7 შეუსაბამობა გიორგი გახარიას ინტერვიუდან
11 ივლისს, ინგა გრიგოლიასთან ინტერვიუში შს მინისტრმა გიორგი გახარიამ 5-ჯერ მიმართა რეაქციის წამყვანს ირმათი, 18-ჯერ თქვა "მაცადეთ" და 39-ჯერ თქვა "შეხედეთ", თუმცა ამაზე მნიშვნელოვანი, ცხადია, გახარიას პასუხებია, მათ შორის, ის პასუხებიც, რომლებიც მანამდე გაკეთებულ განცხადებებთან ან რეალურ ფაქტებთან წინააღმდეგობაში მოდის.
მოდით, თანმიმდევრულად მივყვეთ:
1. ნიკა მელიას მიერ გავრცელებული ვიდეოს შესახებ
"ეს ვიდეო არ აჩვენებს, რომ შტურმი არ იგეგმებოდა. ეს არის ის, რაც ჩვენ მონტაჟის სახით გვანახეს"
საქართველოს პროკურატურა აცხადებს, რომ გასაჯაროებული ვიდეო ნიკა მელიას ადვოკატს თავად გადასცეს. 9-წუთიანი ვიდეო უწყვეტი კადრითაა გადაღებული. ჯამში პროკურატურამ ნიკა მელიას ადვოკატს 18-საათიანი მასალა გადასცა.
2. დაშლის წინ გაფრთხილების შესახებ
"გაფრთხილება, როგორც ასეთი, აქციის მონაწილეთა მიმართ რამოდენჯერმე იყო. იმ შემთხვევაში, როცა დაიწყო სპეციალური საშუალებების გამოყენება, გაფრთხილებას იმ პერიმეტრზე, წინა ხაზზე, არავითარი აზრი აღარ ჰქონდა. კანონმდებლობა ამას ითვალისწინებს... შინაგან საქმეთა სამინისტრომ, ქალაქის მერმა რამოდენიმეჯერ მოუწოდა მოქალაქეებს, რომ გთხოვთ, დატოვოთ აქციის... [ტერიტორია]. ეს გაფრთხილება იყო ოთხჯერ. ეს იყო ყველგან. მედიაში მე გამოვედი რამოდენიმეჯერ პირადად, რომელსაც არ ვთვლი. ჟურნალისტებთან დავდექი და ვთხოვე მოქალაქეებს"
პოლიციის შესახებ კანონის 31-ე მუხლის მე-3 პუნქტის მიხედვით, პოლიციელი ვალდებულია ფიზიკური ძალის, სპეციალური საშუალებებისა და ცეცხლსასროლი იარაღის გამოყენების შესახებ წინასწარ გააფრთხილოს პირი და მისცეს გონივრული ვადა მისი კანონიერი მოთხოვნის შესასრულებლად. შს მინისტრის განცხადებით, მოქალაქეები ინფორმირებულები იყვნენ მოგვიანებით მიღებული ზომების შესახებ. ამ განცხადებასთან წინააღმდეგობაში მოდის თბილისის მერის, კახა კალაძის კომენტარი: "პოლიციას რა უნდა გაეკეთებინა? გაჩერდით ბიჭებო, ახლა უნდა გაგაფრთხილოთ, ასე არ ხდება". ასევე პრემიერ-მინისტრის მიერ აქციის დაშლამდე 15 წუთით ადრე გაკეთებული განცხადება, რომ "რეზინის ტყვიები და სხვადასხვა ტიპის გაზი ქართული ოცნების ხელწერა არასოდეს ყოფილა და არც არასოდეს იქნება".
