25 მარტის მდგომარეობით

მსოფლიოში

• დადასტურებული შემთხვევა — 454 398;
• გარდაცვლილი — 20 550;
• გამოჯანმრთელებული — 113 045

საქართველოში

• დადასტურებული შემთხვევა - 75;
• გამოჯანმრთელებული - 10;
• კარანტინის რეჟიმში - 4 055

დღის ფაქტი

ესპანეთში კორონავირუსით გარდაცვლილთა რაოდენობამ ჩინეთისას გადააჭარბა

ესპანეთში კორონავირუსით გარდაცვლილთა რაოდენობამ ჩინეთის მონაცემებს გადააჭარბა.

ბოლო მონაცემებით, ესპანეთში კორონავირუსით 3 434 ადამიანია გარდაცვლილი, ჩინეთში კი — 3 281.

შესაბამისად, ესპანეთი, იტალიის შემდეგ, მეორე ქვეყანა გახდა მსოფლიოში, რომელმაც ჩინეთს გადაუსწრო.

დღის ფოტო: ბოლივიელი სექსმუშაკები

დღის მთავარი ჰედლაინი მსოფლიო მედიაში

პრინც ჩარლზს კორონავირუსი დაუდგინდა

დიდი ბრიტანეთის სამეფო ტახტის მემკვიდრეს, 71 წლის უელსის პრინც ჩარლზს კორონავირუსი დაუდასტურდა. ინფორმაციას ამის შესახებ BBC ავრცელებს.

პრინცის დაინფიცირების შესახებ ინფორმაცია კლარენსის სახლმა დაადასტურა. როგორც განცხადებაშია აღნიშნული, მას სუსტი სიმპტომები აქვს, სხვა მხრივ კი თავს კარგად გრძნობს. ტესტირება ჩაიტარა კრონველის ჰერცოგინია კამილამაც, თუმცა მას კორონავირუსზე უარყოფითი პასუხი დაუფიქსირდა.

კლარენსის სახლის ინფორმაციით, ჩარლზი და კამილა შოტლანდიაში, ბალმორალში იქნებიან თვითიზოლირებულნი. უცნობია ვისგან გადაედო პრინცს ვირუსი.

სხვა მნიშვნელოვანი ამბები მსოფლიოში:

• მსოფლიოში კორონავირუსით ინფიცირებულთა რიცხვმა 450 000-ს გადააჭარბა, გარდაცვლილია 20 500-მდე ადამიანი, გამოჯანმრთელებულია 113 000-მდე პაციენტი;
• უკრაინაში საგანგებო მდგომარეობა გამოცხადდა, ის 24 აპრილამდე გაგრძელდება;
• უკრაინის მართლმადიდებელმა ეკლესიამ მიიღო გადაწყვეტილება, რომ კორონავირუსის გამო მრევლი ტაძრებში ღვთისმსახურებას აღარ დაესწრება. მათ საშუალება ექნებათ, ლოცვა დისტანციურად მოისმინონ;
• ესპანეთის ვიცე-პრემიერს, კარმენ კალვოს კორონავირუსი აღმოაჩნდა;
• აშშ ეკონომიკის სტიმულირებისთვის 2 ტრილიონ დოლარს გამოყოფს;

• მოსკოვის მერმა, სერგეი სობიანინმა რუსეთის პრეზიდენტ ვლადიმერ პუტინს განუცხადა, რომ დედაქალაქში ინფიცირებულთა რეალური რიცხვი ოფიციალურ მაჩვენებელს ბევრად აღემატება. მისი თქმით, ჩატარებული ტესტირების რაოდენობა საკმარისი არ არის, რადგან ზოგიერთი მოსკოველი უცხოეთიდან ბრუნდება, თვითიზოლაციაშია და არ იცის აქვს თუ არა ვირუსი.

დღის მთავარი ჰედლაინი ქართულ მედიაში

9 დღის ჩვილი კორონავირუსის სიმპტომებით მარნეულიდან საავადმყოფოში გადაიყვანეს

კორონავირუსის სიმპტომებით 9 დღის ახალშობილი მარნეულიდან თბილისის პირველი საუნივერსიტეტო კლინიკაში გადმოიყვანეს. ახალშობილს სუნთქვის მწვავე უკმარისო ჰქონდა. მას უკვე აუღეს ტესტი კორონავირუსზე და ლუგარის ლაბორატორიიდან პასუხს ელოდებიან.

სხვა მნიშვნელოვანი ამბები ქართულ მედიაში:

• საქართველოში კორონავირუსით ინფიცირებულთა რაოდენობა 75-მდე გაიზარდა
• საქართველოში სწრაფი ტესტების პირველი პარტია ჩამოვიდა
• ზესტაფონის ტაძარში თითოეულ მორწმუნეს ზეთი ეცხება ერთჯერადი საცხით — მეუფე მელქისედეკი
• მედიით ხელოვნურად მზადდება აზრი, რათა შესაძლო პრობლემების მიზეზი ეკლესია გამოცხადდეს — საპატრიარქო
• გაუგებარია აქცენტი სულიერი საზრდოსთვის მოსულ მრევლზე, როცა აფთიაქებსა და მაღაზიებში მეტი ხალხია — საპატრიარქო

დღის კარგი ამბავი

"პური ჩვენთან გაიცემა უფასოდ" — მარნეულელმა დედა-შვილმა ორ დღეში 500-ზე მეტი პური დაარიგა

24 წლის დავით დალაქიშვილი მარნეულში, სოფელ თამარისში ცხოვრობს. ორი დღის წინ მისმა ინიციატივამ სოციალური ქსელი ააჭრელა — დავითმა საკარანტინო ზონად გამოცხადებული მარნეულის მოსახლეობას ორი დღით უფასო პური შესთავაზა.

