როგორ შეცვალა ევროპაბეთმა სათამაშო ბიზნესი პასუხისმგებლიანი პოლიტიკით
უკვე ნახევარი წელი გავიდა მას შემდეგ, რაც ევროპაბეთმა საქართველოში პასუხისმგებლიანი თამაშის პოლიტიკის დანერგვა დაიწყო. თავდაპირველად პროექტი კამარასთან ერთად ფსიქოთერაპიის კურსების შეთავაზებას გულისხმობდა, თუმცა მაღალი მიმართვიანობის გამო 7 ივლისს თბილისში ახალი ფსიქორეაბილიტაციის ცენტრი მენტალ ჰაბი გაიხსნა. ორივე პროექტის მხარდამჭერი ევროპაბეთია.
პასუხისმგებლიანი თამაშის 6 თვე
ევროპაბეთმა ცოტა ხნის წინ ორი კვარტლის ანგარიში გამოაქვეყნა. ბიზნესმა პასუხისმგებლიანი თამაშის პოლიტიკა დეკემბერში წამოიწყო და სათამაშო ბიზნესში მნიშვნელოვანი ცვლილებები განახორციელა — ეს სამ მიმართულებას გულისხმობს:
- პასუხისმგებლობა ბიზნესში;
- პასუხისმგებლობა კომუნიკაციაში;
- პასუხისმგებლობა საზოგადოების მიმართ.
ცვლილებების ფარგლებში სათამაშო ბიზნესის მთავარი მიზანი საზოგადოების სოციალური კეთილდღეობის შექმნაში აქტიური მონაწილეობაა — ევროპაბეთმა ჩამოხსნა ქუჩაში განთავსებული რეკლამები, საიტზე კი სპეციალური შემახსენებელი მესიჯები განათავსა, რომელიც მომხმარებელს ახსენებს, თუ რამდენი დრო დაჰყო საიტზე და სურს თუ არა გაგრძელება.
ეს ყველაფერი არაა — ევროპაბეთმა მოქალაქეების მენტალურ ჯანმრთელობაზე ზრუნვა დაიწყო, რისთვისაც ცენტრში კამარა ფსიქოთერაპიის რეაბილიტაციის უფასო კურსები თამაშზე დამოკიდებულთათვის თებერვლიდან დაიწყო.
მოგვიანებით გაიხსნა ახალი ფსიქორეაბილიტაციის ცენტრი მენტალ ჰაბი, რომლის ძირითადი ბენეფიციარები ლუდომანიით დაავადებული ადამიანები იქნებიან. თუმცა, უფასო ფსიქოთერაპიულ დახმარებას ცენტრი იმ სამედიცინო პერსონალსაც გაუწევს, ვინც უკვე რამდენიმე თვეა COVID-19-ის წინააღმდეგ ბრძოლაშია ჩართული.
პასუხისმგებლიანი თამაშის 6 თვის თავზე ფსიქიკური ჯანმრთელობისთვის განხორციელებული პროექტები On.ge-სთან ევროპაბეთის მარკეტინგის დირექტორმა, ლაშა გოგუამ, კამარას ფსიქოლოგმა ელენე ბარამიძემ და ფსიქორეაბილიტაციის ცენტრის მენტალ ჰაბის დამფუძნებელმა, აკაკი ბურკაძემ შეაფასეს.
ლაშა გოგუა
ევროპაბეთის მარკეტინგის დირექტორი
ევროპაბეთის პასუხისმგებლიანი თამაშის პოლიტიკა სამ მიმართულებას მოიცავს. მოგვიყევით ამის შესახებ უფრო ვრცლად.
ევროპაბეთმა პასუხისმგებლიანი თამაშის ევროპული მოდელის დანერგვა ინდუსტრიაში 2019 წლის ბოლოდან, დეკემბერში დაიწყო რასაც საკმაოდ წარმატებით ახორციელებს. სამი მიმართულება გვაქვს — ესაა პასუხისმგებლობა ბიზნესში, პასუხისმგებლობა კომუნიკაციაში და პასუხისმგებლობა საზოგადოების მიმართ.