3. გავრილოვის ვიზიტზე ოპოზიციის რეაქციის შესახებ
"ოპოზიციამ, რომელმაც ამდენი აღშფოთება გამოთქვა, 2 თუ 3 თვით ადრე იცოდა ამ ადამიანის ვიზიტის შესახებ. ძალიან კარგად იცოდნენ, ვინ ჩამოდიოდა, რატომ და რა მიზნით.... მარტო ჩვენ კი არ ვიცოდით, ოპოზიციამაც იცოდა 3 თვის განმავლობაში და ხმა არ ამოუღიათ ამასთან დაკავშირებით"
ოპოზიცია ასამბლეის გამართვამდე რამდენიმე დღით ადრე მოითხოვდა, საქართველოს მთავრობას რეაგირება მოეხდინა რუსეთის დუმის დეპუტატების შემოსვლაზე. 17 ივნისს ევროპული საქართველოს დეპუტატმა, გიორგი კანდელაკმა განაცხადა, რომ დუმის დეპუტატების საქართველოს ტერიტორიაზე შემოსვლა არასასურველი იქნებოდა და ზიანს მიაყენებდა, როგორც ჩვენი ქვეყნის სუვერენიტეტს, ასევე, საერთაშორისო ავტორიტეტს. ნაციონალურმა მოძრაობამ საქართველოს ხელისუფლებას ასევე მიმართა, რომ დაუყოვნებლივ გაეცათ შესაბამისი განკარგულება, რომლის მიხედვითაც რუსეთის დუმის დეპუტატს სერგეი გავრილოვს საქართველოში შემოსვლის უფლება არ მიეცემოდა. მსგავსი განცხადება გააკეთა გიგა ბოკერიამაც.
4. გავრილოვის არშემოშვების იურიდიული საფუძვლების შესახებ
"ამ დელეგაციაში იყო რამდენიმე ადამიანი, რომელსაც ოკუპაციის შესახებ კანონი დარღვეული ჰქონდა, რომლებიც ჩვენ არ შემოვუშვით. გავრილოვს ოკუპაციის შესახებ კანონი დარღვეული არ ჰქონდა, სამწუხაროდ, თორემ მიზეზს ბევრს ვეძებდით. თუ ვინმეს, მათ შორის, ოპოზიციას ასეთი ემოციური დამოკიდებულება ჰქონდა, მათ შეეძლოთ ამ 2-3 თვის განმავლობაში დაეინიცირებინათ საკანონდებლო ცვლილებები ოკუპაციის შესახებ კანონში და ეთქვათ, რომ იცით რა, ვინც ხმა მისცა აფხაზეთის ან ე.წ. სამხრეთ ოსეთის დამოუკიდებლობას, ისინიც არ შემოუშვათ. ეს არ გაუკეთებიათ"
იმისთვის, რომ უცხოელს საქართველოში შემოშვებაზე უარი ეთქვას, აუცილებელი არაა, ის ოკუპაციის შესახებ კანონს არღვევდეს. უცხოელთა და მოქალაქეობის არმქონე პირთა სამართლებრივი მდგომარეობის შესახებ კანონის მე-11 მუხლის თანახმად, უცხოელს საქართველოში შემოშვებაზე უარი შესაძლოა ეთქვას, თუ საგარეო-პოლიტიკური მიზანშეწონილობიდან გამომდინარე, მიუღებელია მისი საქართველოში ყოფნა; ამავე კანონის მე-12 მუხლის თანახმად, სასაზღვრო გამშვებ პუნქტში უცხოელის შემოშვებაზე ინსპექტირებას ახდენს შსს. ამავდროულად, შსს პირის შემოშვებაზე უარის შესახებ გადაწყვეტილების მიღებისას უნდა ჰქონდეს დასკვნა, რომელშიც მითითებული იქნება არშემოშვების მიზეზი.
5. 20 ივნისს პარლამენტში ელჩების ყოფნის შესახებ
"მე ვიყავი იქ და ვუყურებდი ამას და უშუალოდ ვხედავდი ამას ყველაფერს. და რატომ ვარ ასეთი ემოციური და რატომ არ მესმის ზოგ შემთხვევაში ის, რასაც თქვენ ბრძანებთ. უშუალოდ ვხედავდი, ზოგიერთი პოლიტიკოსი, როგორ ხელმძღვანელობდა და ლიდერობდა ამ შტურმს. უშუალოდ ვხედავდი და მარტო კი არ ვიყავი. რამდენიმე ქვეყნის ელჩი იყო ჩემთან ერთად"
პირველად მესმის, რომ ვინმემ 20 ივნისს ელჩები პარლამენტში მიიყვანა — განაცხადა საგარეო უწყებამ ამ თემაზე. მოგვიანებით, საგარეო საქმეთა სამინისტროს წარმომადგენელმა ვლადიმერ კონსტანტინიდმა ახალი კომენტარი გააკეთა და თქვა, რომ საგარეო უწყებას დიპლომატები პარლამენტში არ მიუყვანია, თუმცა მათი ნაწილი საკანონმდებლო ორგანოში თავისი სურვილით მივიდა. დასტურდება, რომ 20 ივნისს გერმანიის ელჩი პარლამენტში იმყოფებოდა, თუმცა უცნობია, რა დრომდე რჩებოდა ის შენობაში. უცნობია, იმყოფებოდა თუ არა პარლამენტში რომელიმე სხვა ელჩიც.
