ბათუმური შვებულება, ანუ როგორ (ვერ) გავატარე ზაფხული
როგორც ამ ქვეყანაში დასაქმებული ყველა სხვა ადამიანი, საზაფხულო შვებულების აღებას მეც მოთმინებით ველოდი და დიდი იმედი მქონდა, რომ ბათუმში კარგად დავისვენებდი. როგორც აღმოჩნდა, ზედმეტად ოპტიმისტურად ვყოფილვარ განწყობილი და თუ რატომ - მალე გაიგებთ.
ვაშა! ეს ბედნიერი დღეც დადგა, ბარგი ჩავალაგე, მატარებლის ბილეთები ავიღე და 18 აგვისტოს, მეგობრებთან ერთად "ზურმუხტ მშვენებასა" და "სიცოცხლის ედემისაკენ" გავემგზავრე.
გამთენიისას ჩვენი ვაგონი უკვე ქალაქის რკინიგზის სადგურზე ჩამომდგარიყო და გამოუძინებელი მგზავრებისგან იცლებოდა და მე ჯერ კიდევ ვფიქრობდი, რომ ბათუმს თუ დასჭირდებოდა, სულსაც უეჭველად გავატანდი. სინამდვილეში კი ყველაფერი პირიქით მოხდა.
ახლა სექტემბერია და ჩემი ბათუმური შვებულების შემდეგ საკმაოდ დიდი დრო გავიდა, თუმცა მაინც ვერ ვივიწყებ იმ სინანულსა და წყენას, რომელიც იმ 10 დღის განმავლობაში თან მდევდა და რომელმაც მაიძულა, ჩემი გულწრფელი წუხილი თქვენთვისაც გამეზიარებინა. მჯერა, ამ საკითხში მარტო არ ვარ.
ქალაქი
ქაოსური და უსახური მშენებლობები თუ ქალაქის განვითარებად შეიძლება ჩაითვალოს, მაშინ ჯანდაბას, ვთქვათ, რომ ქალაქი აგრძელებს განვითარებას. ისინი, ვინც ჩემსავით ერთწლიანი პაუზის შემდეგ ეწვიეთ ბათუმს, ნამდვილად შეამჩნევდით ახლადწამოჭიმულ, მაგრამ ჯერ დაუსრულებელ შენობებს, ზოგი პოტენციურად ლამაზი რომ არის და ზოგიც უშნოდ რომ გედება თვალებში.
სამწუხარო ფაქტი, რომ ბათუმის მხოლოდ პატარა ნაწილი ვითარდება, შენდება და ლამაზდება, ადვილად შესამჩნევია და ნებისმიერი ტურისტი, რომელსაც 10-15 წუთზე დიდხანს შეუძლია სეირნობა, აუცილებლად ამოჰყოფს თავს გადათხრილ ქუჩაზე.
გზაზე გადასვლაც სახალისო რამ გამოდგა, რადგან შუქნიშანს მიმდგარი დამსვენებლები, ვითარცა მოქალაქეობრივი თვითშეგნებით განმსჭვალული და კანონმორჩილი ადამიანები, შუქნიშანსვე თუ დავუჯერებდით, გზის ერთ ნაპირზე საათობით უნდა ვმდგარიყავით. დიახ, გინდ ხელი დაადოთ და გინდ - არა, ბათუმში თითქმის ყველა შუქნიშანზე სამუდამოდ წითელი გენთებათ. ასეა და მორჩა.
ტურისტები
ტურისტების ნაკლებობას ბათუმი ნამდვილად არ უჩივის, თუმცა მათი დიდი ნაწილი რუსია, რაც თავის მხრივ იმასაც ნიშნავს, რომ სერვისიც სწორედ მათზეა მორგებული. ყოველ ნაბიჯზე გამოკრული "ჩაჩა" და "აჩარული ხაჩაპური" სასიამოვნო სანახავი სულაც არაა.
სახელმწიფო სიმბოლიკით დამშვენებულ მაისურებსა და ქუდებში გამოწყობილი რუსი ტურისტები ამაყად მიაბიჯებენ ქალაქის ქუჩებში და შუქნიშანზე სამუდამოდ ანთებული წითელის გაყვითლებას და მერე გამწვანებას შენზე მშვიდი სახით ელიან.
გასაკვირი არაა, თუ ბიზნესის მფლობელები კლიენტის კმაყოფილებაზე ზრუნავენ, მაგრამ გამყიდველები თუ მიმტანები სხვა ეროვნების სტუმრებს სულაც არ ექცევიან ისეთი პატივისცემით, როგორითაც - რუსებს და არც მათსავე ენაზე ესაუბრებიან ხოლმე.
გარდა ამისა, ყველა მაღაზიაში ორი ფასი არსებობს: ერთი - ქართველებისთვის, მეორე - უცხოელებისთვის, რაც მათ გაყვლეფას ემსახურება.
