მეუფე სპირიდონმა ჰომოფობიური, ტრანსფობიური განცხადება გააკეთა და ომბუდსმენსა და მედიას შეურაცხყოფა მიაყენა
სხალთის ეპისკოპოსი სპირიდონი ჰომოფობიურ, ტრანსფობიურ განცხადებას აკეთებს და შეურაცხყოფას აყენებს როგორც სახალხო დამცველს, ასევე, მედიას.
მისი უკმაყოფილება ნინოწმინდის პანსიონთან დაკავშირებით სახალხო დამცველის, არასამთავრობო ორგანიზაციებისა და მედიის კრიტიკამ გამოიწვია, რომლის მიზეზიც, სპირიდონის დავალებით, დაწესებულებაში ომბუდსმენის წარმომადგენლის არშეშვებაა.
"შენ კაცი და ქალი ვერ გაგირჩევია ერთმანეთში, პიდარასტი და ვაჟკაცი კაცი ვერ გაგირჩევია ერთმანეთში და ერთ სიბრტყეზე აყენებ ჰომოსექსუალისტებს, კაცს... საჯარო რეესტრში გაატარე კაცი, რომელმაც ოპერაცია გაიკეთა, ქალი გახდა და ჩაუწერე შიგნით და შენ ითხოვ, უნდა შეგამოწმოო? ვინ უნდა შეამოწმო, შე ბრმა, შე ყრუ, როგორ გითხრა ახლა შენ რა, რომელიც აი, ელემენტარულ რამეს, კაცს და ქალს ვერ ასხვავებ ერთმანეთისგან, შენ ვინ უნდა შეამოწმო, კაცო. ბრმა ბრმას წინ წარუძღვეს, ორივე მთხრებელში ჩავარდებაო. ვინ უნდა შეამოწმო შენ, შენი თავის ვერ გაგიგია, კაცი ხარ თუ ქალი ხარ, ის ვერ გაგიგია. შენ ვინ უნდა შეამოწმო, კაცო?! მაგრამ დავალებული გაქვს ეს, შენი ძმაკაცებისგან საზღვარგარეთიდან, იქ გაერო...", — განაცხადა მან 14 მაისს, ქადაგების დროს და დასძინა, რომ "ლომჯარიას ჭკუაზე რომ ივლის ქართველი კაცი, დაიღუპება".
სპირიდონის აზრით, ის, რომ ბავშვთა პანსიონს "უჩივლეს", სასაცილოა, "სატირალი რომ არ იყოს". მან გაეროს გენერალური მდივანი ტრანსფობიური მიზეზით გააკრიტიკა და დასძინა, რომ "ანტიქრისტე მოჰყავთ, ეშმაკი მოჰყავთ და უნდათ აკურთხონ იარუსალიმში", თუმცა, სხალთელი ეპისკოპოსის მტკიცებით, საქართველოში ის ტახტს ვერ დაიდგამს. მისი თქმით, საქართველო არის "ქრისტეს სატახტო" ქვეყანა და მთელი შემოტევა საქართველოს წინააღმდეგ არის მიმართული.
ამავე ქადაგებაში სასულიერო პირმა არასამთავრობო ორგანიზაციებს "ვირეშმაკა" უწოდა, ხოლო ტელევიზიები მოიხსენია, როგორც "სატანის ტელევიზიები".
მან უკმაყოფილება გამოხატა იმის გამოც, რომ საზოგადოების ნაწილს კითხვები აქვს ეკლესიის ბიუჯეტიდან დაფინანსებისა და ამ თანხების განკარგვის შესახებ. სპირიდონის მტკიცებით, რადგან ეკლესიას ეს ქონება კომუნისტებმა წაართვეს, ვალი უნდა დავუბრუნოთ.
