ვითარება დაძაბულია დმანისში. მედიებით გავრცელებულ კადრებში ჩანს, რომ მოქალაქეები ერთმანეთს ფიზიკურად რამდენჯერმე დაუპირისპირდნენ. ადგილზე შეკრებილია ათეულობით ადამიანი, რომლებსაც თან აქვთ ჯოხები, ბარები და სხვა ნივთები. მობილიზებულია პოლიცია და კადრში ჩანს სპეცრაზმიც.

ვრცელდება ინფორმაცია რამდენიმე პირის დაკავების შესახებ. On.ge დეტალების დაზუსტებას შინაგან საქმეთა სამინისტროსთან ცდილობს. მათ პასუხს მიღებისთანავე შემოგთავაზებთ.

16 მაისს დმანისში ახალგაზრდებს შორის კონფლიქტი იყო. როგორც მთავარი არხის მიერ გავრცელებულ კადრებში ჩანდა, ისინი ერთმანეთს ფიზიკურად დაუპირსიპირდნენ.

დმანისის მერმა, გიორგი ტატუაშვილმა On.ge-ს განუცხადა, რომ "ჩვეულებრივი ჩხუბი იყო ახალგაზრდებში". მისივე ცნობით, მომხდარზე საგამოძიებო მოქმედებები დაიწყო.