კოვიდის რეალობიდან გამომდინარე, უამრავი გეგმის შეცვლა და ახალ რეალობაზე მორგება მოგვიწია. ჭადრაკის ტურნირები, რომლებიც ევროპაბეთის მხარდაჭერით იმართებოდა, გადავიდა ონლაინ რეჟიმში და საკმაოდ წარმატებით გრძელდება. ჭადრაკის ფედერაციამ გამართა 20-ზე მეტი ტურნირი, ხოლო სახელფასო და საპრიზო ფონდი 15%-ით გაიზარდა. კამარამაც ონლაინ თერაპია წამოიწყო.
რომელი ქვეყნების გამოცდილებებს იზიარებთ?
ძირითადად ბრიტანეთის, სკანდინავიისა და მალტას გამოცდილებას ვიზიარებთ. ამ ქვეყნებში პასუხისმგებლიანი თამაშის პოლიტიკას დიდი ისტორია აქვს. არის საკითხები, რომლებიც ჩვენთვის ახალია, მაგალითად, პრობლემური თამაშის პრაქტიკა, რომლის ფარგლებშიც სანამ პრობლემა შეიქმნება, მანამდე ვაქცევთ ყურადღებას.
რამდენი დახარჯა ამ პოლიტიკაზე ევროპაბეთმა და რა შედეგებს ელით ამ მიმართულებით?
ჯამურად ევროპაბეთის მიერ სოციალური პასუხისმგებლობის პროექტებზე დახარჯული თანხა 2 მილიონ ლარს აღწევს. პასუხისმგებლიანი თამაშის კამპანია მომავალში კიდევ უფრო მასშტაბურად გაგრძელდება და გარე რეკლამაში დაზოგილი თანხა კვლავ სპორტის განვითარებას, ცხოვრების ჯანსაღი წესის ხელშეწყობასა და სხვა მნიშვნელოვანი სოციალური საკითხების მოგვარებას მოხმარდება. პროექტების ანგარიში კი ყოველი კვარტალის ბოლოს შეგიძლიათ Responsible.ge-ზე იხილოთ.
თქვენი კამპანია ბევრად ადრე დაიწყო. პანდემიამ ხელი ხომ არ შეუშალა ევროპაბეთს გეგმების განხორციელებაში?
კორონავირუსმა, როგორც ყველას, ისე ჩვენც ხელი შეგვიშალა. დაგეგმილი გვქონდა ბევრი აქტივობა. ეს პოლიტიკა მოიცავს სპორტული ცხოვრებისა და ზოგადად სპორტის წახალისებას, თუმცა, ამ მიმართულებით აკრძალულია ღონისძიებები და თავშეყრა. თუმცა, ნაწილის ადაპტირება შევძელით, მაგალითად ჭადრაკის ტურნირები, კამარას თერაპიის კურსები ონლაინ გადავიტანეთ და მოვერგეთ ამ რეალობას.
რა პროექტებს ახორციელებთ მენტალური ჯანმრთელობის მიმართულებით და რას გეგმავთ მომავალში?
ლუდომანებისთვის თერაპია ევროპაბეთმა ხელმისაწვდომი გახადა. ჩვენთან ერთი კლინიკა იყო — კამარა, რომელიც ამ მიმართულებით კურსებს აკეთებდა და ხელმისაწვდომი არ იყო ყველასთვის, მაგრამ, ამ განცხადების შემდეგ, მოთხოვნა გაიზარდა და გადავწყვიტეთ, სხვა ცენტრებიც წაგვეხალისებინა, რომ ეს სერვისი დაენერგათ.
ამისთვის შეიქმნა მენტალ ჰაბი, სადაც პაციენტი ასევე უფასოდ იღებს ამ ტიპის თერაპიას.
მენტალური ჯანმრთელობის მიმართულებით ერთი საინტერესო პროექტია, რომელიც დაგეგმილი არ იყო, ახლახან წამოვიწყეთ და ვახორციელებთ ერთობლივად. ესაა რეაბილიტაციის და თერაპიის კურსები უშუალოდ იმ მედპერსონალისთვის, რომელიც ჩართული იყო COVID-19-თან ბრძოლაში. ამ ხალხმა სერიოზული რამ გადალახა და მნიშვნელოვანია, რომ მცირედი დახმარების გაწევა მათთვის ჩვენც შეგვიძლია.
