვაშსს-ს განცხადება დემონსტრანტების წინააღმდეგ წყლის ჭავლისა და წიწაკის სპრეის გამოყენებასთან დაკავშირებით შსს-ს განცხადება დემონსტრანტების წინააღმდეგ წყლის ჭავლისა და წიწაკის სპრეის გამოყენებასთან დაკავშირებით
-
გადახედვააქციის მონაწილეთა ნაწილს "ქართული ოცნების" ოფისისკენ, ნაწილს კი — კანცელარიისკენ გადასვლისკენ მოუწოდეს აქციის მონაწილეთა ნაწილს "ქართული ოცნების" ოფისისკენ, ნაწილს კი — კანცელარიისკენ გადასვლისკენ მოუწოდეს
-
-
გადახედვამამუკა მდინარაძეს დღეს კენჭისყრაში მონაწილეობა არ მიუღია, მან სასწრაფო ოპერაცია გაიკეთა — რადიო თავისუფლება მამუკა მდინარაძეს დღეს კენჭისყრაში მონაწილეობა არ მიუღია, მან სასწრაფო ოპერაცია გაიკეთა — რადიო თავისუფლება
-
-
გადახედვა"დროა, ურთიერთობებმა ქუჩიდან მოლაპარაკების მაგიდასთან უნდა გადაინაცვლოს" — საპატრიარქოს განცხადება "დროა, ურთიერთობებმა ქუჩიდან მოლაპარაკების მაგიდასთან უნდა გადაინაცვლოს" — საპატრიარქოს განცხადება
-
გადახედვაშსს განცხადებას ავრცელებს — რუსული კანონის მხარდამჭერი დეპუტატები შენობიდან სამართალდამცველების დახმარებით გაიყვანეს შსს განცხადებას ავრცელებს — რუსული კანონის მხარდამჭერი დეპუტატები შენობიდან სამართალდამცველების დახმარებით გაიყვანეს
-
გადახედვასია: ოცნების 83 დეპუტატი, რომლებიც რუსულ კანონს კენჭისყრაზე მხარს უჭერენ სია: ოცნების 83 დეპუტატი, რომლებიც რუსულ კანონს კენჭისყრაზე მხარს უჭერენ
-
გადახედვადეპუტატები მალე პარლამენტს დატოვებენ, აქციის მონაწილეები პარლამენტის გვერდითა ქუჩებზე ინაცვლებენ დეპუტატები მალე პარლამენტს დატოვებენ, აქციის მონაწილეები პარლამენტის გვერდითა ქუჩებზე ინაცვლებენ
-
გადახედვაპარლამენტმა რუსული კანონი მეორე მოსმენით მიიღო პარლამენტმა რუსული კანონი მეორე მოსმენით მიიღო
-
გადახედვარა არის წიწაკის სპრეი და როგორ მოვიქცეთ, თუ შეგვასხამენ რა არის წიწაკის სპრეი და როგორ მოვიქცეთ, თუ შეგვასხამენ
კომენტარები