"როდესაც ქვეყანას უჭირდა, ეკლესია მშიერს აპურებდა, მწყურვალს წყალს აძლევდა და დღეს ჩვენ გვეუბნებიან, ეს 25 მილიონი რატო გაქვთო. ეს ლიბერასტები, ძალიან უხეში სიტყვა რომ არ ვიხმარო. 25 მილიონი საიდანა გაქვთ, 25 მილიონი რატო გაქვთ. ეს ვირეშმაკა ტელევიზიები, ტვ პირველი, ეს რუსთავი 2, ეს მთავარი არხი, ეს ფორმულა დღე და ღამე რომ გვლანძღავენ ეკლესიას, იმ ტოტს ჭრიან, რომელზეც ზიან და იმ ჭაში აფურთხებენ, საიდანაც წყალს სვამენ. ეს უკეთური ხალხი, უკეთური ადამიანები, რომლებსაც ქართველობის და ადამიანობის ნიშან-წყალი აღარ შერჩათ, ეკლესიას ლანძღავენ, რატომ გაქვთ 25 მილიონიო და თვითონ რამდენს იღებენ, ვეღარ ითვლიან", — ამბობს ის.
მისივე მტკიცებით, ერთ ტელევიზიას იმაზე მეტი დაფინანსება აქვს, ვიდრე ეკლესიას და 25 მილიონის გამო კრიტიკა "უსამართლობა აღარ არის, სატანიზმია უკვე".
ამასთან, სპირიდონი ამბობს, რომ ვინც ასე ლაპარაკობს, "არიან ძველი ბოლშევიკები, ლენინელები, ნორჩი ლენინელები, ნეობოლშევიკები". სასულიერო პირის მტკიცებით, ეს ეკლესიის ქონებაა და არავის საქმე არაა "ეკლესიის საქმეში ცხვირის ჩაყოფა".
"ვინ უნდა შეამოწმოს ეკლესია? წარმოიდგინეთ ახლა, ყრუ და მუნჯმა რომ თქვას, უნდა შევამოწმო, ამ კაცმა იცის თუ არა კაი ლაპარაკიო, ამ კაცმა იცის თუ არა კაი სიმღერაო. სასაცილო არ იქნება? ბრმამ რომ უთხრას, მე უნდა შეგამოწმო, სწორად მიდიხარ თუ არა და კარგად ხედავ თუ არა მოვლენებსო", — აცხადებს ის.
ამავე ქადაგებაში მეუფე სპირიდონმა კათოლიკოს-პატრიარქს ილია მეორეს დღევანდელი მსოფლიოს ნოე და მოსე უწოდა.
ამასთან, კრიტიკოსების მისამართით თქვა, რომ გველებსაც არ შეადარებს, რადგან ეს გველების შეურაცხყოფა იქნება. მისივე მტკიცებით, თუ არ "შევინანიებთ", ბოლო "სულიერი სიკვდილი" იქნება.
15 აპრილს სახალხო დამცველის წარმომადგენელი საპატრიარქოს ნინოწმინდის წმინდა ნინოს ობოლ, უპატრონო და მზრუნველობამოკლებულ ბავშვთა პანსიონში არ შეუშვეს. ომბუდსმენის აპარატში აცხადებენ, რომ ამის მიზეზად, დაწესებულების წარმომადგენელმა სხალთის მთავარეპისკოპოსის, მეუფე სპირიდონის მითითება დაასახელა. განმარტება გააკეთა თავად სპირიდონმაც და ჰომოფობიური მიზეზი დაასახელა — მისი თქმით, პანსიონში ომბუდსმენის წარმომადგენლებს იმიტომ არ უშვებს, რომ "ერთნაირსქესიანთა ქორწინების დაკანონებას ითხოვენ და ასეთებს თავის ბავშვებს საჯიჯგნად ვერ მისცემს".
ამის შემდეგ ორგანიზაციამ პარტიონორობა ადამიანის უფლებებისთვის თბილისის საქალაქო სასამართლოს მიმართა და მთავრობისგან ნინოწმინდის პანსიონში ყველა შესაბამისი უწყების მიერ მონიტორინგის ჩატარების უზრუნველყოფა მოითხოვა. სასამართლოს ეს მოთხოვნა არ დააკმაყოფილა, თუმცა დააკმაყოფილა გაერომ და შესაბამისად, მთავრობა ვალდებულია, უზრუნველყოს მონიტორინგი.