ელენე ბარამიძე
კამარას ფსიქოლოგი
საზოგადოების რეაქცია კამარას და ევროპაბეთის საერთო პროგრამაზე, თავდაპირველად, ორაზროვანი იყო. როგორ გაგრძელდა პროექტი და შეძელით თუ არა ნდობის მოპოვება?
ვფიქრობ, შევძელით საზოგადოების ნდობის მოპოვება, რადგან ნათელი გახდა რომ სასარგებლო საქმეს ვემსახურებით. ლუდომანია ჩვენი საზოგადოების აქტუალური პრობლემაა და სწორედ ევროპაბეთის პასუხისმგებლიანი თამაშის ფარგლებში ამ პრობლემასთან აქტიურად ბრძოლის საშუალება გვეძლევა.
როდის დაიწყეთ კურსები და რამდენი ბენეფიციარი გყავთ? რა სიხშირით იზრდება მათი რიცხვი?
ჯგუფური ფსიქოთერაპიის ინტენსიურ კურსი 2020 წლის თებერვალში დავიწყეთ და დღემდე წარმატებით მიმდინარეობს.
კურსზე 2 დღეში დარეგისტრირდა 40-ზე მეტი ადამიანი. ამ დროის განმავლობაში ჩატარდა ფსიქოთერაპიის 5 760 საათი.
ოთხი თერაპევტი ვმუშაობთ, შესაბამისად თითო ჯგუფს კვირაში ოთხი სეანსი უტარდება. პროგრამის დაწყებიდან დღემდე დაახლოებით 80 ბენეფიციარია ჩაწერილი. ზოგიერთმა მათგანმა უკვე დატოვა ჯგუფი, რადგან სასურველ შედეგს მიაღწია, ზოგიც კი მოგვიანებით შემოუერთდა პროცესს. თვეში შეიძლება დაახლოებით 5-დან 10-მდე ახალი ბენეფიციარი გვემატებოდეს.
მკურნალობის რა გზებს მიმართავთ?
ვმუშაობთ თერაპიის ინტეგრირებული ამერიკული მეთოდით. თერაპიის სქემა შეკრულია პროგრამულად და ის მოიცავს გეშტალთერაპიას, არტ-თერაპიას, კოგნიტურ-ბიჰევიორქლურ თერაპიასა და ფსიქოანალიტიკურ მიდგომას.
აკაკი ბურკაძე
ფსიქორეაბილიტაციის ცენტრის მენტალ ჰაბის დამფუძნებელი
ცოტა ხნის წინ ვრცლად გვესაუბრეთ ფსიქიკური ჯანმრთელობის მნიშვნელობაზე კორონავირუსის დროს. მოგვიყევით, როგორ აგრძელებს მენტალ ჰაბი ფუნქციონირებას?
მენტალ ჰაბი წარმატებით აგრძელებს ფუნქციონირებას. პირველ ეტაპზე, როგორც დაგპირდით, ორი პროგრამა გამოვაცხადეთ — ლუდომანების რეაბილიტაციისთვის და COVID-19 თან მებრძოლი სამედიცინო პერსონალის მხარდაჭერისთვის. ბენეფიციარებთან მუშაობა, პროგრამების გამოცხადებიდან, მალევე დავიწყეთ. განაცხადები კი ყოველ დღე გვემატება. ეს ტენდენცია გვაფიქრებინებს, რომ მენტალ ჰაბი უკვე წარმოადგენს სივრცეს გარდაქმნებისთვის და საზოგადოებრივი ცვლილებების გამოწვევაში მნიშვნელოვან წვლილს შეიტანს.
მსურს ხაზი გავუსვა იმასაც, რომ ეტაპობრივად სხვადასხვა სიახლეს შევთავაზებთ საზოგადოებას. ჩვენი გუნდი აგრძელებს მუშაობას ახალ პროგრამებზე, რომელთაც მალე დავაანონსებთ. უახლოეს მომავალში დავიწყებთ ცნობიერების ამაღლების კამპანიასაც. ჩვენი ორგანიზაციის ბაზაზე გაიმართება სალექციო კურსები, რომლებიც საინტერესო აქტივობებით იქნება დატვირთული.
