როგორ ემზადება ვენეცია 10-დღიანი კინოფესტივალის სამასპინძლოდ
კინოჩვენებები ფიზიკური დისტანციის დაცვით, აუდიტორიისთვის სავალდებულო თერმოსკრინინგი და ნიღბის ტარება — ვენეციის კინოფესტივალის ორგანიზატორების გადაწყვეტილებით, ეს ყველაფერი ერთ-ერთ ყველაზე გლამურულ ღონისძიებას წელს განსხვავებულ ელფერს შესძენს.
ივლისში ცნობილი გახდა, რომ ვენეციის ბიენალე პირველი კინოფესტივალი იქნებოდა, რომელიც კორონავირუსის პანდემიის შემდეგ ფიზიკურ სივრცეში გაიმართებოდა, თუმცა ევროპის კონტინენტზე COVID-19-ის შემთხვევების მატების შემდეგ უსაფრთხოების დამატებითი ზომების მიღება გახდა საჭირო.
ზაფხულის დასაწყისში შეზღუდვების შემსუბუქების შემდეგ, ევროპის თითქმის ყველა ქვეყანაში დაავადების დადასტურებულმა შემთხვევებმა იმატა, ამიტომ კინოფესტივალის ორგანიზატორებმა გადაწყვიტეს, რომ სტუმრები ღონისძიებას მკაცრი შეზღუდვებით დაესწრებიან, რათა დაინფიცირების რისკი მინიმუმამდე შემცირდეს.
ღონისძიებამდე მომავალ სტუმრებს უკვე გაეგზავნათ წესები, რომელთა დაცვაც მათ ფესტივალის მიმდინარეობისას მოუწევთ. წესებში აღნიშნულია, რომ ტერიტორიაზე შესვლამდე მათ თერმოსკრინინგის გავლა მოუწევთ და ნებისმიერი, ვისი სხეულის ტემპერატურაც 37,5°C-ზე მეტი იქნება, დასწრებას ვერ შეძლებს.
წესების მიხედვით, სავალდებულოა სახის მუდმივი დაფარვაც, მათ შორის ღია სივრცეშიც. ჯერჯერობით, უცნობია, როგორ უზრუნველყოფენ ორგანიზატორები ამ წესის შესრულებას და ექნება თუ არა დალევის ან ჭამის შესაძლებლობა აუდიტორიას ჩვენების პარალელურად.
ეჭვს იწვევს ისიც, რა მოხდება მაშინ, თუ სტუმრებიდან რომელიმეს დაავადების ასიმპტომური მიმდინარეობა ექნება და კორონავირუსი მოგვიანებით დაუდასტურდება. თუმცა, ორგანიზატორების თქმით, არსებობს სისტემა, რითაც დამსწრე ადამიანების უსაფრთხოებას უზრუნველყოფენ. მათივე თქმით, ნებისმიერ ვიზიტორს, რომელიც შენგენის ზონის მიღმა ქვეყნიდან ჩავა ვენეციაში, მოუწევს ორჯერ გაიაროს ტესტირება — ერთხელ გამგზავრებამდე და მეორედ უკვე ქვეყანაში ჩასვლისას.
თუმცა, რიგით 77-ე ვენეციის კინოფესტივალს მაინც არაერთი შიში უკავშირდება, რისი საფუძველიც იანვარში გამართული სანდენსის ფესტივალია. ამ ღონისძიებას "კორონავირუსის ინკუბატორი" უწოდეს, რადგან სწორედ პანდემიას უძღოდა წინ. ამჯერად, შეზღუდვების შემსუბუქების შემდეგ ვენეცია ერთადერთი კინოფესტივალია ამ სეზონზე, რომელიც ვირტუალურად არ გაიმართება.
გაზაფხულზე, როცა კონტინენტს ვირუსის პირველი ტალღა დაატყდა თავს, კანის კინოფესტივალი ვირტუალურად გაიმართა. თუმცა, ვენეციის ბიენალეს ორგანიზატორებმა უარი თქვეს, გაეუქმებინათ, გადაედოთ ან ფორმატი შეეცვალათ ღონისძიებისთვის. მათი თქმით, ნაცვლად ამისა, ფიზიკურ სივრცეში გამართული ფესტივალი ერთგვარი იმედის ნაპერწკალია, მაშინ, როცა კინოინდუსტრიას განსაკუთრებით უჭირს პანდემიის პერიოდში.
