სენატორი შაჰინი: ყველაფერი უნდა გავაკეთოთ საქართველოს დასახმარებლად
სენატორი შაჰინი აცხადებს, რომ ამერიკამ ყველაფერი უნდა გააკეთოს საქართველოს დასახმარებლად. ამასთან, მიაჩნია, რომ ამერიკის მთავრობამ უფრო აქტიურად უნდა იმუშაოს რუსეთის კიბერთავდასხმების მოსაგერიებლად და შეერთებული შტატების უკეთ დასაცავად. შეერთებული შტატების ერთ-ერთ წამყვან ქალ სენატორს ამერიკის ხმის ჟურნალისტი ია მეურმიშვილი ესაუბრა.
ქალბატონო ჯინ, მადლობა ინტერვიუსთვის. თქვენ ერთ-ერთი ყველაზე აქტიური სენატორი ბრძანდებით, რომელიც ამერიკის კიბერუსაფრთხოების ზომების გამკაცრებას ითხოვს. როგორ აფასებთ უსაფრთხოების დღეს არსებულ დონეს?
ჯერ ბევრი რამ გვაქვს გასაკეთებელი. კიბერუსაფრთხოება ეროვნული თავდაცვის სტრატეგიის ნაწილი უნდა იყოს და მას მეტი ყურადღება უნდა მიექცეს. ამ თემას მთავრობა ერთიანად უნდა განიხილავდეს და მიდგომა არ უნდა იყოს ცალკეული უწყებების დონეზე.
თქვენ ფედერალური მთავრობისთვის კასპერსკის კომპიუტერული პროგრამის გამოყენების აკრძალვის ინიციატივით გამოხვედით. როგორ აფასებთ ამ მოთხოვნაზე მთავრობის რეაგირებას?
მომწონს ის, რომ ადმინისტრაცია ამ საკითხს გამოეხმაურა. ახლა უკვე კანონის ძალით აეკრძალება მთავრობას კასპერსკის პროდუქტების გამოყენება. ადმინისტრაციამ ნებაყოფლობით დაიწყო პროგრამების მოხმარებიდან ამოღება. სამწუხაროდ, ნელა ვმოქმედებთ, მაგრამ მიხარია, რომ ასეთი რეაგირება გვაქვს.
რატომ გსურთ კონკრეტულად ამ კომპანიის პროგრამების აკრძალვა?
ჩვენ გვაქვს ინფორმაცია როგორც ღია, ასევე დახურულ წყაროებზე დაყრდნობით, რომ კასპერსკი კრემლთან და რუსეთის უსაფრთხოების ფედერალური სამსახურთანაა დაკავშირებული. ჩვენ ვფიქრობთ, რომ კომპანიას შესაძლებლობა აქვს ამერიკის მთავრობის საიდუმლო ინფორმაცია კრემლს გაუზიაროს.
აქამდე გამოწვეული ზიანის მასშტაბები ვიცით?
ამ თემაზე ბევრი რამ გამოქვეყნდა - ანგარიშები იქნება ეს თუ სტატიები. მე, ძირითადად, საიდუმლო ინფორმაცია მაქვს და ამ საკითხზე ვერაფერს გეტყვით. მაგრამ არ აქვს მნიშვნელობა რამდენად მასშტაბურია ეს ზიანი - თუნდაც მინიმალური ასეთი ზიანი დასაშვებზე მეტია. ეს საფრთხე უნდა შევისწავლოთ და დავრწმუნდეთ იმაში, რომ მსგავსი რამ აღარასდროს მოხდება.
ამერიკის სენატში რამდენიმე გამოძიება მიმდინარეობს ამერიკის არჩევნებში რუსეთის ჩარევასთან დაკავშირებით. რა არის ამ გამოძიებების მიზანი და, თქვენი აზრით, რა მოხდება მათი დამთავრების შემდეგ?
ვფიქრობ, ეს იმაზეა დამოკიდებული, თუ რას გამოავლენს ისინი. ამ გამოძიებების დიდი ნაწილი საჯარო ინფორმაციას ეყრდნობა, თუმცა, ასევე, არის საიდუმლო ინფორმაციაც. იმედი მაქვს... არ მინდა ამ გამოძიებებმა აჩვენოს, რომ რუსეთი მასშტაბურად ჩაერია 2016 წლის საპრეზიდენტო არჩევნებში ან მჭიდრო კავშირი ჰქონდა ამ ქვეყნის მაღალჩინოსნებთან. ვნახოთ რა მოხდება...
ჩვენ ვიცით, რომ კრემლი ჩვენს არჩევნებში ჩაერია. ვიცით, რომ [რუსები] პროცესებში ჩარევას დღესაც აგრძელებენ, ავრცელებენ დეზინფორმაციას, აწარმოებენ კიბერთავდასხმებს როგორც მთავრობის, ასევე ჩვენი კერძო სექტორის წინააღმდეგ. გამოძიების დამთავრების შემდეგ განვიხილავთ რეკომენდაციებს და იმას, თუ როგორ უნდა ვიმოქმედოთ.