რამდენი ბენეფიციარი ჰყავს ახლა მენტალ ჰაბს? მათ შორის, რამდენი ლუდომანი და რამდენი COVID-19-თან ბრძოლაში ჩართული ექიმია?
ამ ეტაპზე ლუდომანების პროგრამაში 15 ბენეფიციარია ჩართული, რომელთანაც უკვე დავიწყეთ მუშაობა. გარდა ამისა, დაჯავშნილია ადგილები, მათთვის ვინც ქალაქიდან არის გასული და უახლოეს პერიოდში ჩაერთვება პროგრამაში. რაც შეეხება სამედიცინო პერსონალის მხარდაჭერის პროგრამას, განაცხადები ძირითადად პირადი მომართვების საფუძველზე მივიღეთ და მუშაობის ინტენსივობის და მეთოდოლოგიის შეთანხმების პროცესში ვართ. ადრეც აღვნიშნე, რომ ჩვენი გუნდის მთავარი პრინციპი ჯანდაცვის თანამედროვე სტანდარტის დაცვაა, რისთვისაც პაციენტზე/კლიენტზე ორიენტირებულ მიდგომას ვთავაზობთ პროგრამებში ჩართულ ყველა პირს. ეს ერთი მხრივ, ახალისებს ბენეფიციართა უფლებებს და ზრდის მომსახურების ხარისხს, მეორე მხრივ კი დამატებით დროს მოითხოვს ჩვენგან.
როგორ განსხვავდება მათი მკურნალობის გზები და რა მთავარ გამოწვევებს აწყდებით?
ბენეფიციარებთან მუშაობის მეთოდებს პროგრამების მიხედვით ვერ დავყოფდი. ეს ინდივიდუალური შეთანხმების საგანია, თუმცა შეიძლება გამოიყოს საერთო ასპექტიც: მულტიდისციპლინურობა. მსგავსი მიდგომა სხვადასხვა პერსპექტივის ჩართვის შესაძლებლობას იძლევა და ეფექტურ შედეგზე გავყავართ.
რაც შეეხება გამოწვევებს, ჩვენთვის მთავარი ბარიერი სოციალური სტიგმაა. პირველი კითხვა, რომელსაც ბენეფიციარები გვისვამენ ანონიმურობის შენარჩუნებას უკავშირდება.
ამ დროს, ვხედავთ ორ ტენდენციას. ერთი მხრივ, ამ ადამიანებმა შეძლეს ნაბიჯის გადადგმა და ჩვენამდე მოსვლა. თუმცა, მეორე მხრივ, საზოგადოებაში არიან ისეთი პირები, რომელთაც სურთ ფსიქოლოგიური დახმარების მიღება, მაგრამ სოციალური სტიგმის გავლენით თავს იკავებენ. ყველას ვურჩევდი საკუთარ ჯანმრთელობაზე და ცხოვრების ხარისხზე ზრუნვას. დროულ მომართვიანობას შეუძლია შედეგებზე მარტივად გაგვიყვანოს, დაგვიანებული მომართვის დროს კი ორჯერ და სამჯერ მეტ დროს ვკარგავთ და შედეგის ეფექტურობაზეც ვერ ვახდენთ გავლენას, რიგ შემთხვევებში.
რამდენად დიდი იყო მომართვიანობა და როგორ შეარჩიეთ ბენეფიციარები?
მომართვიანობა დაანონსებიდან მეორე დღესვე დაიწყო და განაცხადებს უწყვეტ რეჟიმში, ამ დრომდე, ვიღებთ. თუმცა, დაკვირვებამ გვაჩვენა, რომ პოტენციურ ბენეფიციარებზე მეტად, ახლობლები აქტიურობენ. მათ დიდ ნაწილს სურს თამაშდამოკიდებული პირების მოყვანა. ჩვენ ვცდილობთ კომუნიკაციის სწორად წარმართვას და იმის ახსნას, რომ შედეგი კორელაციაშია არა ახლობლების ინიციატივასთან, არამედ უშუალოდ ინდივიდის სურვილთან და მონდომებასთან. შერჩევა სწორედ ამ ნიშნით ხდება. ამ ეტაპზე ადგილების პრობლემა არ გვაქვს და ჩვენი რესურსი საკმარისია იმისათვის, რომ დიდ ნაკადს გავუმკლავდეთ.