6. ერთ-ერთი დაშავებულის, დავით გრიგორიანის შესახებ
"გრიგორიანი არის საავადმყოფოში ბლაგვი საგნით მიყენებული დაზიანებით. გრიგორიანმა როდის, სად და რა პირობებში მიიღო დაზიანება, არის გამოძიების საგანი"
გრიგორიანის მკურნალი ექიმი, ლევან ბესელია On.ge-სთან საუბრისას ამბობს, რომ შემოყვანისას მისი პაციენტი მძიმე, პრეკომატოზურ მდგომარეობაში იმყოფებოდა.
— ნატყვიარი ეტყობოდა მის თავის ქალას?
— კი.
— ანუ ტყვიები ჰქონდა მოხვედრილი?
— ტყვია არ გვინახავს, რეალურად. ტყვია, როგორც ასეთი. ნატყვიარი... დაზიანება ეტყობოდა თავის ქალას.
7. 20 ივნისს დაზარალებულთა ამჟამინდელი მდგომარეობის შესახებ
"დღეს სამედიცინო სისტემაში გვყავს მხოლოდ ორი ადამიანი, რომელთა მდგომარეობაც არის სტაბილური და პოზიტიური პროგნოზით"
საზღვარგარეთ ამჟამად მინიმუმ ოთხი დაზარალებული მკურნალობს, მათ შორის არიან მაკო გომური და გიორგი სულაშვილი, რომლებმაც 20-21 ივნისის აქციის დარბევისას ცალი თვალი დაკარგეს. ისრაელში კლინიკაში იმყოფება კიდევ ერთი დაზარალებული, რომელსაც ცალი თვალი ომში დაუზიანდა, მეორე თვალი კი - აქციის ძალის გადამეტებით დაშლისას. საქართველოში კლინიკაში რჩება დავით გრიგორიანი.
-
გადახედვა28 აპრილს აქციაზე, 23 საათისთვის, დაახლოებით 100 000 ადამიანი იყო — აგიხსნით, როგორ დავთვალეთ 28 აპრილს აქციაზე, 23 საათისთვის, დაახლოებით 100 000 ადამიანი იყო — აგიხსნით, როგორ დავთვალეთ
-
გადახედვალომჯარია მერიის განცხადებაზე: რა “არასანქცირებული” მიტინგი?! ასეთი ტერმინი მხოლოდ რუსეთს აქვს ლომჯარია მერიის განცხადებაზე: რა “არასანქცირებული” მიტინგი?! ასეთი ტერმინი მხოლოდ რუსეთს აქვს
-
გადახედვასაია: არ არსებობს მშვიდობიანი აქციის დაშლის კანონისმიერი წინაპირობა საია: არ არსებობს მშვიდობიანი აქციის დაშლის კანონისმიერი წინაპირობა
-
გადახედვაშსს კიდევ ერთ განცხადებას ავრცელებს შსს კიდევ ერთ განცხადებას ავრცელებს
-
გადახედვარუსთაველზე დაძაბულობაა — მობილიზებულია სპეცრაზმი და წყლის ჭავლის მანქანა რუსთაველზე დაძაბულობაა — მობილიზებულია სპეცრაზმი და წყლის ჭავლის მანქანა
-
გადახედვაშსს აქციასთან დაკავშირებით განცხადებას ავრცელებს შსს აქციასთან დაკავშირებით განცხადებას ავრცელებს
-
გადახედვაპარლამენტთან ვითარება დაიძაბა — აქციის მონაწილეები ცდილობენ, საქართველოსა და ევროკავშირის დროშებით სცენაზე ავიდნენ პარლამენტთან ვითარება დაიძაბა — აქციის მონაწილეები ცდილობენ, საქართველოსა და ევროკავშირის დროშებით სცენაზე ავიდნენ
-
გადახედვარუსთაველის გამზირზე მრავალრიცხოვანი მსვლელობა გრძელდება — მოქალაქეები პარლამენტის შენობას, სიმბოლურად, წრეს არტყამენ რუსთაველის გამზირზე მრავალრიცხოვანი მსვლელობა გრძელდება — მოქალაქეები პარლამენტის შენობას, სიმბოლურად, წრეს არტყამენ