ეს არ არის საფრთხე მხოლოდ ამერიკის შეერთებული შტატებისთვის. რუსეთი დემოკრატიულ ინსტიტუტებს მთელ დასავლეთში უქმნის საფრთხეს. ცხადად ჩანს ის, რომ რუსეთი ინფორმაციას ომის იარაღად იყენებს. კრემლი ცდილობს ადამიანებს საკუთარი დემოკრატიული ინსტიტუტების მიმართ ნდობა შეურყიოს, დაბნეულობა და გაურკვევლობა დათესოს და ამით მთავრობებიც კი შეცვალოს.
რუსეთის წინააღმდეგ ახალ ზომებს ან დამატებით სანქციებს მხარს დაუჭერთ?
უდავოდ! ვფიქრობ, დღემდე დაწესებული სანქციები უფრო სწრაფად და ეფექტურად უნდა შევასრულოთ. კონგრესში სანქციები ძლიერი ორპარტიული მხარდაჭერით გავიდა 98 2-ის წინააღმდეგ. ჩვენ რუსეთს პასუხი უნდა ვაგებინოთ იმაზე, რაც გააკეთა.
რუსეთის საინფორმაციო ომი ახსენეთ. თქვენი აზრით, კონგრესი ყველაფერს აკეთებს რუსული დეზინფორმაციისთვის ხელის შესაშლელად? და როგორ შეაფასებდით ამ მხრივ ადმინისტრაციის საქმიანობას?
არ მგონია, ადმინისტრაცია ბოლომდე აცნობიერებდეს ამ საფრთხეს. საინფორმაციო ომი მხოლოდ ამჟამინდელი ადმინისტრაციისკენ არ არის მიმართული. მისი სამიზნე ამერიკული დემოკრატიაა.
კონგრესს რაც შეეხება, ამ მიმართულებით ჩვენ ბევრს ვმუშაობთ, მაგრამ გასაკეთებელი კიდევ ბევრია. ყველამ ბოლომდე უნდა გავაცნობიეროთ ეს საფრთხე და შესაბამისად ვიმოქმედოთ.
ამერიკის სახელმწიფო დეპარტამენტმა ცოტა ხნის წინ საქართველოსთვის თავდაცვითი ჯავშან-საწინააღმდეგო იარაღის მიყიდვის გადაწყვეტილება მიიღო. თქვენ რა აზრის ხართ ამაზე? უნდა დაეხმაროს თუ არა ამერიკა საქართველოს უსაფრთხოების ხარისხის გაზრდაში?
მე მიმაჩნია, რომ ჩვენ ეს უნდა გავაკეთოთ. საქართველოს საკუთარი თავის დაცვის უფლება აქვს. ყველას გვახსოვს 2008 წლის ომი. საქართველოს ორი რეგიონი კვლავ ოკუპირებულია. ჩემი აზრით, ყველაფერი უნდა გავაკეთოთ იმისთვის, რომ საქართველოს დავეხმაროთ. ამასთან, მათ ხელი უნდა შევუწყოთ ყველა საჭირო რეფორმის განხორციელებაში, რაც საქართველოს NATO-ში გაწევრიანებისთვის არის აუცილებელი.
საქართველოს ნატოში გაწევრიანებას მხარს უჭერთ?
მას შემდეგ, რაც ისინი საჭირო რეფორმებს დაასრულებენ. ვფიქრობ, ეს [რეფორმები] პროცესის მნიშვნელოვანი ნაწილია.
-
გადახედვადერეკ შოლე: მრავალწლიანი პარტნიორობის შემდეგ, ვწუხვართ, რომ საქართველოს ევროატლანტიკური მისწრაფებები სასწორზე დევს დერეკ შოლე: მრავალწლიანი პარტნიორობის შემდეგ, ვწუხვართ, რომ საქართველოს ევროატლანტიკური მისწრაფებები სასწორზე დევს
-
გადახედვააქცია ქართული ოცნების ოფისთან — სანაპირო გადაკეტილია აქცია ქართული ოცნების ოფისთან — სანაპირო გადაკეტილია
-
გადახედვაქართველი სტარტაპერები რუსული კანონის წინააღმდეგ ერთობლივ განცხადებას ავრცელებენ ქართველი სტარტაპერები რუსული კანონის წინააღმდეგ ერთობლივ განცხადებას ავრცელებენ
-
გადახედვასასტუმრო პარაგრაფთან აქციის მონაწილე დააკავეს სასტუმრო პარაგრაფთან აქციის მონაწილე დააკავეს
-
გადახედვაპრეზიდენტმა ე.წ ოფშორების კანონს ვეტო დაადო პრეზიდენტმა ე.წ ოფშორების კანონს ვეტო დაადო
-
გადახედვასაქართველოს რეიტინგი, პრესის თავისუფლების მსოფლიო ინდექსში, 26 ადგილით დაეცა საქართველოს რეიტინგი, პრესის თავისუფლების მსოფლიო ინდექსში, 26 ადგილით დაეცა
-
