ახალი ძალა თუ ქართული ოცნება 2 — რას ფიქრობენ გახარიას პოლიტიკურ მომავალზე
ყოფილი პრემიერმინისტრი გიორგი გახარია პოლიტიკიდან არ მიდის. ამის შესახებ დღეს გავიგეთ, როცა მისი გადადგომიდან ერთ თვეზე მეტი გავიდა და სამომავლო გეგმებზე პირველად, თან ბუნდოვნად ისაუბრა. გაჩნდა ვერსიები, რომ გახარია ახალი პარტიით ბრუნდება, თუმცა როგორ ურთიერთობაში იქნება ქართულ ოცნებასთან და რა მიზანი ექნება — სწორედ ესაა მთავარი კითხვები.
"პირველი, მინდა გითხრათ, რომ მიუხედავად იმისა, რომ ბევრი ჭორი დადიოდა, არსად წასვლას არ ვაპირებ. უფრო მეტიც, არც პოლიტიკიდან არ წავალ. რეალურად, გეგმებს მივყვებით, ჩვენს დღის წესრიგს, რაც მოგვცემს იმის შესაძლებლობას და საშუალებას, რომ უახლოეს პერიოდში ყველაფერი დეტალურად გაგიზიაროთ და მოგიყვეთ", — განაცხადა ყოფილმა პრემიერმინისტრმა ჟურნალისტებმა.
ტელეკამერებმა გიორგი გახარია მანქანისკენ მიმავალი დააფიქსირეს. მასთან ერთად მთავრობის ადმინისტრაციის ყოფილი ხელმძღვანელი, კახაბერ ქემოკლიძე და პარლამენტის დეპუტატი მიხეილ დაუშვილი იყვნენ.
კახაბერ ქემოკლიძეს მთავრობის ადმინისტრაციაში თანამდებობა სულ 21 დღე ეკავა და გახარიას გადადგომიდან მალევე ისიც წავიდა. რაც შეეხება მიხეილ დაუშვილს ის ქართული ოცნების მოქმედი დეპუტატია და გახარიას პრემიერობის პერიოდში ბიზნესომბუდსმენი იყო.
გახარიას სამომავლო პოლიტიკურ გეგმებთან დაკავშირებით On.ge-მ სცადა მიხეილ დაუშვილთან დაკავშირება, თუმცა მან ჩვენს ზარებს არ უპასუხა.
ქართულ ოცნებაში ყოფილი პრემიერის სავარაუდო პოლიტიკურ გააქტიურებას მიესალმებიან. ამასთან, ისინი გახარიას გამოცდილ, ქვეყანაზე მზრუნველ და პატრიოტ ადამიანად მოიხსენიებენ. მმართველი გუნდის ოპონენტების ნაწილი კი გახარიას გააქტიურებაში ბიძინა ივანიშვილის მორიგ "ტრიუკს" ხედავს.
დეპუტატ ბექა დავითულიანის განცხადებით, ყოფილი პრემიერმინისტრი თუ იმავე წარმატებით განაგრძობს ოპოზიციაში ყოფნას, ეს ქართული პოლიტიკისთვის მხოლოდ "კარგი" იქნება.
"ძალიან ბევრი ქართულ ოცნებაში მეგობრობს, ადამიანური ურთიერთობები აქვთ გიორგი გახარიასთან, ამიტომ მასთან ერთად თუ დავინახეთ, ეს იმას არ ნიშნავს, რომ არშექმნილი პოლიტიკური გუნდის წევრია", — აღნიშნა მან.
გახარიას პოლიტიკური გააქტიურების პარალელურად გაჩნდა კითხვები, ვინ შეიძლება გადავიდეს მის სამომავლო გუნდში. გეგმებთან დაკავშირებით კითხვა დაუსვეს დეპუტატ ბექა ლილუაშვილს, რომელიც ეკონომიკის საკითხებში გახარიას მრჩეველი იყო. ლილუაშვილი აღნიშნავს, რომ ყოფილი პრემიერი მისი მეგობარია და გადადგომის შემდეგ კონტაქტი ჰქონდა, თუმცა პოლიტიკური გეგმები არ განუხილავთ.
