7 მილიონი ინფიცირებული მსოფლიოში და კრიზისი სომხეთში — კვირის შეჯამება
7 ივნისის მდგომარეობით მსოფლიოში:
- დადასტურებული შემთხვევა — 7,078,580;
- გარდაცვლილი — 404,960;
- გამოჯანმრთელებული — 3,453,052.
საქართველოში:
- დადასტურებული შემთხვევა — 809;
- გამოჯანმრთელებული — 674;
- გარდაცვლილი — 13;
- კარანტინის რეჟიმში — 2 915;
- სტაციონარში — 237;
- უცხოეთიდან სამკურნალოდ გადმოყვანილი საქართველოს მოქალაქეები — 3.
კვირის ფაქტი:
მსოფლიოში კორონავირუსით ინფიცირებულთა რაოდენობამ 7 მილიონს გადააჭარბა
7 ივნისის მონაცემებით, მსოფლიოში კორონავირუსი 7 მილიონზე მეტ ადამიანს დაუდასტურდა. გარდაიცვალა 400 ათასზე მეტი, ხოლო განიკურნა 3,5 მილიონამდე ადამიანი.
ყველაზე მეტი ინფიცირებული კვლავ ამერიკის შეერთებულ შტატებშია — 2,006,964 ადამიანი. მეორე ადგილზე ბრაზილიაა 690,309 ინფიცირებულით, მესამეზე კი რუსეთი, სადაც ოფიციალურად კორონავირუსის 467,673 შემთხვევას ადასტურებენ.
ევროპაში ინფიცირების ყველაზე მაღალი მაჩვენებელი ესპანეთშია — 288,630. შემდეგ მოდის დიდი ბრიტანეთი — 288,630. შემდეგ მოდიან ინდოეთი, იტალია, პერუ, გერმანია, ირანი და ა.შ.
რა ხდება მსოფლიოში:
კრიზისია მეზობელ სომხეთში. ჯერ კიდევ კვირის დასაწყისში ცნობილი გახდა, რომ ქვეყნის პრემიერმინისტრ ნიკოლ პაშინიანს, კორონავირუსი აღმოაჩნდა. ვირუსი მისი ოჯახის წევრებსაც დაუდასტურდათ.
პაშინიანის თქმით, დაავადება სიმპტომების გარეშე მიმდინარეობს და მუშაობას პრემიერმინისტრის რეზიდენციიდან გააგრძელებს.
მას განცხადებების გაკეთება მომდევნო დღეების განმავლობაში აქტიურად მოუწია, რადგან სომხეთში ახალი შემთხვევების რაოდენობა სწრაფად იმატებს. 4 ივნისს პაშინიანმა თქვა, რომ ეპიდემიოლოგიური სიტუაცია უარესდება და პაციენტების დროულ ჰოსპიტალიზაციას ვერ ახერხებენ. მისი 6 ივნისის განცხადების მიხედვით კი, რეანიმაციაში არასაკმარისი ადგილების გამო ორი პაციენტი გარდაიცვალა. ამასთან, მისი ინფორმაციითვე, ქვეყანაში კორონავირუსით ინფიცირებული 200 პაციენტი ჰოსპიტალიზაციის რიგში დგას. ამასთან, 6-დან 7 ივნისის ჩათვლით, ერთ დღე ღამეში, ქვეყანაში კორონავირუსი 766 ადამიანს დაუდასტურდა, 10 კი გარდაიცვალა.
ამავე თემაზე:
- საქართველოს საგარეო საქმეთა სამინისტროს განცხადებით, მზად არიან სომხეთს დაეხმარონ
- მადლობა ამ რთულ მომენტში მხარდაჭერისთვის — სომხეთის პარლამენტის დეპუტატი
კორონავირუსით ინფიცირებულთა და გარდაცვლილთა რაოდენობა იზრდება ბრაზილიაში. აქ გარდაცვლილთა საერთო რაოდენობამ იტალიის მაჩვენებელს გადააჭარბა. 5 ივნისს ბრაზილიამ განაცხადა, რომ ბოლო 24 საათის განმავლობაში ქვეყანაში კორონავირუსით 1 473-ზე მეტი ადამიანი გარდაიცავალა, რაც კიდევ ერთი რეკორდულად მაღალი მონაცემია.
