ბაღდათში, სოფელ ზეკარის მიმდებარე ტერიტორიაზე ტყეში გაჩენილი ხანძრის ქრობის პროცესში ჩართულია საგანგებო სიტუაციების მართვის სამსახურის 200 მეხანძრე-მაშველი. ამის შესახებ ინფორმაციას საგანგებო სიტუაციების მართვის სამსახური ავრცელებს.

უწყების ცნობით, ადგილზე შექმნილია საგანგებო შტაბი და მიმდინარეობს ხანძრის ლოკალიზება. იწვის შერეული ტყის ქვედა საფარი. წინასწარი ინფორმაციით, დამწვარია 5 ჰა ფართობი

საგანგებო სიტუაციების მართვის სამსახური იუწყება, რომ დასახლებულ ტერიტორიებზე ცეცხლის გავრცელების საშიშროება არ არსებობს.