პარლამენტის ვიცე-სპიკერ გია ვოლსკის კი, რომლისთვისაც გახარია ღირსეული პრემიერი იყო, არ გაუგია, რომ ვინმეს მართველი გუნდიდან წასვლა უნდოდეს, თუმცა ასეთი სურვილის არსებობის შემთხვევაში, მისივე თანაგუნდელებისთვის "გზა ხსნილია".
"მე არ გამიგია, რომ ვინმეს ქართული ოცნებიდან წასვლა უნდა და გადანაცვლება ახალ პოლიტიკურ ჯგუფში, თუმცა გზა ხსნილი აქვთ, თუ ვინმე ასე გადაწყვეტს. ან თვითონ [გიორგი გახარია] თუ გადაწყვეტს პოლიტიკაში აქტიური იყოს. თუნდაც გუნდის შექმნასთან დაკავშირებით მას არ განუცხადებია ჯერ არაფერი", — განაცხადა ვოლსკიმ.
ლადო კახაძის თქმით, იგი, როგორც პოლიტიკური პროცესების უშუალო მონაწილე, ყოველთვის მოხარული იქნება, რომ ქვეყნის სამსახურში გამოცდილი ადამიანები ჩადგნენ. საპარლამენტო უმრავლესობის კიდევ ერთი დეპუტატი, რიმა ბერაძე კი ფიქრობს, რომ პოლიტიკაში მეტი ადამიანის და ახალი სახეების შემოსვლა მისასალმებელია.
"ამაში ვერაფერს ვერ ვხედავ ცუდს", — თქვა მან.
დეპუტატ ირაკლი მეზურნიშვილისთვის სასურველია, რომ მეტი პოლიტიკური პარტია გაჩნდეს, რადგან არსებული ოპოზიცია "ქვეყნის ინტერესებს არ პასუხობს".
გახარიას კრიტიკულ ხედვებზე ამახვილებს ყურადღებას დეპუტატი ირაკლი ზარქუა და ამბობს, რომ მისი აზრი საზოგადოებისთვის საინტერესო იქნება.
"მე მივესალმები, რაც მეტი პარტია იქნება საქართველოში, რომელიც ქართულ ინტერესებს დაიცავს მაქსიმალურად და არ გვექნება, მათ შორის მმართველ პარტიას მხოლოდ გაკოტრებულ ნაციონალურ მოძრაობასთან რაღაც ჭიდილი", — აღნიშნა ზარქუამ.
კიდევ ერთი დეპუტატი, პარტია მოქალაქეების ლიდერი, ალეკო ელისაშვილი მიიჩნევს, რომ ყოფილი პრემიერმინისტრის გიორგი გახარიას ოპოზიციაში წასვლით პოლიტიკური ცხოვრება უფრო საინტერესო იქნება:
"ის სერიოზული ფიგურა იყო. შეძლებს თუ არა ის სერიოზული ფიგურა იყოს უკვე ოპოზიციაში, ამას დრო გვაჩვენებს. მანამდე ყველაფერი უმადური ნაცრის ქექვა იქნება".
მმართველი გუნდისგან განსხვავებით ყოფილ პრემიერში "ოპოზიციას" ვერ ხედავს ევროპული საქართველოს ლიდერი, სერგი კაპანაძე. მისი თქმით, მიუხედავად იმისა, იქნება თუ არა გახარია პოლიტიკაში, მას ბევრ კითხვაზე მოუწევს პასუხის გაცემა.
"მათ შორის, 20 ივნისთან დაკავშირებით, მათ შორის, ია კერზაიას საქმესთან დაკავშირებით, მათ შორის, ანაკლიის პროექტთან დაკავშირებით. კიდევ ბევრი სხვა პრობლემაა, რომელიც მისი მმართველობის დროს ქვეყანაში გაჩნდა. ამ კითხვებს ვერ გაექცევა ნამდვილად", — ამბობს კაპანაძე.
