ინტერნეტის წყალობით, წყვილმა ტაიმზ-სკვერზე დაკარგული ნიშნობის ბეჭედი დაიბრუნა

10-წლიანი ურთიერთობის შემდეგ, ინგლისელმა წყვილმა გადაწყვიტა, რომ საიუბილეო თარიღი ყველაზე ლამაზ ქალაქში აღენიშნა და ნიუ-იორკში გაემგზავრა.

ისტორიიის დასაწყისი ასეთი იყო: ჯონ დრენანს საყვარელი ადამიანისთვის, დანიელას ანტონისთვის დაუვიწყარი დღის მოწყობა სურდა, თუმცა, მოჭარბებული გრძნობების დროს, ხანდახან გაუთვალისწინებელი შემთხვევები იჩენს ხოლმე თავს.

და როდესაც, ტაიმზ-სკვერზე ყოფნისას ჯონმა დანიელას ხელი სთხოვა, ამ საოცნებო მომენტით აღელვებულებს შემთხვევით ბეჭედი ხელიდან გაუვარდათ და მეტროში ჩაუვარდათ.

მომენტი იქვე არსებულმა სათვალთვალო კამერამ დააფიქსირა.

WANTED for dropping his fiancée’s ring in @TimesSquareNYC!
She said Yes - but he was so excited that he dropped the ring in a grate. Our @NYPDSpecialops officers rescued it & would like to return it to the happy couple. Help us find them? 💍 call 800-577-TIPS @NYPDTIPS @NYPDMTN pic.twitter.com/tPWg8OE0MQ
— NYPD NEWS (@NYPDnews) December 1, 2018

როგორც ცნობილია, წყვილმა პოლიციასაც მიმართა, თუმცა ბეჭედი ვერც მათ იპოვეს. ჯონმა და დანიელამ ქალაქი მალევე დატოვეს და ინგლისში დაბრუნდნენ.

თუმცა, ნიუ-იორკის პოლიციას ძებნა არ შეუწყვიტავს და ბევრი ძებნის შემდეგ, მათ მეტროში ჩავარდნილ ბეჭედსაც მიაგნეს. თუმცა ამჯერად წყვილი დაიკარგა, რადგან მათ საკონტაქტო ინფორმაცია პოლიციისთვის არ დაუტოვებიათ.

პოლიციამ ისტორია ტვიტერზე გამოაქვეყნა და ინტერნეტს დახმარება სთხოვა. ჯონისა და დანიელას საპოვნელად ტვიტერს სულ რაღაც ერთი დღე დასჭირდა.

Here’s a photo of the ring our officers recovered (and cleaned!) Call 1-800-577-TIPS or DM @NYPDTips if you know the happy couple so we can return it to them! pic.twitter.com/hzFXxuMVJW
— NYPD NEWS (@NYPDnews) December 1, 2018

როგორც ნიუ-იორკის პოლიცია ტვიტერზე წერს, ისინი ახალდანიშნული წყვილისთვის [დიახ, ბეჭდის დაკარგვის მიუხედავად, დანიელამ "კი" თქვა] ბეჭდის გადაცემას უახლოეს მომავალში აპირებს.