რაც შეეხება სახელმწიფოს რეაქციას, 14 მაისს, პარლამენტში, ჯანდაცვის სამინისტროს სოციალური დაცვის პოლიტიკის სამმართველოს უფროსმა, დეპუტატ დავით სერგეენკოს კითხვის პასუხად თქვა, რომ ნინოწმინდის ბავშვთა პანსიონში ბოლო ერთი თვის განმავლობაში მეურვე-მზრუნველობის ორგანო მონიტორინგს სტანდარტულად ახორციელებს.
სახალხო დამცველის ინფორმაციით, ამჟამად პანსიონში 57 არასრულწლოვანი ირიცხება, მათგან ყველაზე პატარა 5 წლისაა. ომბუდსმენი ამბობს, რომ დაწესებულებაში მონიტორინგის შესაძლებლობა არც სახელმწიფო ზრუნვის სააგენტოს სოციალურ მუშაკს ეძლევა, რომელსაც 2020 წლის ივნისის შემდეგ პანსიონში არ შესულა.
"სახალხო დამცველისადმი სააგენტოს მიერ მოწოდებულ ოფიციალურ კორესპონდენციაში აღნიშნულია, რომ მეუფე სპირიდონი პანსიონში სოციალური მუშაკის ვიზიტების წინააღმდეგია, რაც ადგილზე სოციალურმა მუშაკმაც დაადასტურა".
სახალხო დამცველი წლებია აღნიშნავს, რომ ნინოწმინდის წმინდა ნინოს ბავშვთა პანსიონში განხორციელებულმა მონიტორინგებმა ბავშვთა მიმართ ძალადობის მწვავე ფაქტები და ბავშვების დასჯის შემთხვევები გამოკვეთა. პანსიონში მცხოვრები არასრულწლოვნები, ფაქტობრივად, იზოლირებულები არიან სოციუმიდან და პრობლემურია მათი ინდივიდუალური საჭიროებების დაკმაყოფილების საკითხი.
-
გადახედვალევან ხაბეიშვილი ნაცემია — ენმ აცხადებს, რომ პარტიის ლიდერი ბიძინა ივანიშვილის პირადი დავალებით გაიტაცეს ლევან ხაბეიშვილი ნაცემია — ენმ აცხადებს, რომ პარტიის ლიდერი ბიძინა ივანიშვილის პირადი დავალებით გაიტაცეს
-
გადახედვაპრეზიდენტი: სირცხვილია ახალგაზრდობას დაუპირისპირდე, სირცხვილია, სარწმუნოებაზე რომ აპელირებ და ძალადობას ახალისებ, ვნების კვირის დროს პრეზიდენტი: სირცხვილია ახალგაზრდობას დაუპირისპირდე, სირცხვილია, სარწმუნოებაზე რომ აპელირებ და ძალადობას ახალისებ, ვნების კვირის დროს
-
გადახედვასპეცრაზმი, მშვიდობიანი აქციის მონაწილეების წინააღმდეგ, კვლავ წყლის ჭავლს და ცრემლსადენ გაზს იყენებს სპეცრაზმი, მშვიდობიანი აქციის მონაწილეების წინააღმდეგ, კვლავ წყლის ჭავლს და ცრემლსადენ გაზს იყენებს
-
გადახედვასახალხო დამცველი: აქცია მშვიდობიანი ხასიათისაა. არ არსებობს მის წინააღმდეგ ძალის გამოყენების საფუძველი სახალხო დამცველი: აქცია მშვიდობიანი ხასიათისაა. არ არსებობს მის წინააღმდეგ ძალის გამოყენების საფუძველი
-
გადახედვარუსული კანონის საწინააღმდეგო აქციის მონაწილეებმა იუსტიციის სახლთან გზა გადაკეტეს რუსული კანონის საწინააღმდეგო აქციის მონაწილეებმა იუსტიციის სახლთან გზა გადაკეტეს
-
გადახედვამოვუწოდებთ სპეციალურ საგამოძიებო სამსახურს, გამოიძიოს პოლიციელთა მიერ ჩადენილი სავარაუდო დანაშაულები — TI მოვუწოდებთ სპეციალურ საგამოძიებო სამსახურს, გამოიძიოს პოლიციელთა მიერ ჩადენილი სავარაუდო დანაშაულები — TI