პასუხისმგებლიანი თამაშის პოლიტიკის ფარგლებში ევროპაბეთმა არამხოლოდ მენტალური ჯანმრთელობის ხელშეწყობისთვის პროგრამების განხორციელება დაიწყო, არამედ უკვე 8 თვეა, უარს ამბობს გარე რეკლამის განთავსებაზეც. გარდა ამისა, ევროპაბეთი აქტიურად მუშაობს, რომ ინტერნეტ რეკლამა ასაკობრივი შეზღუდვით გამოვიდეს და მხოლოდ და მხოლოდ მიზნობრივი აუდიტორია დაფაროს. საიტზე დამატებული ერთ-ერთი ინსტრუმენტი, "დროის კონტროლი" კი მოთამაშეს აცნობებს, რამდენი ხანი დაჰყო საიტზე და სურს თუ არა თამაშის გაგრძელება — ეს მესიჯი მას რეალობაში აბრუნებს და ახსენებს, რომ თამაში მხოლოდ სიამოვნებისთვისაა.
-
გადახედვაო'ბრაიენი: თუ საქართველოს ხელისუფლება ე.წ. რუსულ კანონს მიიღებს, ვითარება ჩვენთვის ნათელი გახდება [ინტერვიუ] ო'ბრაიენი: თუ საქართველოს ხელისუფლება ე.წ. რუსულ კანონს მიიღებს, ვითარება ჩვენთვის ნათელი გახდება [ინტერვიუ]
-
გადახედვარუსეთმა ვოლოდიმირ ზელენსკი ძებნილად გამოაცხადა რუსეთმა ვოლოდიმირ ზელენსკი ძებნილად გამოაცხადა
-
გადახედვასალომე ზურაბიშვილი ელჩებს: დაძაბულ ვითარებაში ვართ... ჩემი თხოვნაა, განხორციელდეს მაღალი დონის ვიზიტები მაისის ბოლომდე სალომე ზურაბიშვილი ელჩებს: დაძაბულ ვითარებაში ვართ... ჩემი თხოვნაა, განხორციელდეს მაღალი დონის ვიზიტები მაისის ბოლომდე
-
გადახედვააზერბაიჯანში დაკავებულ მედია ადვოკატს და ტელეკომპანიის დამფუძნებელს, არ აძლევენ საშუალებას, სასწრაფო ბიოფსია ჩაიტაროს აზერბაიჯანში დაკავებულ მედია ადვოკატს და ტელეკომპანიის დამფუძნებელს, არ აძლევენ საშუალებას, სასწრაფო ბიოფსია ჩაიტაროს
-
გადახედვადერეკ შოლე: მრავალწლიანი პარტნიორობის შემდეგ, ვწუხვართ, რომ საქართველოს ევროატლანტიკური მისწრაფებები სასწორზე დევს დერეკ შოლე: მრავალწლიანი პარტნიორობის შემდეგ, ვწუხვართ, რომ საქართველოს ევროატლანტიკური მისწრაფებები სასწორზე დევს
-
გადახედვააქცია ქართული ოცნების ოფისთან — სანაპირო გადაკეტილია აქცია ქართული ოცნების ოფისთან — სანაპირო გადაკეტილია
-
გადახედვაქართველი სტარტაპერები რუსული კანონის წინააღმდეგ ერთობლივ განცხადებას ავრცელებენ ქართველი სტარტაპერები რუსული კანონის წინააღმდეგ ერთობლივ განცხადებას ავრცელებენ
-
გადახედვასასტუმრო პარაგრაფთან აქციის მონაწილე დააკავეს სასტუმრო პარაგრაფთან აქციის მონაწილე დააკავეს
-
გადახედვაპრეზიდენტმა ე.წ ოფშორების კანონს ვეტო დაადო პრეზიდენტმა ე.წ ოფშორების კანონს ვეტო დაადო
-
გადახედვაკლუბი KHIDI: ვაუქმებთ 3 და 4 მაისის ივენთებს. არა რუსულ კანონს! შევხვდებით რუსთაველზე! კლუბი KHIDI: ვაუქმებთ 3 და 4 მაისის ივენთებს. არა რუსულ კანონს! შევხვდებით რუსთაველზე!