ინფიცირების და გარდაცვალების ყოველდღიური მაჩვენებელი მცირდება დიდ ბრიტანეთში. 7 ივნისს კარანტინის გამოცხადების შემდეგ ყველაზე ნაკლები ადამიანი დაიღუპა — 77.
გასულ კვირას დიდი ბრიტანეთის პრემიერმინისტრის, ბორის ჯონსონის მრჩევლის მსგავსად, შეზღუდვების უგულებელყოფის გამო, შესაძლოა, უკრაინის პრეზიდენტი დაჯარიმდეს. ვოლოდიმირ ზელენსკი თანმხლებ პირებთან ერთად ქალაქ ხმელნიცკში ადგილობრივ კაფეს ეწვია და ყავა მიირთვა. ფოტოები 3 ივნისს თვითონ პრეზიდენტმა გაავრცელა და ამას დიდი გამოხმაურება მოჰყვა. პანდემიის დროს დაწესებული შეზღუდვებით, 5 ივნისამდე კაფეებსა და რესტორნებში კლიენტების მომსახურება მხოლოდ ღია სივრცეში შეიძლება.
სხვა მნიშვნელოვანი ამბები:
-
გერმანია 15 ივნისიდან ევროპის 29 ქვეყანასთან სამოგზაურო შეზღუდვას მოხსნის
-
შვედეთის მთავარი ეპიდემიოლოგი შეცდომებს აღიარებს — "ზედმეტად ბევრი მოკვდა"
- ბრაზილიის პრეზიდენტი, ჟაირ ბოლსონარუ იმუქრება, რომ ბრაზილია WHO-ს დატოვებს
მნიშვნელოვანი სამეცნიერო სიახლე
იბუპროფენს კორონავირუსის საწინააღმდეგოდ ცდიან
ლონდონის კინგსის კოლეჯის მკვლევართა გუნდის მიხედვით, იბუპროფენი, რომელიც ანთების საწინააღმდეგო საშუალება და ტკივილგამაყუჩებელია, შესაძლოა, კორონავირუსით ინფიცირებულ პაციენტებს სუნთქვის პრობლემების მოგვარებაში დაეხმაროს. მედიკამენტის გამოსაცდელად კი კვლევები მიმდინარეობს.
კვლევაში მონაწილე პაციენტები მკურნალობის ჩვეულ მეთოდებთან ერთად დამატებით იბუპროფენსაც მიიღებენ. თუმცა, კვლევაში გამოყენებული იბუპროფენი ჩვეულებრივი ტაბლეტებისგან განსხვავებით განსაკუთრებულად იქნება ფორმულირებული.
ცხოველებში ჩატარებულმა კვლევებმა აჩვენა, რომ მან, შესაძლოა, კორონავირუსის ერთ-ერთი რთული ფორმა — მწვავე რესპირატორული დისტრესი განკურნოს.
რა ხდება საქართველოში:
გამოჯანრთელებულთა რაოდენობა ახალ შემთხვევებს ამ კვირაშიც აღემატებოდა, თუმცა 3 ივნისს კორონავირუსით საქართველოში კიდევ ერთი, მე-13 პაციენტი გარდაიცვალა. რესპუბლიკური საავადმყოფოს დირექტორის ინფორმაციით, გარდაიცვალა 76 წლის კაცი ბოლნისის კლასტერიდან.
ლევან გოფოძემ თქვა, რომ პაციენტი მწვავე თანმხლები დაავადებებით მათთან ერთ თვეზე მეტია, რაც მკურნალობდა. მისივე ინფორმაციით, ინფიცირებული ბოლო რამდენიმე დღის განმავლობაში ფილტვის ხელოვნურ ვენტილაციაზე იყო.