სანაპიროს დასუფთავება პირად გამოწვევად სულ ტყუილად მივიღე
უკვე ვთქვი, რომ ქალაქში ტურისტების მატება შეინიშნება, რაც ბევრ ნაგავსაც ნიშნავს.
კარგ ამინდში ერთი შეხედვით მშვიდი ზღვა უეცრად მოსულმა წვიმამ თუ ააღელვა - მტრისას, შეიძლება პოლიეთილენის ბოთლებმა წაგლეკოს. ეს სწორედ ის პოლიეთილენია, არასდროს რომ არ იშლება და ზღვის მაცხოვრებლებსაც რომ აზიანებს.
თავიდან სანაპირო ზოლის დასუფთავება პირად გამოწვევად აღვიქვი და საკუთარ ნარჩენებთან ერთად, სხვის დაყრილსაც გავაყოლებდი ხოლმე ხელს, მაგრამ მალევე მივხვდი, რომ მე ამდენი ნაგვის წინააღმდეგ ვერაფერსაც ვერ გავხდებოდი.
მწვანე კონცხიდან ბათუმამდე
ეროვნების მიხედვით დაწესებული ფასები ზემოთაც ვახსენე და აქაც გავიმეორებ, რომ მსგავსი მიდგომა საკმაოდ უსამართლოდ ჩავთვალე, მაგრამ სადაც გავაპროტესტე, ყველა ქვეყანაში ასეაო - მიპასუხეს. რთული დასაჯერებელია, მაგრამ იყოს.
მეც სხვა გამოსავალი არ დამრჩა და ჩემი ქართული სისხლით დამსახურებული პრივილეგიების მიღება წარბშეუხრელად იქამდე გავაგრძელე, სანამ მე თვითონაც არ გავხდი ეკონომიკური დისკრიმინაციის მსხვერპლი.
მწვანე კონცხზე გატარებული სასიამოვნო დღის შემდეგ, ჩემს დროებით სახლში სამარშრუტო ტაქსით რომ ვბრუნდებოდი, შევამჩნიე, რომ მძღოლი ადგილობრივ, ანუ ბათუმელ მგზავრებს 50 თეთრს, ხოლო (ჰაბიტუსით) არაიქაურებსა და უცხოელებს 80 თეთრს ართმევდა.
ეს უსამართლობა ჩემმა მეგობარმაც შეამჩნია, ბევრი ვითმინეთ და ბოლოს კონფრონტაცია გადავწყვიტეთ: დავინახეთ, როგორ ართმევდით მგზავრებს 50 თეთრს, ჩვენ გვადებილებთ თუ რა ხდება?! ვუთხარით მძღოლს. მან კი უარყო და გვითხრა, ფასი ყველასთვის ერთიაო, თითქოს მანამდე ჩვენი თვალით არ დაგვენახოს, რამდენს იხდიდნენ სხვა მგზავრები.
მუსიკა, რომელიც ან დაგანგრევს, ან აგაშენებს
და ბოლოს, ნიავი რა მოსატანია, როდესაც საღამოობით ზღვაზე ცურვით ოდნავ დაღლილი და ცოტა გამოწკეპილიც გარეთ გასართობად გადიხარ და ამჩნევ, რომ მთელ ქალაქში შანსონები ისმის.
ეს მუსიკა ან დაგანგრევს, ან აგაშენებს და თუ გაინტერესებთ, მე მაგრად მაწუხებდა. ერთადერთი ვარიანტი ის იყო, ზღვის ხმაურზე ვკონცენტრირებულიყავი, რომელიც მთელი ძალით ცდილობდა ამ მუსიკალური გაუგებრობის გადაფარვას.
მიუხედავად იმისა, რომ ჩემი ნანატრი შვებულება, ბათუმურ "ოტპუსკად" მექცა და ჩემი სულიც არავისთვის გამიტანებია, ვიცი, რომ შემდეგ წელს ისევ გამიჩნდება იმედი, იქნებ რაიმე შეიცვალოს. ბოლოს და ბოლოს, ბათუმს ნამდვილად აქვს ამოუცნობი ხიბლი, რის გამოც ამ ქალაქში გამუდმებით ვბრუნდებით ხოლმე და არა, აჭარულ ხაჭაპურს არ ვგულისხმობ, მაგრამ ეს უკვე სხვა სტატიის თემაა.