გადახედვაჟურნალისტური ეთიკის ქარტიის განცხადება კახა კალაძის მიერ, ჟურნალისტის შეურაცხყოფის ფაქტზე ჟურნალისტური ეთიკის ქარტიის განცხადება კახა კალაძის მიერ, ჟურნალისტის შეურაცხყოფის ფაქტზე
-
გადახედვადღეს, კობახიძემ, ამ ქვეყნის ისტორიაში უპრეცედენტო და უდიდესი თავდასხმა განახორციელა აშშ-ზე — გრიგოლ გეგელია დღეს, კობახიძემ, ამ ქვეყნის ისტორიაში უპრეცედენტო და უდიდესი თავდასხმა განახორციელა აშშ-ზე — გრიგოლ გეგელია
-
გადახედვარა უნდა ვიცოდეთ დღევანდელ პროტესტზე, რომელიც 18:30-ზე დაიწყება სასტუმრო პარაგრაფთან, თავისუფლების მოედანზე რა უნდა ვიცოდეთ დღევანდელ პროტესტზე, რომელიც 18:30-ზე დაიწყება სასტუმრო პარაგრაფთან, თავისუფლების მოედანზე
-
გადახედვაკობახიძე აშშ-ს "ორ რევოლუციურ მცდელობაში" ადანაშაულებს — რა გავიგეთ მისი და აშშ-ის სახელმწიფო მდივნის მრჩევლის პოსტებიდან X-ზე კობახიძე აშშ-ს "ორ რევოლუციურ მცდელობაში" ადანაშაულებს — რა გავიგეთ მისი და აშშ-ის სახელმწიფო მდივნის მრჩევლის პოსტებიდან X-ზე
-
გადახედვაკალაძე სპორტსმენებზე, რომელმაც ხელისუფლების ძალადობა დაგმეს: "მეც ვუერთდები "არა რუსულ კანონს", ამ სუფთა ქართულ კანონს კი აუცილებლად მივიღებთ" კალაძე სპორტსმენებზე, რომელმაც ხელისუფლების ძალადობა დაგმეს: "მეც ვუერთდები "არა რუსულ კანონს", ამ სუფთა ქართულ კანონს კი აუცილებლად მივიღებთ"
-
გადახედვაპოლიციის უმოქმედობა აქციის მონაწილეებზე ძალადობას ახალისებს — DRI პოლიციის უმოქმედობა აქციის მონაწილეებზე ძალადობას ახალისებს — DRI
-
გადახედვაპარლამენტში 3 და 4 მაისს უსაფრთხოების ყვითელი დონე იმოქმედებს — ვიზიტორებს ეზღუდებათ პარლამენტის სასახლეში შესვლა პარლამენტში 3 და 4 მაისს უსაფრთხოების ყვითელი დონე იმოქმედებს — ვიზიტორებს ეზღუდებათ პარლამენტის სასახლეში შესვლა
-
გადახედვა11 მაისს, ევროპის დღეს, რუსული კანონის საწინააღმდეგო მანიფესტაცია დაანონსდა 11 მაისს, ევროპის დღეს, რუსული კანონის საწინააღმდეგო მანიფესტაცია დაანონსდა
-
გადახედვაცირკთან აქციის მონაწილეებს, უცნობი პირები, ფიზიკურად გაუსწორდნენ ცირკთან აქციის მონაწილეებს, უცნობი პირები, ფიზიკურად გაუსწორდნენ
-
გადახედვასაფრანგეთში მცხოვრები ქართველი სტუდენტები რუსული კანონის გაწვევას მოითხოვენ და აქციის მონაწილეებზე ძალადობას გმობენ საფრანგეთში მცხოვრები ქართველი სტუდენტები რუსული კანონის გაწვევას მოითხოვენ და აქციის მონაწილეებზე ძალადობას გმობენ
-
გადახედვაგზის გადაკეტვა შეკრების თავისუფლების ფორმაა — საია გზის გადაკეტვა შეკრების თავისუფლების ფორმაა — საია
-
გადახედვაკობახიძე აშშ-ში მიიწვიეს დათქმით, რომ ვიზიტამდე უნდა შეჩერებულიყო კანონპროექტის განხილვა — საგარეო აშშ-ის ელჩის განცხადებაზე კობახიძე აშშ-ში მიიწვიეს დათქმით, რომ ვიზიტამდე უნდა შეჩერებულიყო კანონპროექტის განხილვა — საგარეო აშშ-ის ელჩის განცხადებაზე
-
-
გადახედვაპოლიციამ გმირთა მოედანზე, რამდენიმე წუთის წინ, სამი ადამიანი დააკავა პოლიციამ გმირთა მოედანზე, რამდენიმე წუთის წინ, სამი ადამიანი დააკავა
-
გადახედვაჩაკვეტაძე: არაფერი არ დგას ჩვენს ხალხზე მაღლა, გაიწვიეთ ეს კანონი ჩაკვეტაძე: არაფერი არ დგას ჩვენს ხალხზე მაღლა, გაიწვიეთ ეს კანონი
კომენტარები