ქართული ოცნების ყოფილი წევრისთვის, ეკა ბესელიასთვის გახარიას პოლიტიკურ გააქტიურებაში ორი მთავარი კითხვა არსებობს — ის "ივანიშვილის პროექტია" თუ "სხვისი პროექტია". TV პირველის ეთერში საუბრისას მან არც ერთი ვარიანტი არ გამორიცხა.
"მე რამდენადაც მას ვიცნობ, გამოვრიცხავდი, რომ ის დამოუკიდებლად ასეთ გადაწყვეტილებამდე მისულიყო. ვგულისხმობ იმას, რომ თუ მან შექმნა ახალი პოლიტიკური პარტია, ეს მისი ინდივიდუალური გადაწვეტილება იყოს. ამ ვერსიას ვერ ვირწმუნებდი. ვინ დგას მის უკან, ესაა მნიშვნელოვანი კითხვა და რა ამოცანა ექნება მის პოლიტიკაში ყოფნას", — აცხადებს ის.
ამასთან, ნაციონალური მოძრაობის ერთ-ერთი ლიდერი, ხატია დეკანოიძე აღნიშნავს, რომ თუ ყოფილი პრემიერი ახალ პოლიტიკურ მოძრაობას შექმნის, ეს, პირველ რიგში ქართულ ოცნებას დააზიანებს:
"ჩვეულებრივი ჩამოშლის პროცესია. ისევე, როგორც ძალიან დააზიანა გადადგომის შემდეგ ჩრდილოვანი მმართველობა. ამიტომ, მე ასე კონკრეტულად რაიმე სახის ძლიერ ძალას ნამდვილად ვერ ვხედავ მისი სახით".
გახარია სამომავლო პოლიტიკურ გააქტიურებას გამოეხმაურა ყოფილი პრეზიდენტი, გიორგი მარგველაშვილიც. მისი მოსაზრებით, მთავრობის ყოფილი ხელმძღვანელის მომავალი პოლიტიკური მოძრაობა ქართული ოცნება 2 იქნება.
"პარასკევს თუ ხუთშაბათს საღამოს ვთქვი, რომ კარგი იქნებოდა, რომ საქართველოში ძლიერი ალტერნატიული პოლიტიკური ძალა გაჩენილიყო. არც აციეს და არც აცხელეს და შვებულებიდან ორშაბათს გამოიყვანეს გახარია, რომ შეასრულოს ეს თითქოს მისია, რომ შექმნას ქართული ოცნება 2. მადლობა ქართულ ოცნებას, რომ ასე ყურადღებით მისმენს და ასრულებს იმ დავალებებს, რომელთაც აქედან გავცემთ", — ამბობს მარგველაშვილი.
გახარიას დამოუკიდებლობაში ეჭვი ეპარება ლელოს ლიდერს, ბადრი ჯაფარიძესაც. ამასთან, იგი აღნიშნავს, რომ სანამ ყოფილი პრემიერი პოლიტიკაში დაბრუნებაზე იფიქრებს, მან ბევრ კითხვას უნდა გასცეს პასუხი.
მიუხედავად იმისა, რომ გიორგი გახარიას შესაძლო გადადგომის შესახებ არაერთი მედიასაშუალება იუწყებოდა, მან თანამდებობა მოულოდნელად დატოვა. ამ პერიოდში აქტიურად საუბრობდნენ მის დაპირისპირებაზე ქართული ოცნების ახლადარჩეულ თავმჯდომარესთან, ირაკლი კობახიძესთან, რასაც გახარია უარყოფდა.
ნაციონალური მოძრაობის ლიდერისთვის, ნიკა მელიასთვის პატიმრობის შეფარდებიდან რამდენიმე საათში, 18 თებერვლის დილას გიორგი გახარიამ პოსტის დატოვების შესახებ განაცხადა.