-
გადახედვასაქართველოს რეიტინგი, პრესის თავისუფლების მსოფლიო ინდექსში, 26 ადგილით დაეცა საქართველოს რეიტინგი, პრესის თავისუფლების მსოფლიო ინდექსში, 26 ადგილით დაეცა
-
გადახედვაჟურნალისტური ეთიკის ქარტიის განცხადება კახა კალაძის მიერ, ჟურნალისტის შეურაცხყოფის ფაქტზე ჟურნალისტური ეთიკის ქარტიის განცხადება კახა კალაძის მიერ, ჟურნალისტის შეურაცხყოფის ფაქტზე
-
გადახედვადღეს, კობახიძემ, ამ ქვეყნის ისტორიაში უპრეცედენტო და უდიდესი თავდასხმა განახორციელა აშშ-ზე — გრიგოლ გეგელია დღეს, კობახიძემ, ამ ქვეყნის ისტორიაში უპრეცედენტო და უდიდესი თავდასხმა განახორციელა აშშ-ზე — გრიგოლ გეგელია
-
გადახედვარა უნდა ვიცოდეთ დღევანდელ პროტესტზე, რომელიც 18:30-ზე დაიწყება სასტუმრო პარაგრაფთან, თავისუფლების მოედანზე რა უნდა ვიცოდეთ დღევანდელ პროტესტზე, რომელიც 18:30-ზე დაიწყება სასტუმრო პარაგრაფთან, თავისუფლების მოედანზე
-
გადახედვაკალაძე სპორტსმენებზე, რომელმაც ხელისუფლების ძალადობა დაგმეს: "მეც ვუერთდები "არა რუსულ კანონს", ამ სუფთა ქართულ კანონს კი აუცილებლად მივიღებთ" კალაძე სპორტსმენებზე, რომელმაც ხელისუფლების ძალადობა დაგმეს: "მეც ვუერთდები "არა რუსულ კანონს", ამ სუფთა ქართულ კანონს კი აუცილებლად მივიღებთ"
-
გადახედვამინდა, მივმართო ჩვენი ქვეყნის აკრედიტებულ ელჩებს მეგობარ ქვეყნებში... საკითხი ეხება ჩვენი ქვეყნის მომავალს! — მამუკა ხაზარაძე მინდა, მივმართო ჩვენი ქვეყნის აკრედიტებულ ელჩებს მეგობარ ქვეყნებში... საკითხი ეხება ჩვენი ქვეყნის მომავალს! — მამუკა ხაზარაძე
-
გადახედვაპოლიციის უმოქმედობა აქციის მონაწილეებზე ძალადობას ახალისებს — DRI პოლიციის უმოქმედობა აქციის მონაწილეებზე ძალადობას ახალისებს — DRI
-
გადახედვაპარლამენტში 3 და 4 მაისს უსაფრთხოების ყვითელი დონე იმოქმედებს — ვიზიტორებს ეზღუდებათ პარლამენტის სასახლეში შესვლა პარლამენტში 3 და 4 მაისს უსაფრთხოების ყვითელი დონე იმოქმედებს — ვიზიტორებს ეზღუდებათ პარლამენტის სასახლეში შესვლა
-
გადახედვა11 მაისს, ევროპის დღეს, რუსული კანონის საწინააღმდეგო მანიფესტაცია დაანონსდა 11 მაისს, ევროპის დღეს, რუსული კანონის საწინააღმდეგო მანიფესტაცია დაანონსდა
-
გადახედვაცირკთან აქციის მონაწილეებს, უცნობი პირები, ფიზიკურად გაუსწორდნენ ცირკთან აქციის მონაწილეებს, უცნობი პირები, ფიზიკურად გაუსწორდნენ
-
გადახედვასაფრანგეთში მცხოვრები ქართველი სტუდენტები რუსული კანონის გაწვევას მოითხოვენ და აქციის მონაწილეებზე ძალადობას გმობენ საფრანგეთში მცხოვრები ქართველი სტუდენტები რუსული კანონის გაწვევას მოითხოვენ და აქციის მონაწილეებზე ძალადობას გმობენ
კომენტარები