-
გადახედვასანქციები, სავიზო შეზღუდვების გაფართოება, პირდაპირი დაფინანსების შეწყვეტა — რა წერია ამერიკელი სენატორების წერილში, რომელიც კობახიძეს გაუგზავნეს სანქციები, სავიზო შეზღუდვების გაფართოება, პირდაპირი დაფინანსების შეწყვეტა — რა წერია ამერიკელი სენატორების წერილში, რომელიც კობახიძეს გაუგზავნეს
-
-
გადახედვამელანომის პირველ ინდივიდუალიზებულ ვაქცინას უკვე ასობით ადამიანზე ცდიან მელანომის პირველ ინდივიდუალიზებულ ვაქცინას უკვე ასობით ადამიანზე ცდიან
-
გადახედვაყველაზე დიდი ცხოველი, რომელსაც ხმელეთზე უარსებია — პატაგოტიტანი ყველაზე დიდი ცხოველი, რომელსაც ხმელეთზე უარსებია — პატაგოტიტანი
-
გადახედვაSETI-ს მეცნიერის თქმით, არამიწიერი სიცოცხლის აღმოჩენა გარდაუვალია და ამას ჯეიმს ვების ტელესკოპით შევძლებთ SETI-ს მეცნიერის თქმით, არამიწიერი სიცოცხლის აღმოჩენა გარდაუვალია და ამას ჯეიმს ვების ტელესკოპით შევძლებთ
-
გადახედვამეცნიერებმა ძველ გრაგნილში პლატონის საფლავის მდებარეობაზე მინიშნებას მიაგნეს მეცნიერებმა ძველ გრაგნილში პლატონის საფლავის მდებარეობაზე მინიშნებას მიაგნეს
-
-
-
გადახედვაილიაუნი მოსწავლეებისთვის ასტროფიზიკის პრაქტიკულ შეხვედრებს გამართავს — როგორ დავესწროთ ილიაუნი მოსწავლეებისთვის ასტროფიზიკის პრაქტიკულ შეხვედრებს გამართავს — როგორ დავესწროთ
-
გადახედვამკვლევრებმა 90 მილიონი წლის წინ მცხოვრები გიგანტური ფრინველის ნაკვალევი აღმოაჩინეს მკვლევრებმა 90 მილიონი წლის წინ მცხოვრები გიგანტური ფრინველის ნაკვალევი აღმოაჩინეს
-
გადახედვა29 აპრილს, პარლამენტი გენდერული კვოტირების გაუქმებაზე, პრეზიდენტის ვეტოს განიხილავს 29 აპრილს, პარლამენტი გენდერული კვოტირების გაუქმებაზე, პრეზიდენტის ვეტოს განიხილავს
-
-
გადახედვაკობახიძე: მიგრაციის ერთ-ერთი მიზეზი არის ის, რომ გახსნილია საზღვრები, ანუ ადვილია ქვეყნის დატოვება და ევროკავშირის ქვეყნებში გადასვლა კობახიძე: მიგრაციის ერთ-ერთი მიზეზი არის ის, რომ გახსნილია საზღვრები, ანუ ადვილია ქვეყნის დატოვება და ევროკავშირის ქვეყნებში გადასვლა
-
გადახედვა"ობობები" მარსზე — რატომ ჩნდება წითელ პლანეტაზე სეზონური მუქი ლაქები "ობობები" მარსზე — რატომ ჩნდება წითელ პლანეტაზე სეზონური მუქი ლაქები
-
გადახედვაკობახიძე აცხადებს, რომ ევროპარლამენტის რეზოლუციაში ვიზალიბერალიზაციაზე ჩანაწერს "ჩალის ფასი აქვს" კობახიძე აცხადებს, რომ ევროპარლამენტის რეზოლუციაში ვიზალიბერალიზაციაზე ჩანაწერს "ჩალის ფასი აქვს"
-
-
გადახედვალელო: ვუერთდებით 28 აპრილს დაანონსებულ ევროპულ მარშს, რათა კიდევ ერთხელ ვუთხრათ "კი" ევროპას და "არა" რუსულ კანონს! ლელო: ვუერთდებით 28 აპრილს დაანონსებულ ევროპულ მარშს, რათა კიდევ ერთხელ ვუთხრათ "კი" ევროპას და "არა" რუსულ კანონს!
-
გადახედვარუსული კანონის მეორე საკომიტეტო მოსმენა 29 აპრილს დაინიშნა რუსული კანონის მეორე საკომიტეტო მოსმენა 29 აპრილს დაინიშნა
-
გადახედვაალტ-ინფო აცხადებს, რომ საჯარო რეესტრმა მათი ახალი პარტიის, "ქართული იდეის" გაუქმების პროცესი დაიწყო ალტ-ინფო აცხადებს, რომ საჯარო რეესტრმა მათი ახალი პარტიის, "ქართული იდეის" გაუქმების პროცესი დაიწყო
-
გადახედვაზენდეია სპაიდერმენის შეყვარებულებიდან მესამეა, რომელმაც ჩოგბურთელის როლი მოირგო ზენდეია სპაიდერმენის შეყვარებულებიდან მესამეა, რომელმაც ჩოგბურთელის როლი მოირგო
-
გადახედვა18-წლიანი პატიმრობა მიესაჯა პირს, რომელმაც ყოფილი ცოლი დაჭრა, მისი ქმარი კი მოკლა 18-წლიანი პატიმრობა მიესაჯა პირს, რომელმაც ყოფილი ცოლი დაჭრა, მისი ქმარი კი მოკლა
კომენტარები