ტელეკომპანია რუსთავი 2-მა ხორავას ქუჩის საქმეზე სასამართლო პროცესის აუდიოჩანაწერი გაასაჯაროვა, სადაც მოწმე ყვება, რომ დავით სარალიძეს ერთ-ერთი დეკანოზის შვილი ფარდულში გაურკვეველ ნივთს ურტყამდა. დავით სარალიძე ამ დღეს მიყენებული ჭრილობებით გარდაიცვა.

გთავაზობთ რუსთავი 2-ის მიერ გავრცელებული აუდიოჩანაწერის გაშიფრულ ვერისიას:

- ბრალდებული: არ დამინახავს კ-ს დროს ნივთის ფერი, უბრალოდ ხელში რაღაც ეჭირა.

- და მ-ს დროს ფერი გაარჩიე?

- კი იმიტომ, რომ შედარებით ახლოს მედგა.

- ის ვერცხლისფერი ნივით, რომელით თქვენ ბრძანეთ, მ. რომ ურტყამდა სარალიძეს, ამ ნივთის მეორე მხარე თუ ჩანდა?

- ანუ ტარი დავინახე, მეორე მხარე არ დამინახავს.

- ესენი როდესაც ერთდროულად ურტყამენ სარალიძეს ამ ნივთებს ფარდულში, მ და კ ამ დროს ერთმანეთთან კომუნიკაცია თუ აქვთ, თუ საუბრობენ?

- არა, არ ვიცი.

- კ ფარდულში, როგორ ხედავ, რას აკეთებს?

- ურტყამს ხელს სარალიძეს.

- რომელ მხარეს ურტყამს?

- მარცხენა მხარეს.

- რა იცი, რომ ხელი იყო, ხედავდი კარგად?

- ნუ, არ დამინახავს ზუსტად რა იყო.

- მაგრამ მოძრაობას ხედავდი, თუ საიდან იცი რას აკეთებდა?

– მოძრაობას ვხედავდი.

– შიგნით არის შესული კ ფარდულში?.

- კი

– მ სად არის?

– კ-ს მერე მ შევიდა ფარდულში.

– მ რას აკეთებს, თუ ხედავდი?

– მ-ც ურტყამდა სარალიძეს.

– რომელ მხარეს იდგა?

– უკან და ოდნავ მარჯვნივ.

– ხედავდი ხელში რა ეჭირა?

– ვერა.

– უკან და მარჯვნივ, ანუ შიგნით იყო ხომ ფარდულში?

– კი.

– ანუ შენ ამბობ, რომ ურტყამდა კ და ურტყამდა მ სარალიძეს?

– კი.

"ზაზა სარალიძე დარწმუნებულია, რომ მის შვილს ჭრილობა მ-მ [სასულიერო პირის შვილი] მიაყენა. ის აცხადებს, რომ ეს ინფორმაცია მან პროკურატურას ჯერ კიდევ სამი თვის წინ მიაწოდა, თუმცა, უწყებაში მას კონკრეტული მტკიცებულებები მოსთხოვეს, რადგან პროკურატურაში განუცხადეს, რომ არასრულწლოვანს ვერ დააკავებდნენ მტკიცებულებების გარეშე", - ამ ინფორმაციას რუსთავი 2 ავრცელებს.