-
გადახედვასპეცრაზმი მშვიდობიან მოქალაქეებს წყლის ჭავლის გამოყენებით შლის სპეცრაზმი მშვიდობიან მოქალაქეებს წყლის ჭავლის გამოყენებით შლის
-
გადახედვასახალხო დამცველი: დაუშვებელია სპეციალური საშუალებების, მათ შორის, ე.წ. წიწაკის სპრეის დამიზნებით სახეში გამოყენება სახალხო დამცველი: დაუშვებელია სპეციალური საშუალებების, მათ შორის, ე.წ. წიწაკის სპრეის დამიზნებით სახეში გამოყენება
-
გადახედვასპეცრაზმი დემონსტრანტებს დამიზნებით ესვრის გაზის კაფსულებს, მედიის ცნობით, ისროლეს რეზინის ტყვიებიც სპეცრაზმი დემონსტრანტებს დამიზნებით ესვრის გაზის კაფსულებს, მედიის ცნობით, ისროლეს რეზინის ტყვიებიც
-
გადახედვაზაზა სარალიძე: მთელი საქართველო დავდგეთ ფეხზე ამ რუსული რეჟიმის წინააღმდეგ! ზაზა სარალიძე: მთელი საქართველო დავდგეთ ფეხზე ამ რუსული რეჟიმის წინააღმდეგ!
-
გადახედვამშვიდობიანი დემონსტრანტების ძალის გამოყენებით დაშლის შემდეგ, შსს კიდევ ერთ განცხადებას ავრცელებს მშვიდობიანი დემონსტრანტების ძალის გამოყენებით დაშლის შემდეგ, შსს კიდევ ერთ განცხადებას ავრცელებს
-
გადახედვაპოლიციამ რამდენჯერმე გამოიყენა წიწაკის სპრეი პარლამენტთან, მშვიდობიანი მოქალაქეების წინააღმდეგ პოლიციამ რამდენჯერმე გამოიყენა წიწაკის სპრეი პარლამენტთან, მშვიდობიანი მოქალაქეების წინააღმდეგ
-
გადახედვაპარლამენტთან მიმდინარე პროტესტთან დაკავშირებით შსს განცხადებას ავრცელებს პარლამენტთან მიმდინარე პროტესტთან დაკავშირებით შსს განცხადებას ავრცელებს
-
გადახედვაპარლამენტმა ცესკოს თავმჯდომარე 5 წლის ვადით აირჩია პარლამენტმა ცესკოს თავმჯდომარე 5 წლის ვადით აირჩია
-
გადახედვარამდენად ჭკვიანები იყვნენ ტირანოზავრები — კვლევა რამდენად ჭკვიანები იყვნენ ტირანოზავრები — კვლევა
-
გადახედვაახალი კვლევის თანახმად, ემოციური აღგზნებისას ქათმებიც წითლდებიან ახალი კვლევის თანახმად, ემოციური აღგზნებისას ქათმებიც წითლდებიან
-
-
-
გადახედვადაიტოვე — თბილისში რუსული კანონის გაპროტესტების მსურველებს დასარჩენ ადგილს სთავაზობენ დაიტოვე — თბილისში რუსული კანონის გაპროტესტების მსურველებს დასარჩენ ადგილს სთავაზობენ
-
გადახედვა1-ელ მაისს საქართველოში ჩამოვა ევროკომისიის გენერალური დირექტორი გაფართოების შესახებ მოლაპარაკების საკითხებში 1-ელ მაისს საქართველოში ჩამოვა ევროკომისიის გენერალური დირექტორი გაფართოების შესახებ მოლაპარაკების საკითხებში
-
გადახედვანახეთ: ვების ტელესკოპმა ცხენის თავის ნისლეულის გასაოცარი სურათები გადაიღო ნახეთ: ვების ტელესკოპმა ცხენის თავის ნისლეულის გასაოცარი სურათები გადაიღო
კომენტარები