ინტერნეტის ძალაზე აქამდე ბევრჯერ დაწერილა, თუმცა თუ მანამდე ის ინფორმაციის გაცვლის და კომუნიკაციის საშუალებად მოიაზრებოდა, ახლა გაცილებით რთული მისია დაეკისრა — ინტერნეტში გადმოინაცვლა თითქმის ყველაფერმა, რაც პანდემიამდე ძირითადად ფიზიკური კომუნიკაციით სრულდებოდა. სამსახურები გაციფრულდა, საბანკო სერვისების მისაღებად კი უკვე არსებულმა ტექნოლოგიურმა მიღწევებმა უფრო დიდი მნიშვნელობა შეიძინა. ახლა ბანკში "მისვლამდე" მხოლოდ ერთი "წკაპი" გაშორებთ, წინ კი უსაზღვრო შესაძლებლობები იშლება.

ამ სტატიაში მოგიყვებით, როგორ იყრის თავს საქართველოს ბანკის სერვისები მობილურსა და კომპიუტერში და როგორ გამოვიყენოთ ყველა შესაძლებლობა სახლიდან გაუსვლელად.

უკონტაქტო გადახდები

ფოტო: Mila Spasova / Dribbble

ვირუსის გავრცელების სხვადასხვა გზებიდან ერთ-ერთი ყველაზე სახიფათო ნაღდი ფულის გამოყენებაა. დაავადებათა კონტროლის ეროვნული ცენტრის რეკომენდაციით, კორონავირუსის გამო სჯობს ელექტრონული გადახდის გზებს მივმართოთ და ნაკლებად გამოვიყენოთ ნაღდი ფული. თუმცა ეს ყველაფერი არ არის — საბანკო ბარათის გამოყენებისა და ფიზიკური კონტაქტის მინიმუმამდე დაყვანაც შესაძლებელია. ამისათვის რამდენიმე სერვისი არსებობს:

APPLE PAY

Apple Pay-ის მეშვეობით ყველა შესაძლებლობა შენს iPhone-ში, iPad-ში, Mac-ში ან Apple Watch-ში გადმოინაცვლებს და საშუალება გექნება მომენტალურად გადაიხადო ყველგან: სავაჭრო ობიექტებში, აპლიკაციებში თუ ინტერნეტ მაღაზიებში. ამისათვის საჭიროა Apple-ის Wallet-ის აპლიკაციას VISA / Mastercard ბარათები დაუმატო.

TSKAPP

თუ Apple-ის პროდუქტებს არ იყენებ და შენი მობილური ანდროიდის ოპერაციულ სისტემაზე მუშაობს, უკონტაქტო გადახდებში და ნაღდი ფულის თავიდან არიდებაში TSKAPP დაგეხმარება. ერთი წკაპი და თანხა გადახდილია.

SMS ბანკი

მართალია, დასაწყისში ინტერნეტის ძალაზე ვსაუბრობდით, თუმცა საბანკო სერვისებით სარგებლობა ინტერნეტის გარეშე, მხოლოდ ტელეფონითაც შეიძლება. თანაც, სმარტფონის ფლობა სულაც არაა საჭირო. SMS ბანკი არამხოლოდ ინფორმაციას მოგაწვდის თანხის ჩარიცხვის ან გასვლის შესახებ, არამედ ყოველდღიურ ოპერაციებშიც დაგეხმარება: შეივსებ მობილურის ბალანსს, შეამოწმებ ნაშთს, გააგზავნი ფულად გზავნილებს, დაბლოკავ ან განბლოკავ პლასტიკურ ბარათს და სხვა. ამ მომსახურების მისაღებად ბანკის ფილიალში მისვლა აღარ დაგჭირდება, უბრალოდ, გაგზავნი SMS მოთხოვნას შენი მობილურიდან ნომერზე — 4444.

EPAY.GE

EPAY.GE ონლაინ გადახდების პლატფორმაა, სადაც არამარტო საქართველოს ბანკის, არამედ ნებისმიერი სხვა ბანკის ბარათითაც შეძლებ სასურველი მომსახურების თანხის გადახდას. EPAY.GE-ზე შეგიძლია შენი ანგარიში შექმნა და სისტემაში ავტორიზაციის გავლის შემდეგ დაფარო კომუნალურები, სამედიცინო მომსახურების, განათლების, ამანათების ტრანსპორტირების, დაზღვევის თუ სხვა გადასახადი, გადარიცხო ფული ქველმოქმედებაში ან ისარგებლო სახელმწიფო სერვისებით. EPAY.GE სინამდვილეში შენს მოწყობილობებში "მდგარი" გადახდის აპარატია.

მობილბანკი და ინტერნეტბანკი

ფოტო: Payment Gateway / Dribbble

მობილ და ინტერნეტბანკმა უკვე დიდი ხანია შეცვალა მომხმარებლების ქცევა და ბანკის ფილიალებში მისვლის საჭიროება თითქმის მთლიანად გამორიცხა. თუმცა, თუ მაინც ეჭვობ, ნამდვილად გჭირდება თუ არა სახლიდან გასვლა და ბანკის ფილიალში სტუმრობა, ჩვენ იმ ფუნქციებზე მოგიყვებით, რომლებიც საქართველოს ბანკის ვირტუალურ ფილიალებში იყრის თავს.

მობილბანკის გადმოწერა App Store-დან და Google Play-დან უფასოდ შეგიძლია. ინტერნეტბანკის გააქტიურება კი დისტანციურადაცაა შესაძლებელი.

დასარეგისტრირებლად მიჰყევი შემდეგ ნაბიჯებს:

თუკი დაგავიწყდა მობილბანკის პაროლი:

მობილ და ინტერნეტბანკის მეშვეობით:

ასე რომ, თუ თვითიზოლაციაში ხარ და გჭირდება შენი პირადი საბანკო ანგარიშის მართვა თუ სხვადასხვა ტრანზაქციების შესრულება, საქართველოს ბანკის ელექტრონული სერვისების დახმარებით სახლიდან გასვლა აღარ დაგჭირდება. რამდენიმე წკაპით შეძლებ შეინარჩუნო შენი და გარშემომყოფების უსაფრთხოება და მიიღო ის სერვისი, რისთვისაც აქამდე ბანკში სტუმრობა გიწევდა.