საზოგადოებრივი ტრანსპორტის ამუშავების შემდეგ, შეზღუდვები მოიხსნა მოლებსა და კაფე-რესტორნებზეც. პირველი ივნისიდან: გაიხსნა ყველა სახის ღია მაღაზია, მათ შორის, მოლებიღი, ასევე, ღია სივრცის მქონე რესტორნები. პირველი ივნისიდანვე აღდგა მუნიციპალური სერვისები.
გაიგე მეტი:
- როგორ უნდა მოვიქცეთ მოლებში და სავაჭრო ცენტრებში — ახალი წესები
- როგორ უნდა იმუშაოს საზოგადოებრივმა ტრანსპორტმა და რა წესები უნდა დაიცვათ
- როგორ უნდა იმუშაონ ღია და დახურული ტიპის რესტორნებმა, კაფეებმა, ბარებმა
- რა წესები უნდა დავიცვათ ოფისში მუშაობის დროს
- რა წესები უნდა დაიცვან ბაზრობებზე მომხმარებლებმა, დასაქმებულებმა და ბიზნესოპერატორებმა
- ველოდებით მითითებებს — საქართველოს რკინიგზაში ჯერ არ იციან, როდის აღდგება მგზავრთა გადაყვანა
- 14-დღიანი კარანტინი შეჯიბრამდე, თერმოსკრინინგი, დისტანცია — რა წესები უნდა დავიცვათ სპორტში
შეზღუდვების შემსუბუქების შემდეგ, მმართველმა გუნდმა ახალ შეზღუდვებზე დაიწყო საუბარი. პარლამენტის თავმჯდომარის, არჩილ თალაკვაძის განცხადებით, კორონავირუსის პრევენციისთვის, საჭიროა "უფრო რაციონალური" ჯარიმების შემოტანა და ახალი ზომების განსაზღვრა. მანვე დაამატა, რომ ამ ზომებით, შესაბამის სამსახურებს ყოველდღიურად უნდა მიეცეთ საშუალება დარღვევებზე რეაგირებისთვის.
თალაკვაძემ იურიდიულ და ჯანდაცვის საკითხთა კომიტეტების თავმჯდომარეებს დაავალა, დაჩქარებულ რეჟიმში დაიწყონ მუშაობა და მოკლე დროში შეიმუშავონ საკანონმდებლო ცვლილებები, რომლებშიც, მათ შორის, სავარაუდოდ, იგულისხმება ჯარიმები საზოგადოებრივი თავშეყრის ადგილებში პირბადის გარეშე ყოფნისთვის. ზუსტი ინიციატივა ჯერ უცნობია, რადგან კანონპროექტი პარლამენტში არ წარუდგენიათ.
პირველ ივნისს წინა კვირის განმავლობაში კორონავირუსის დადასტურებული შემთხვევების მატებას საქართველოს პრემიერმინისტრი გამოეხმაურა. გიორგი გახარიამ და მოქალაქეებს წესების დაცვისკენ მოუწოდა და აღნიშნა, რომ მთავრობას ეკონომიკის ხელახლა გადაკეტვის სურვილი არ აქვს.
6 ივნისს კი ცნობილი გახდა, რომ კორონავირუსის მკურნალობისთვის პრეპარატი პლაქვენილი პროტოკოლში დააბრუნეს. ამის მიზეზი ის გახდა, რომ ჯანდაცვის მსოფლიო ორგანიზაციამ სოლიდარობის კვლევაში პლაქვენილი დააბრუნა, რადგან ჟურნალ Lancet-მა გაიწვია ის სტატია, რომელშიც COVID-19-ის პაციენტების მკურნალობის დროს პლაქვენილის სერიოზულ გვერდით მოვლენებზე იყო საუბარი.