გახარიამ მაშინ თქვა, რომ მისი ურყევი პოზიციაა, "ერთი კონკრეტული ადამიანის მიმართ თუნდაც კანონიერი, მართლმსაჯულებით განსაზღვრული ღონისძიების აღსრულება, თუ ეს რისკს უქმნის ჩვენი მოქალაქეების ჯანმრთელობას, სიცოცხლეს ან საერთოდ ქვეყანაში ქმნის პოლიტიკური ესკალაციის შესაძლებლობას, არის მიუღებელი".
ირაკლი კობახიძის მტკიცებით, მელიას დაპატიმრებაზე გუნდისა და ყოფილი პრემიერის პოზიციები 17 თებერვლის 5 საათამდე იდენტური იყო, თუმცა შემდეგ გახარიამ "აზრი უცბად შეიცვალა".
გაიგეთ მეტი:
-
გადახედვასალომე ზურაბიშვილი ელჩებს: დაძაბულ ვითარებაში ვართ... ჩემი თხოვნაა, განხორციელდეს მაღალი დონის ვიზიტები მაისის ბოლომდე სალომე ზურაბიშვილი ელჩებს: დაძაბულ ვითარებაში ვართ... ჩემი თხოვნაა, განხორციელდეს მაღალი დონის ვიზიტები მაისის ბოლომდე
-
გადახედვააზერბაიჯანში დაკავებულ მედია ადვოკატს და ტელეკომპანიის დამფუძნებელს, არ აძლევენ საშუალებას, სასწრაფო ბიოფსია ჩაიტაროს აზერბაიჯანში დაკავებულ მედია ადვოკატს და ტელეკომპანიის დამფუძნებელს, არ აძლევენ საშუალებას, სასწრაფო ბიოფსია ჩაიტაროს
-
გადახედვასასტუმრო პარაგრაფთან აქციის მონაწილე დააკავეს სასტუმრო პარაგრაფთან აქციის მონაწილე დააკავეს
-
გადახედვაპრეზიდენტმა ე.წ ოფშორების კანონს ვეტო დაადო პრეზიდენტმა ე.წ ოფშორების კანონს ვეტო დაადო
-
გადახედვასაქართველოს რეიტინგი, პრესის თავისუფლების მსოფლიო ინდექსში, 26 ადგილით დაეცა საქართველოს რეიტინგი, პრესის თავისუფლების მსოფლიო ინდექსში, 26 ადგილით დაეცა
-
გადახედვაჟურნალისტური ეთიკის ქარტიის განცხადება კახა კალაძის მიერ, ჟურნალისტის შეურაცხყოფის ფაქტზე ჟურნალისტური ეთიკის ქარტიის განცხადება კახა კალაძის მიერ, ჟურნალისტის შეურაცხყოფის ფაქტზე
-
გადახედვადღეს, კობახიძემ, ამ ქვეყნის ისტორიაში უპრეცედენტო და უდიდესი თავდასხმა განახორციელა აშშ-ზე — გრიგოლ გეგელია დღეს, კობახიძემ, ამ ქვეყნის ისტორიაში უპრეცედენტო და უდიდესი თავდასხმა განახორციელა აშშ-ზე — გრიგოლ გეგელია
-
გადახედვარა უნდა ვიცოდეთ დღევანდელ პროტესტზე, რომელიც 18:30-ზე დაიწყება სასტუმრო პარაგრაფთან, თავისუფლების მოედანზე რა უნდა ვიცოდეთ დღევანდელ პროტესტზე, რომელიც 18:30-ზე დაიწყება სასტუმრო პარაგრაფთან, თავისუფლების მოედანზე
-
გადახედვაკობახიძე აშშ-ს "ორ რევოლუციურ მცდელობაში" ადანაშაულებს — რა გავიგეთ მისი და აშშ-ის სახელმწიფო მდივნის მრჩევლის პოსტებიდან X-ზე კობახიძე აშშ-ს "ორ რევოლუციურ მცდელობაში" ადანაშაულებს — რა გავიგეთ მისი და აშშ-ის სახელმწიფო მდივნის მრჩევლის პოსტებიდან X-ზე