მიუხედავად ღონისძიების გაუქმებისა, კანის კინოფესტივალის და კიდევ 7 სხვა ღონისძიების დირექტორი ვენეციის ბიენალეს გახსნის საღამოზე წარდგებიან, რათა "გამოხატონ კინოხელოვნების მნიშვნელობა და სოლიდარობა კინოინდუსტრიისადმი, რომელსაც დიდი ზიანი მიაყენა პანდემიამ".
რას ველით წლევანდელ დაჯილდოებაზე
ვენეციის კინოფესტივალმა ერთგვარი წარმატების ტრამპლინის რეპუტაცია მოიპოვა ბოლო წლებში. ამ პერიოდში მისი დირექტორი ალბერტო ბარბერა იყო, რომელიც წელს ბოლოჯერ უხელმძღვანელებს ღონისძიებას. მაგალითისთვის, გასულ წელს რვაწუთიანი ოვაცია დაიმსახურა ჯოკერმა, მიღებული ოქროს ლომის შემდეგ კი ხოაკინ ფინექსის წარმატებული სეზონი დაიწყო, რომელიც ოსკარით დაგვირგვინდა.
თუმცა, გასული წლებისგან განსხვავებით, წლეულს დიდი სახელების ნაკლებობაა, რადგან კინოსტუდიების უმეტესობამ თავის არიდება არჩია. ამასთან, გადაიდო სხვა მნიშვნელოვანი ღონისძიებებიც — ოსკარის და ბრიტანული კინოაკადემიის დაჯილდოების ცერემონია ორი თვით გვიან, 2021 წლის აპრილში გაიმართება. ამის გამო, კინოსტუდიების დიდ ნაწილს მოუხდა, დაჯილდოებების სეზონისთვის ახალი სტრატეგიები მოეფიქრებინათ და მათი გადაწყვეტილებით, ისინი ფესტივალების ნაწილზე არ გამოჩნდებიან.
წლევანდელი ფესტივალის გამორჩეული მომენტები მოიცავს ტილდა სუინტონის გამოჩენასაც, რომელიც კარიერაში მიღწეული განსაკუთრებული წარმატებისთვის მიიღებს ჯილდოს. სუინტონი აგრეთვე მონაწილეობს პედრო ალმოვოდარის 30-წუთიან კინონამუშევარში ადამიანის ხმა.
The Crown-ის ვარსკვლავი ვანესა კირბი ფესტივალზე ორი ფილმითაა წარმოდგენილი — მონა ფასტვოლდის The World to Come და კორნელ მუნდრუცოს Pieces of a Woman, რომელშიც შაია ლაბაფიც მონაწილეობს.
ფესტივალზე წარმოდგენილი იქნება რეჯინა კინგის სადებიუტო ნამუშევარი Once Night in Miami, ალექს გიბნის დოკუმენტური ფილმი სერიულ მკვლელებზე — Crazy, not Insane და ლუკა გუადანინოს სალვატორე: ოცნებების ფეხსაცმლის შემქმნელი, რომელიც იტალიელ დიზაინერ სალვატორე ფერაგამოს ცხოვრების ისტორიას შეეხება.
გასულ წელს კამათი გამოიწვია იმან, რომ ნომინაციებში ქალი რეჟისორების ნაკლებობა იყო — 21 ნამუშევირდან მხოლოდ ორის რეჟისორი იყო ქალი. თუმცა, წელს ამ მხრივ სიტუაცია ბევრად გაუმჯობესებულია — 18 ფილმიდან რვა ქალი რეჟისორის გადაღებულია, მათ შორისაა ქლოი ჩჟაოს ფილმი Nomadland, სადაც მთავარ როლს ფრანსის მაკდორმანდი ასრულებს.
2020 წლის ვენეციის კინოფესტივალის ჟიურის თავჯდომარე ქეით ბლანშეტი იქნება, ღონისძიება კი 2 სექტემბერს იწყება და 10 დღის განმავლობაში გაგრძელდება.