"ღამე გამოცხადდა მარნეულში და ბოლნისში კარანტინი. დილა რომ გათენდა, უკვე შეინიშნებოდა გარკვეული პანიკა ხალხში. დავურეკე დედაჩემს დილის ექვს საათზე და ვთხოვე, რომ უკვე დაგვეწყო თანასოფლელებზე პურის გაცემა უფასოდ, რაზეც დაუფიქრებლად დამთანხმდა. უცებ შევადგინეთ ტექსტი, დავწერეთ ფურცელზე და გავაკარით", — ამბობს დავითი.

ამბავი, რომელმაც გაგვაღიმა

პატრონის სახლში ყოფნით გახარებულმა ძაღლმა ქიცინისგან კუდი იღრძო

როლო ბრიტანეთში მცხოვრები 7 წლის ტაქსაა, რომელსაც, მისთვის აუხსნელი მიზეზით, ყველაზე დიდი სურვილი აუსრულდა: მისი პატრონი სულ სახლშია. მართალია, ხანდახან მუშაობს ხოლმე, მაგრამ მაინც სულ სახლშია და მისთვისაც მეტი დრო აქვს.

როლომ საკუთარი აღფრთოვანების დამალვა ვერ შეძლო და პირველი რამდენიმე დღის განმავლობაში გაუჩერებლად აქიცინა კუდი, თუმცა ამის შემდეგ კუდის ქიცინი შეწყვიტა და მოიწყინა. მისმა პატრონმა, ემამ თავიდან ჩათვალა, ალბათ, მოვბეზრდიო, მაგრამ ეს ვერსია ზედმეტად დაუჯერებელი იყო, ამიტომ ტაქსა ვეტერინართან წაიყვანა, სადაც მას დიაგნოზი დაუსვეს: როლომ ქიცინისგან კუდი იღრძო.

ერთად თავმოყრილი რეკომენდაციები:

• ჯანდაცვის მსოფლიო ორგანიზაციის აუცილებელი რეკომენდაციები კორონავირუსისგან დასაცავად

• კორონავირუსის პრევენციისთვის საჭირო რჩევები მოგზაურებისთვის

• ჯანდაცვის სამინისტროს რეკომენდაციები ჟურნალისტებისთვის

• რეკომენდაციები თვითიზოლაციაში მყოფები პირებისთვის

• როგორ უნდა გაიკეთოთ, გამოიყენოთ და გადააგდოთ ნიღაბი

• როგორ დავიბანოთ ხელები სწორად კორონავირუსისგან დასაცავად

• როგორ ვიზრუნოთ ფსიქიკურ ჯანმრთელობაზე კორონავირუსის დროს

ნახეთ წინა შეჯამებები:

• 21 თეთრით გაუფასურებული ლარი და ეპიდაფეთქების რისკი აშშ-ში — 24 მარტის შეჯამება
• ანგელა მერკელი კარანტინში და საკვირაო წირვები საქართველოში — 22 მარტის შეჯამება
• დაჩქარებული პანდემია და მკაცრი საკარანტინო ზონა საქართველოში — 23 მარტის შეჯამება
• საქართველოს საგანგებო მდგომარეობა და გარდაცვლილთა ზრდა იტალიაში — 21 მარტის შეჯამება
• სოციალური დისტანცირება, როგორც გადარჩენის გზა — კორონავირუსის 20
• მარტის შეჯამება"გამარჯობა, თქვენ კორონას პაციენტთან ახლოს იყავით" – 19 მარტის შეჯამება
• ბრიტანეთი ჯოგური იმუნიტეტის ამბიციური გეგმიდან უკან იხევს – 18 მარტის შეჯამება
• შეჩერებული "მარშრუტკები" და ბრაზილიის ციხიდან გაქცეული პატიმრები – რა ხდებოდა 17 მარტს
• კორონავირუსი 16 მარტს: პირველი გამოჯანმრთელებული საქართველოში და ევროპის ჩაკეტვის მოლოდინი
• კორონავირუსი 15 მარტს: გამკაცრებული შეზღუდვები და ფანჯრები, როგორც ერთადერთი გასართობი
• მესამეული გადაცემის ფაქტი საქართველოში და კრიზისი ესპანეთში – 14 მარტის შეჯამება
• კორონავირუსი: სტატისტიკა და ახალი ამბები 13 მარტის მდგომარეობით
• კორონავირუსი: რა ხდება საქართველოსა და მსოფლიოში 12 მარტის მდგომარეობით.