-
გადახედვამშვიდობიანი აქციის მონაწილეები, რესპუბლიკის მოედნიდან, პარლამენტისკენ დაიძრნენ მშვიდობიანი აქციის მონაწილეები, რესპუბლიკის მოედნიდან, პარლამენტისკენ დაიძრნენ
-
გადახედვაპროვოკაციების თავიდან აცილების მიზნით, აუცილებელია ხვალინდელი საკომიტეტო მოსმენის გადადება — ენმ და სტრატეგია აღმაშენებელი პროვოკაციების თავიდან აცილების მიზნით, აუცილებელია ხვალინდელი საკომიტეტო მოსმენის გადადება — ენმ და სტრატეგია აღმაშენებელი
-
გადახედვაარა რუსულ კანონს! — რესპუბლიკის მოედანზე საპროტესტო აქცია მიმდინარეობს არა რუსულ კანონს! — რესპუბლიკის მოედანზე საპროტესტო აქცია მიმდინარეობს
-
გადახედვარესპუბლიკის მოედანზე რუსული კანონის საწინააღმდეგო აქციის მონაწილეები იკრიბებიან რესპუბლიკის მოედანზე რუსული კანონის საწინააღმდეგო აქციის მონაწილეები იკრიბებიან
-
გადახედვაგორგილაძის აუტანელი სიმსუბუქე: საღამოს ევროპული მარშია დაგეგმილი, ამიტომ გადაცემა დღეს არ გავა. ინტერვიუ მოიცდის, ჩვენი ქვეყნის წინაშე მდგომი გამოწვევები ვერა. გორგილაძის აუტანელი სიმსუბუქე: საღამოს ევროპული მარშია დაგეგმილი, ამიტომ გადაცემა დღეს არ გავა. ინტერვიუ მოიცდის, ჩვენი ქვეყნის წინაშე მდგომი გამოწვევები ვერა.
-
გადახედვაბრიტნი სპირსის სასამართლო პროცესი საბოლოოდ დასრულდა — ბრიტნი თავისუფალია ბრიტნი სპირსის სასამართლო პროცესი საბოლოოდ დასრულდა — ბრიტნი თავისუფალია
-
გადახედვაროგორ გავძლებთ აქ? — LOUDspeakers პოლიტიკურ პროცესებს სიმღერით ეხმაურება როგორ გავძლებთ აქ? — LOUDspeakers პოლიტიკურ პროცესებს სიმღერით ეხმაურება
-
-
გადახედვასანქციები, სავიზო შეზღუდვების გაფართოება, პირდაპირი დაფინანსების შეწყვეტა — რა წერია ამერიკელი სენატორების წერილში, რომელიც კობახიძეს გაუგზავნეს სანქციები, სავიზო შეზღუდვების გაფართოება, პირდაპირი დაფინანსების შეწყვეტა — რა წერია ამერიკელი სენატორების წერილში, რომელიც კობახიძეს გაუგზავნეს
-
გადახედვამელანომის პირველ ინდივიდუალიზებულ ვაქცინას უკვე ასობით ადამიანზე ცდიან მელანომის პირველ ინდივიდუალიზებულ ვაქცინას უკვე ასობით ადამიანზე ცდიან
-
გადახედვაყველაზე დიდი ცხოველი, რომელსაც ხმელეთზე უარსებია — პატაგოტიტანი ყველაზე დიდი ცხოველი, რომელსაც ხმელეთზე უარსებია — პატაგოტიტანი
-
გადახედვაSETI-ს მეცნიერის თქმით, არამიწიერი სიცოცხლის აღმოჩენა გარდაუვალია და ამას ჯეიმს ვების ტელესკოპით შევძლებთ SETI-ს მეცნიერის თქმით, არამიწიერი სიცოცხლის აღმოჩენა გარდაუვალია და ამას ჯეიმს ვების ტელესკოპით შევძლებთ
-
გადახედვაამომავალი ვარსკვლავები — გიორგი გიგაშვილი პრესტიჟული ევროპული პროგრამის გამარჯვებულია ამომავალი ვარსკვლავები — გიორგი გიგაშვილი პრესტიჟული ევროპული პროგრამის გამარჯვებულია
კომენტარები