-
გადახედვაპარლამენტთან დაძაბულობაა, პოლიციას მშვიდობიანი დემონსტრანტები ძალით გაჰყავს პარლამენტთან დაძაბულობაა, პოლიციას მშვიდობიანი დემონსტრანტები ძალით გაჰყავს
-
გადახედვაპარლამენტთან მიმდინარე პროტესტთან დაკავშირებით შსს განცხადებას ავრცელებს პარლამენტთან მიმდინარე პროტესტთან დაკავშირებით შსს განცხადებას ავრცელებს
-
გადახედვაპარლამენტმა ცესკოს თავმჯდომარე 5 წლის ვადით აირჩია პარლამენტმა ცესკოს თავმჯდომარე 5 წლის ვადით აირჩია
-
-
გადახედვარამდენად ჭკვიანები იყვნენ ტირანოზავრები — კვლევა რამდენად ჭკვიანები იყვნენ ტირანოზავრები — კვლევა
-
გადახედვაახალი კვლევის თანახმად, ემოციური აღგზნებისას ქათმებიც წითლდებიან ახალი კვლევის თანახმად, ემოციური აღგზნებისას ქათმებიც წითლდებიან
-
-
-
გადახედვა1-ელ მაისს საქართველოში ჩამოვა ევროკომისიის გენერალური დირექტორი გაფართოების შესახებ მოლაპარაკების საკითხებში 1-ელ მაისს საქართველოში ჩამოვა ევროკომისიის გენერალური დირექტორი გაფართოების შესახებ მოლაპარაკების საკითხებში
-
გადახედვანახეთ: ვების ტელესკოპმა ცხენის თავის ნისლეულის გასაოცარი სურათები გადაიღო ნახეთ: ვების ტელესკოპმა ცხენის თავის ნისლეულის გასაოცარი სურათები გადაიღო
-
გადახედვაბიძინა ივანიშვილის მიერ დაფუძნებული უნივერსიტეტის სტუდენტები რუსული კანონის წინააღმდეგ მარშს გამართავენ ბიძინა ივანიშვილის მიერ დაფუძნებული უნივერსიტეტის სტუდენტები რუსული კანონის წინააღმდეგ მარშს გამართავენ
-
გადახედვა5 წელია, ფხიზელი ვარ — ენ ჰეთეუეი 5 წელია, ფხიზელი ვარ — ენ ჰეთეუეი
-
გადახედვასასამართლო სისტემა — ბერკეტები და გამოწვევები ქალთა და ოჯახში ძალადობის საქმეებზე სასამართლო სისტემა — ბერკეტები და გამოწვევები ქალთა და ოჯახში ძალადობის საქმეებზე
-
გადახედვამთავრობამ უქმე დღეებად გამოაცხადა 7, 8 და 10 მაისი მთავრობამ უქმე დღეებად გამოაცხადა 7, 8 და 10 მაისი
-
გადახედვარატომ ვერ ვირჩევთ მოსამართლეებს რატომ ვერ ვირჩევთ მოსამართლეებს
-
გადახედვარუსული კანონის მხარდამჭერი ბიზნესმენების სია: კავშირები მთავრობასთან, შემოწირულება და კორუფციული ბრალდებები რუსული კანონის მხარდამჭერი ბიზნესმენების სია: კავშირები მთავრობასთან, შემოწირულება და კორუფციული ბრალდებები
-
გადახედვაპუტინისტურ "ხალხის ძალას" კი არა, ლუკაშენკოსა და ლავროვსაც კი გადაასწრო ივანიშვილმა გუშინდელი განცხადებებით — გოცირიძე პუტინისტურ "ხალხის ძალას" კი არა, ლუკაშენკოსა და ლავროვსაც კი გადაასწრო ივანიშვილმა გუშინდელი განცხადებებით — გოცირიძე
-
გადახედვარომელი ფრინველი დაფრინავს ყველაზე მაღლა რომელი ფრინველი დაფრინავს ყველაზე მაღლა
-
გადახედვაპარლამენტთან, რუსული კანონის მეორე მოსმენის გასაპროტესტებლად, 19:00 საათზე აქცია გაიმართება პარლამენტთან, რუსული კანონის მეორე მოსმენის გასაპროტესტებლად, 19:00 საათზე აქცია გაიმართება
-
-
გადახედვადღეს პარლამენტი პლენარულ სხდომაზე რუსულ კანონს მეორე მოსმენით უყრის კენჭს დღეს პარლამენტი პლენარულ სხდომაზე რუსულ კანონს მეორე მოსმენით უყრის კენჭს
კომენტარები