სხვა მნიშვნელოვანი ამბები:
- ყოველთვის ვატაროთ ნიღაბი, ამას აქვს უკიდურესად დიდი მნიშვნელობა — გახარია
- გამყრელიძე: როდესაც გარე სივრცეში ვიკრიბებით, აუცილებელია პირბადის ტარება
- გამყრელიძე: შემოდგომაზე ქვეყნის მასშტაბით სეროპრევალენტობის კვლევის ჩატარებას ვგეგმავთ
- კაფეებში, დახურულში და ღიაშიც, ჭამის დროს არა, მაგრამ საუბრის დროს პირბადე აუცილებელია — გამყრელიძე
- სახლში კონდიციონერი არ ჩართოო არავის უთქვამს — პაატა იმნაძე
- ჩვენი მოლოდინი არ გამართლდა, მოქალაქეები ტრანსპორტში წესებს მკაცრად იცავენ — ტიკარაძე
- გამოცდები ყველა აბიტურიენტისთვის სრულიად უსაფრთხოდ ჩატარდება — ტიკარაძე
- მთავრობის ანგარიში: საგანგებო რეჟიმის დროს გადაადგილებისთვის 15 ათასი ერთჯერადი ნებართვა გაიცა
- საკარანტინე ზონებისთვის 32,5 მილიონი ლარი დაიხარჯა — მთავრობის ანგარიში
- იანვარიდან 22 მაისამდე კორონავირუსის 15 კლასტერი გამოვლინდა — ანგარიში
- აეროპორტსა და თვითმფრინავში პირბადე აუცილებელი იქნება, მგზავრებმა ქვეყნის წესები უნდა დაიცვან, სადაც მიფრინავენ
- ჩეხეთი საქართველოს ტურისტებისთვის უსაფრთხო ქვეყნების კატეგორიაში შეიყვანს
ერთად თავმოყრილი რეკომენდაციები
-
გადახედვააქცია ქართული ოცნების ოფისთან — სანაპირო გადაკეტილია აქცია ქართული ოცნების ოფისთან — სანაპირო გადაკეტილია
-
გადახედვაქართველი სტარტაპერები რუსული კანონის წინააღმდეგ ერთობლივ განცხადებას ავრცელებენ ქართველი სტარტაპერები რუსული კანონის წინააღმდეგ ერთობლივ განცხადებას ავრცელებენ
-
გადახედვასასტუმრო პარაგრაფთან აქციის მონაწილე დააკავეს სასტუმრო პარაგრაფთან აქციის მონაწილე დააკავეს
-
გადახედვასაქართველოს რეიტინგი, პრესის თავისუფლების მსოფლიო ინდექსში, 26 ადგილით დაეცა საქართველოს რეიტინგი, პრესის თავისუფლების მსოფლიო ინდექსში, 26 ადგილით დაეცა
-
გადახედვაჟურნალისტური ეთიკის ქარტიის განცხადება კახა კალაძის მიერ, ჟურნალისტის შეურაცხყოფის ფაქტზე ჟურნალისტური ეთიკის ქარტიის განცხადება კახა კალაძის მიერ, ჟურნალისტის შეურაცხყოფის ფაქტზე
-
გადახედვადღეს, კობახიძემ, ამ ქვეყნის ისტორიაში უპრეცედენტო და უდიდესი თავდასხმა განახორციელა აშშ-ზე — გრიგოლ გეგელია დღეს, კობახიძემ, ამ ქვეყნის ისტორიაში უპრეცედენტო და უდიდესი თავდასხმა განახორციელა აშშ-ზე — გრიგოლ გეგელია
-
გადახედვაკობახიძე აშშ-ს "ორ რევოლუციურ მცდელობაში" ადანაშაულებს — რა გავიგეთ მისი და აშშ-ის სახელმწიფო მდივნის მრჩევლის პოსტებიდან X-ზე კობახიძე აშშ-ს "ორ რევოლუციურ მცდელობაში" ადანაშაულებს — რა გავიგეთ მისი და აშშ-ის სახელმწიფო მდივნის მრჩევლის პოსტებიდან X-ზე
-