-
გადახედვაკალაძე სპორტსმენებზე, რომელმაც ხელისუფლების ძალადობა დაგმეს: "მეც ვუერთდები "არა რუსულ კანონს", ამ სუფთა ქართულ კანონს კი აუცილებლად მივიღებთ" კალაძე სპორტსმენებზე, რომელმაც ხელისუფლების ძალადობა დაგმეს: "მეც ვუერთდები "არა რუსულ კანონს", ამ სუფთა ქართულ კანონს კი აუცილებლად მივიღებთ"
-
გადახედვამინდა, მივმართო ჩვენი ქვეყნის აკრედიტებულ ელჩებს მეგობარ ქვეყნებში... საკითხი ეხება ჩვენი ქვეყნის მომავალს! — მამუკა ხაზარაძე მინდა, მივმართო ჩვენი ქვეყნის აკრედიტებულ ელჩებს მეგობარ ქვეყნებში... საკითხი ეხება ჩვენი ქვეყნის მომავალს! — მამუკა ხაზარაძე
-
გადახედვაპოლიციის უმოქმედობა აქციის მონაწილეებზე ძალადობას ახალისებს — DRI პოლიციის უმოქმედობა აქციის მონაწილეებზე ძალადობას ახალისებს — DRI
-
გადახედვაპარლამენტში 3 და 4 მაისს უსაფრთხოების ყვითელი დონე იმოქმედებს — ვიზიტორებს ეზღუდებათ პარლამენტის სასახლეში შესვლა პარლამენტში 3 და 4 მაისს უსაფრთხოების ყვითელი დონე იმოქმედებს — ვიზიტორებს ეზღუდებათ პარლამენტის სასახლეში შესვლა
-
გადახედვა11 მაისს, ევროპის დღეს, რუსული კანონის საწინააღმდეგო მანიფესტაცია დაანონსდა 11 მაისს, ევროპის დღეს, რუსული კანონის საწინააღმდეგო მანიფესტაცია დაანონსდა
-
გადახედვაცირკთან აქციის მონაწილეებს, უცნობი პირები, ფიზიკურად გაუსწორდნენ ცირკთან აქციის მონაწილეებს, უცნობი პირები, ფიზიკურად გაუსწორდნენ
-
გადახედვასაფრანგეთში მცხოვრები ქართველი სტუდენტები რუსული კანონის გაწვევას მოითხოვენ და აქციის მონაწილეებზე ძალადობას გმობენ საფრანგეთში მცხოვრები ქართველი სტუდენტები რუსული კანონის გაწვევას მოითხოვენ და აქციის მონაწილეებზე ძალადობას გმობენ
-
გადახედვაგზის გადაკეტვა შეკრების თავისუფლების ფორმაა — საია გზის გადაკეტვა შეკრების თავისუფლების ფორმაა — საია
-
გადახედვაკობახიძე აშშ-ში მიიწვიეს დათქმით, რომ ვიზიტამდე უნდა შეჩერებულიყო კანონპროექტის განხილვა — საგარეო აშშ-ის ელჩის განცხადებაზე კობახიძე აშშ-ში მიიწვიეს დათქმით, რომ ვიზიტამდე უნდა შეჩერებულიყო კანონპროექტის განხილვა — საგარეო აშშ-ის ელჩის განცხადებაზე
-
-
გადახედვაპოლიციამ გმირთა მოედანზე, რამდენიმე წუთის წინ, სამი ადამიანი დააკავა პოლიციამ გმირთა მოედანზე, რამდენიმე წუთის წინ, სამი ადამიანი დააკავა
-
გადახედვაჩაკვეტაძე: არაფერი არ დგას ჩვენს ხალხზე მაღლა, გაიწვიეთ ეს კანონი ჩაკვეტაძე: არაფერი არ დგას ჩვენს ხალხზე მაღლა, გაიწვიეთ ეს კანონი
კომენტარები