გადახედვამინდა, მივმართო ჩვენი ქვეყნის აკრედიტებულ ელჩებს მეგობარ ქვეყნებში... საკითხი ეხება ჩვენი ქვეყნის მომავალს! — მამუკა ხაზარაძე მინდა, მივმართო ჩვენი ქვეყნის აკრედიტებულ ელჩებს მეგობარ ქვეყნებში... საკითხი ეხება ჩვენი ქვეყნის მომავალს! — მამუკა ხაზარაძე
-
გადახედვაპოლიციის უმოქმედობა აქციის მონაწილეებზე ძალადობას ახალისებს — DRI პოლიციის უმოქმედობა აქციის მონაწილეებზე ძალადობას ახალისებს — DRI
-
გადახედვაპარლამენტში 3 და 4 მაისს უსაფრთხოების ყვითელი დონე იმოქმედებს — ვიზიტორებს ეზღუდებათ პარლამენტის სასახლეში შესვლა პარლამენტში 3 და 4 მაისს უსაფრთხოების ყვითელი დონე იმოქმედებს — ვიზიტორებს ეზღუდებათ პარლამენტის სასახლეში შესვლა
-
გადახედვა11 მაისს, ევროპის დღეს, რუსული კანონის საწინააღმდეგო მანიფესტაცია დაანონსდა 11 მაისს, ევროპის დღეს, რუსული კანონის საწინააღმდეგო მანიფესტაცია დაანონსდა
-
გადახედვაცირკთან აქციის მონაწილეებს, უცნობი პირები, ფიზიკურად გაუსწორდნენ ცირკთან აქციის მონაწილეებს, უცნობი პირები, ფიზიკურად გაუსწორდნენ
-
გადახედვასაფრანგეთში მცხოვრები ქართველი სტუდენტები რუსული კანონის გაწვევას მოითხოვენ და აქციის მონაწილეებზე ძალადობას გმობენ საფრანგეთში მცხოვრები ქართველი სტუდენტები რუსული კანონის გაწვევას მოითხოვენ და აქციის მონაწილეებზე ძალადობას გმობენ
-
გადახედვაგზის გადაკეტვა შეკრების თავისუფლების ფორმაა — საია გზის გადაკეტვა შეკრების თავისუფლების ფორმაა — საია
-
გადახედვაკობახიძე აშშ-ში მიიწვიეს დათქმით, რომ ვიზიტამდე უნდა შეჩერებულიყო კანონპროექტის განხილვა — საგარეო აშშ-ის ელჩის განცხადებაზე კობახიძე აშშ-ში მიიწვიეს დათქმით, რომ ვიზიტამდე უნდა შეჩერებულიყო კანონპროექტის განხილვა — საგარეო აშშ-ის ელჩის განცხადებაზე
-
-
გადახედვაჩაკვეტაძე: არაფერი არ დგას ჩვენს ხალხზე მაღლა, გაიწვიეთ ეს კანონი ჩაკვეტაძე: არაფერი არ დგას ჩვენს ხალხზე მაღლა, გაიწვიეთ ეს კანონი
-
გადახედვაპოლიცია ცდილობს, გმირთა მოედანზე მოძრაობა გახსნას — სამართალდამცველები აქციის მონაწილეების მიმართ ძალას იყენებენ პოლიცია ცდილობს, გმირთა მოედანზე მოძრაობა გახსნას — სამართალდამცველები აქციის მონაწილეების მიმართ ძალას იყენებენ
-
გადახედვაბუდუ ზივზივაძე: არა რუსეთს და არა ყველაფერს, რაც საქართველოს რუსეთისკენ მიაქანებს ბუდუ ზივზივაძე: არა რუსეთს და არა ყველაფერს, რაც საქართველოს რუსეთისკენ მიაქანებს
-
გადახედვაბუდუ ზივზივაძე: ვერანაირად გამართლდება მშვიდობიან მომიტინგეებზე თავდასხმა ბუდუ ზივზივაძე: ვერანაირად გამართლდება მშვიდობიან მომიტინგეებზე თავდასხმა
-
გადახედვაშსს-ს ვებგვერდი არ მუშაობს — ჰაკერული დაჯგუფება Anonymous წერს, რომ საიტი მათ გათიშეს შსს-ს ვებგვერდი არ მუშაობს — ჰაკერული დაჯგუფება Anonymous წერს, რომ საიტი მათ გათიშეს
კომენტარები